ភ្លៀងធ្លាក់មួយមេធំលាយឡំទៅដោយខ្យល់កន្ទ្រាក់បោ.កបក់យ៉ាងខ្លាំង ព្រមទាំងមានផ្លេកបន្ទូលផង រន្ទះផង បង្កឲ្យលំនៅដ្ឋានរបស់ប្រជាពលរដ្ឋចំនួន៤៣ខ្នងរងការខូចខាត និងប៉ាណូប្រភេទយក្យចំនួន២ផ្ទាំង ក៏ត្រូវ
ខេត្តឧត្តរមានជ័យ ៖ ភ្លៀងធ្លាក់មួយមេធំលាយឡំទៅដោយខ្យល់កន្ទ្រាក់បោ.កបក់យ៉ាងខ្លាំង ព្រមទាំងមានផ្លេកបន្ទូលផង រន្ទះផង បង្កឲ្យលំនៅដ្ឋានរបស់ប្រជាពលរដ្ឋចំនួន៤៣ខ្នងរងការខូចខាត និងប៉ាណូប្រភេទយក្យចំនួន២ផ្ទាំង ក៏ត្រូវដួលរំលំកាត់ទទឹងផ្លូវ បណ្ដាលឱ្យស្ទះចរាចរណ៍ កាលពីវេលាម៉ោង១៩យប់ ថ្ងៃទី៦ ខែមេសា ឆ្នាំ២០២៣ ស្ថិតនៅក្នុងភូមិភ្នៀត សង្កាត់សំរោង ក្រុងសំរោង ខេត្តឧត្តរមានជ័យ។
បើតាមពលរដ្ឋរស់នៅក្បែរៗកន្លែងកើតហេតុបានប្រាប់ឲ្យដឹងថា នៅវេលាម៉ោង៦ល្ងាច គេសង្កេតឃើញមេឃឡើងដុំពពកពណ៌ខ្មៅ លុះបន្តិចក្រោយមក នៅម៉ោងប្រមាណជា៧យប់ ស្រាប់តែទឹកភ្លៀងបានធ្លាក់ ហើយលាយឡំជាមួយខ្យល់កន្ត្រាក់បោ.កបក់យ៉ាងខ្លាំង រួមទាំងផ្លេកបន្ទូលផង រន្ទះផងដែរ។ ខណៈពេលនោះ ប៉ាណូចំនួន២ផ្ទាំង ក៏ត្រូវដួលរំលំកាត់ផ្លូវជាតិលេខ៥៨ទៀតផង ប៉ុន្តែសំណាងល្អ ដោយមិនមានរថយន្តបើកបរឆ្លងកាត់នោះទេ។
ទាក់ទិនទៅនឹងគ្រោះធម្មជាតិខាងលើនេះ នៅរសៀលថ្ងៃទី៧ ខែមេសា ឆ្នាំ២០២៣នេះ លោក ផុន ចាន់ណិល អភិបាលក្រុងសំរោង បានឲ្យដឹងជាបឋមថា គ្រោះធម្មជាតិនេះបានបង្កឡើងដោយភ្លៀងធ្លាក់លាយឡំខ្យល់កន្ទ្រាក់ ផ្គរ ន្ទះ បោ.កបក់យ៉ាងខ្លាំង បង្កឲ្យលំនៅដ្ឋានរបស់ប្រជាពលរដ្ឋមានចំនួន៤៣ខ្នង ទទួលរងការខូចខាតធ្ងន់ និងស្រាល។ លើសពីនោះ ប៉ាណូចំនួន២ផ្ទាំងដែលមានកម្ពស់៦ម៉ែត្រ ទទឹងកាត់ផ្លូវ១២ម៉ែត្រ ក៏ត្រូវដួលរំលំផងដែរ តែសំណាងមិនបង្កគ្រោះថ្នាក់ដល់មនុស្ស និងរថយន្តដែលបើកបរឆ្លងកាត់នោះទេ។
លោកអភិបាលក្រុងបានបន្តថា នៅក្នុងហេតុការណ៍គ្រោះធម្មជាតិនេះ លោកប៉ែន កុសល្យអភិបាលខេត្តបានដឹកនាំកងកម្លាំង និងមន្ត្រីពាក់ព័ន្ធក្នុងខេត្ត យកគ្រឿងចក្រចំនួន២គ្រឿងមកឈួសផ្ទាំងប៉ាណូដែលដួលរលំកាត់ទទឹងផ្លូវនោះ ចេញពីដងផ្លូវភ្លាមៗ ដោយមិនទុកបង្កឱ្យរាំងស្ទះចរាចរណ៍នោះទេ៕
ចែករំលែកព័តមាននេះ