ឡិចស៊ីស570បុករ៉ឺម៉ក រ៉ឺម៉កបុកឡិចស៊ីស470
រាជធានីភ្នំពេញ ៖ បុរស២នាក់បើករថយន្តបង្កម៉ាកឡិចស៊ីស៥៧០ ពណ៌ខ្មៅ ស៊េរីឆ្នាំ២០១៦
រាជធានីភ្នំពេញ ៖ បុរស២នាក់បើករថយន្តបង្កម៉ាកឡិចស៊ីស៥៧០ ពណ៌ខ្មៅ ស៊េរីឆ្នាំ២០១៦
រាជធានីភ្នំពេញ ៖ បុរស២នាក់បើករថយន្តបង្កម៉ាកឡិចស៊ីស៥៧០ ពណ៌ខ្មៅ ស៊េរីឆ្នាំ២០១៦ បើកជ្រុលទៅបុកគូទរ៉ឺម៉កម៉ូតូពីក្រោយរុញបន្តទៅបុកគូទរថយន្តឡិចស៊ីស៤៧០បណ្តាលឱ្យរងការខូចខាតទាំងសងខាងយ៉ាងដំណំ និងរងរបួសអ្នកបើករ៉ឺម៉កម៉ូតូកាលពីវេលាម៉ោង៨នឹង៣០នាទីយប់ថ្ងៃទី១៦ ខែតុលា ឆ្នាំ២០១៧ តាមបណ្តោយផ្លូវសហព័ន្ធរុស្សីនៅចំណុចមុខក្រសួងការងារ ស្ថិតនៅក្នុងសង្កាត់ទឹកល្អក់១ ខណ្ឌទួលគោក ។
តាមប្រភពព័ត៌មានពីសាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញបុរស២នាក់ជាជនជាតិចិនបើករថយន្តបង្កម៉ាកឡិចស៊ីស៥៧០ ស៊េរីឆ្នាំ២០១៦ ពាក់ស្លាកលេខ ភ្នំពេញ២AI-៧៦៦៦ បើកបរតាមបណ្តោយផ្លូវសហព័ន្ធរុស្សីក្នុងទិសដៅពីកើតទៅលិច ខណៈមកដល់ចំណុចកើតហេតុខាងលើរថយន្តជនជាតិចិនជាន់ហ្គែជ្រុលទៅបុកគូទរ៉ឺម៉កម៉ូតូដែលបើកស្របទិសគ្នាពីក្រោយបណ្តាលឱ្យរងការខូចខាតរថយន្តខ្ទេចអស់មួយចំហៀងខាងស្តាំ ចំណែកឯរ៉ឺម៉កម៉ូតូខូចខាតខ្ទេចគូទក្រោយភ្លាមៗនោះដែលរ៉ឺម៉កម៉ូតូមិនទាន់អស់ល្បឿនក៏រុញបន្តទៅបុកគូទរថយន្តមួយគ្រឿងទៀតម៉ាកឡិចស៊ីស៤៧០ ពណ៌ស្ករ ពាក់ស្លាកលេខ ភ្នំពេញ ២AP-៩៦៩៤ ដែលចតនៅចិញ្ចើមផ្លូវដែលគេធ្វើដំណើរទិសដៅស្របទិសគ្នាបណ្តាលឱ្យរងការខូចខាតបែកកញ្ចក់ក្រោយនឹងហើបស្តុបក្រោយនិងកាងផ្នែកខាងឆ្វេង ហើយជនជាតិចិនទាំង២នាក់នោះមិនបានរត់ទៅណានោះទេបានចុះពីលើរថយន្តរួចទៅដោះស្រាយគ្នាជាមួយជនរងគ្រោះទាំង២នាក់ ។
ក្រោយពេលកើតហេតុរថយន្តសង្គ្រោះរបស់គ្លីនិកឯកជនបានមកដល់ដឹកយកជនរងគ្រោះយកទៅព្យាបាល រីឯបងប្រុសម្ចាស់រ៉ឺម៉កម៉ូតូមានតំណាងទាមទារសំណងចំនួន២០០០ដុល្លារ ប៉ុន្តែចុះនៅសល់ត្រឹមតែ១៥០០ដុល្លារ ចំណែកឯខាងម្ចាស់រថយន្តឡិចស៊ីស៤៧០វិញទាមទារសំណងចំនួន១៥០០ដុល្លារចុះនៅត្រឹមតែ១២០០ដុល្លារដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ