ក្ដៅខ្លាំងនៅឥណ្ឌា! ស្លា.ប់ជាង១០នាក់ក្នុងការប្រមូលផ្ដុំគ្នានៅកម្មវិធីប្រគល់ពានរង្វាន់មួយ
ប្រទេសឥណ្ឌា ៖ អាជ្ញាធររាយការណ៍នាថ្ងៃទី១៧ មេសាថា មនុស្ស១១នាក់បានស្លា.ប់ ពេលមានការ
ប្រទេសឥណ្ឌា ៖ អាជ្ញាធររាយការណ៍នាថ្ងៃទី១៧ មេសាថា មនុស្ស១១នាក់បានស្លា.ប់ ពេលមានការប្រមូលផ្ដុំមនុស្សដ៏ធំមួយកណ្ដាលថ្ងៃដ៏ក្ដៅហែង នាឱកាសប្រគល់ពានរង្វាន់មួយ ដែលមានមនុស្សចូលរួមដល់ប្រមាណជា១លាននាក់។
ខុន្ទកាល័យនាយករដ្ឋមន្ត្រីនៃរដ្ឋមហារាស្ត្រា បានរៀបរាប់ពីសោកនាដកម្មនោះ ដោយសន្យាជួយដល់សាច់ញាតិគ្រួសារជនរងគ្រោះ ។ តាមបណ្ដាសារព័ត៌មានក្នុងស្រុកថា មនុស្ស២០នាក់បញ្ជូនទៅមន្ទីរពេទ្យ ហើយមនុស្សប្រមាណ៣០០នាក់ធ្លាក់ខ្លួនឈឺ ក្រោយចូលរួមក្នុងពិធីប្រគល់ពានរង្វាន់នោះដែលរៀបចំធ្វើកាលពីថ្ងៃទី១៦ មេសា នៅជិតក្រុងបុមបៃខណៈសីតុណ្ហភាពឡើងដល់ជិត៣៨អង្សាស និងក្នុងបរិយាកាសសើមខ្លាំងដោយសារការបាញ់ទឹក ។
បណ្ដាអ្នកទទួលខុសត្រូវឥណ្ឌាបានចូលរួមក្នុងពិធីនេះ ក្នុងនោះមានរដ្ឋមន្ត្រីមហាផ្ទៃលោកអាមីតសាហ៏ ដែលបានថ្លែងអំណរគុណដល់បណ្ដាអ្នកចូលរួមដែលស៊ូអត់ធ្មត់ដ៏យូរក្រោមធាតុអាកាសក្ដៅហែង ។
តាមកាសែតឥណ្ឌា INDIAN EXPRESS ថា គណបក្សកាន់អំណាចឥណ្ឌា JANATA PARTY យ៉ាងរាប់ឃើញអ្នកចូលរួមពិធីនោះដល់ប្រមាណ១លាននាក់។
គណបក្សប្រឆាំងឥណ្ឌាកុងក្រេសបានចោទប្រកាន់ចំពោះការធ្វេសប្រហែសរបស់រដ្ឋាភិបាលនិងទាមទារឲ្យមានការស៊ើបអង្កេតពីបទឧក្រិដ្ឋ។
រលកធាតុអាកាសក្ដៅខ្លាំងបានសម្លាប់មនុស្សជាង៦៥០០នាក់នៅឥណ្ឌា ចាប់តាំងពីឆ្នាំ២០១០មក ។ កាលពីឆ្នាំទៅមិញធាតុអាកាសក្ដៅខ្លាំងបំផុតកើតមាននៅឥណ្ឌា ៕
ចែករំលែកព័តមាននេះ