ជនសង្ស័យម្នាក់ត្រូវកម្លាំងការិយាល័យប្រឆាំងការជួញដូរមនុស្ស នៃបញ្ជាការដ្ឋានកងរាជអាវុធហត្ថខេត្ត បញ្ជូនទៅកាន់សាលាដំបូងខេត្តបន្ទាយមានជ័យ អនុវត្តតាមនីតិវិធីហើយ
ខេត្តបន្ទាយមានជ័យ ៖ ជនសង្ស័យម្នាក់ត្រូវកម្លាំងការិយាល័យប្រឆាំងការជួញដូរមនុស្ស នៃបញ្ជាការដ្ឋានកងរាជអាវុធហត្ថខេត្ត បញ្ជូនទៅកាន់សាលាដំបូងខេត្តបន្ទាយមានជ័យ អនុវត្តតាមនីតិវិធីហើយ នៅរសៀលថ្ងៃទី១២ ខែមេសា ឆ្នាំ២០២៣ ម្សិលមិញនេះ ក្រោយពីកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានឃាត់ខ្លួនកាលពីថ្ងៃទី១១ ខែមេសា ពាក់ព័ន្ធក្នុងករណីរំលោ.ភសេពសន្ថវៈ ដែលប្រព្រឹត្តកាលពីថ្ងៃទី០៥-០៦ ខែមេសា ឆ្នាំ២០២៣ នៅចំណុចបន្ទប់ ស្ថិតក្នុងសង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានឱ្យដឹងថា ជនសង្ស័យខាងលើមានឈ្មោះ ទឹម សាមឌី ភេទប្រុស អាយុ៣៥ឆ្នាំ ជនជាតិខ្មែរ បច្ចុប្បន្នរស់នៅសង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។ ជនសង្ស័យរូបនេះ ត្រូវបានឈ្មោះ ទឹម តុលា ភេទប្រុស អាយុ៣៤ឆ្នាំ រស់នៅសង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ (ត្រូវជាបងថ្លៃ) ប្តឹង កាលពីថ្ងៃទី១១ ខែមេសា ឆ្នាំ២០២៣ ដោយចោទប្រកាន់ពីបទរំលោ.ភសេពសន្ថវៈទៅលើក្មេងស្រីអាយុ១១ឆ្នាំ (ត្រូវជាកូនបង្កើតរបស់ជនសង្ស័យ) តាំងពីកូនអាយុ៩ឆ្នាំ រហូតដល់លើកចុងក្រោយនេះ គឺរំលោ.ភនៅថ្ងៃទី០៥-០៦ ខែមេសា ឆ្នាំ២០២៣ ។
លោកមេបញ្ជាការបានបញ្ជាក់ថា បើតាមសំដីជនរងគ្រោះបង្ហើបប្រាប់យាយ និងអ៊ុំឱ្យដឹងកាលពីថ្ងៃទី១០ ខែមេសា ឆ្នាំ២០២៣នេះថា កាលដែលទៅលេងផ្ទះយាយនៅឯខេត្តពោធិ៍សាត់ ហើយខ្លួនយំស្រែកមិនព្រមត្រឡប់មកផ្ទះវិញ ព្រោះតែខ្លាចឪពុកបង្កើតធ្វើបា.បទៀត (រំលោ.ភ)។
ក្រោយពីទទួលបានពាក្យបណ្ដឹងខាងលើនេះភ្លាម កម្លាំងមូលដ្ឋានក្រុងប៉ោយប៉ែត បានឃាត់ខ្លួនជងសង្ស័យជាឪពុក មកកាន់មូលដ្ឋានកងរាជអាវុធក្រុង ដើម្បីសួរនាំ តែជនសង្ស័យបដិសេធពុំព្រមទទួលស្គាល់កំហុសនោះឡើយ។ ប៉ុន្តែដោយផ្អែកលើពាក្យបណ្តឹងរបស់អ៊ុំប្រុស និងចម្លើយបំភ្លឺរបស់ក្មេងស្រីរងគ្រោះ ជនសង្ស័យរូបនេះត្រូវបញ្ជូនបន្តមកកាន់កងរាជអាវុធហត្ថខេត្ត ដើម្បីចាត់ការបន្តតាមនីតិវិធីហើយដែរ៕
ចែករំលែកព័តមាននេះ