ទីបំផុត! សភាប្រជុំរឿងបែងចែកអាសនៈបក្សប្រឆាំង
រាជធានីភ្នំពេញ ៖ រដ្ឋសភា នៅទីបំផុតនៅព្រឹកថ្ងៃទី១៦ ខែតុលានេះ បានសម្រេច
រាជធានីភ្នំពេញ ៖ រដ្ឋសភា នៅទីបំផុតនៅព្រឹកថ្ងៃទី១៦ ខែតុលានេះ បានសម្រេច
រាជធានីភ្នំពេញ ៖ រដ្ឋសភា នៅទីបំផុតនៅព្រឹកថ្ងៃទី១៦ ខែតុលានេះ បានសម្រេចយកសេចក្តីព្រាងច្បាប់សំខាន់ៗចំនួន៤ពាក់ព័ន្ធនឹងវិសោធនកម្មច្បាប់ពាក់ព័ន្ធនឹងការបែងចែកអាសនៈរដ្ឋសភាគណបក្សនយោបាយដែលត្រូវរំលាយ។
សម័យប្រជុំរដ្ឋសភានាព្រឹកថ្ងៃទី១៦ តុលា ឆ្នាំ២០១៧នេះ ក្រោមធិបតីភាពសម្តេច ហេង សំរិន ប្រធានដ្ឋសភា និងការអញ្ជើញចូលរួមពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសមាជិក សមាជីកការសរុបចំនួន៦៧រូប នៃចំនួនសភាជិកសភាទាំងមូល ។
កិច្ចប្រជុំសភាលើករបៀបវារៈមួយចំនួននេះ បន្ទាប់ពីអចិន្ត្រៃយ៍រដ្ឋសភា សម្រេចបញ្ជូនរបៀបវារៈសំខាន់ៗចំនួន៤ ពាក់ព័ន្ធនឹងវិសោធនកម្មច្បាប់ដែលគណបក្សនយោបាយដែលត្រូវរំលាយ ទៅចែកឲ្យគណបក្សនយោបាយផ្សេងតាមការកំណត់របស់គណៈកម្មាធិការជាតិរៀបចំការបោះឆ្នោត។
របៀបវារៈសំខាន់ៗមានដូចជា ៖
១- វិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ
២- វិសោធនកម្មច្បាប់ស្តីពីការបោះឆ្នោតជ្រើសតាំងព្រឹទ្ធសភា
៣- វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ/សង្កាត់
៤- វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ។
ក្នុងវិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ ក៏បានកែប្រែនូវមាត្រា១៣៨-ស្ទួន ដោយកំណត់យ៉ាងច្បាស់ថា៖ ក្នុងនីតិកាលនៃរដ្ឋសភា ប្រសិនបើមានគណបក្សនយោបាយណាមួយប្រកាសបោះបង់ចោលអាសនៈ ឬត្រូវលុបឈ្មោះចេញពីបញ្ជីគណបក្សនយោបាយ ឬត្រូវរំលាយ ស្របតាមច្បាប់ស្តីពីគណបក្សនយោបាយ បញ្ជីបេក្ខជន និងតំណាងរាស្ត្រទាំងអស់នៃគណបក្សនយោបាយនោះ លែងមានសុពលភាព និងលែងមានគុណសម្បត្តិតទៅទៀតហើយ។
ក្នុងករណីខាងលើនេះ គណៈកម្មាធិការជាតិរៀបចំការបោះឆ្នោតត្រូវធ្វើការបែងចែកអាសនៈដែលនៅទំនេរនោះ ក្នុងរយៈពេលយ៉ាងយូរ៧ថ្ងៃ ទៅឱ្យគណបក្សនានា ដែលបានចូលរួមក្នុងការបោះឆ្នោតក្នុងរាជធានី-ខេត្តជាមួយ ដោយមិនគិតបញ្ចូលគណបក្សនយោបាយដែលបោះបង់ចោលអាសនៈ ឬដែលត្រូវលុបឈ្មោះចេញពីបញ្ជីគណបក្សនយោបាយ ឬដែលត្រូវរំលាយស្របតាមច្បាប់ស្តីពីគណបក្សនយោបាយ និងគណបក្សនយោបាយមានអាសនៈក្នុងរដ្ឋសភា ដែលដឹកនាំដោយរាជរដ្ឋាភិបាលតាមជំហាន។
ក្នុងករណីចំនួនសន្លឹកឆ្នោតបានការរបស់គណបក្សនយោបាយស្មើគ្នានោះ អាសនៈដែលនៅសល់នោះត្រូវបែងចែកទៅឲ្យគណបក្សនយោបាយតាមការចាប់ឆ្នោតដែលកំណត់ដោយបទបញ្ជា និងនីតិវិធីរបស់គណៈកម្មាធិការជាតិរៀបចំការបោះឆ្នោត ។
ក្នុងរកណីគណបក្សនយោបាយណាមួយទទួលបានអាសនៈបន្ថែមមួយ ឬច្រើន ប៉ុន្តែបញ្ជីបេក្ខជនរបស់ខ្លួនមានបេក្ខជនតិតជាងអាសនៈនោះ គណៈកម្មាធិការជាតិរៀបចំការបោះឆ្នោតត្រូវស្នើជាលាយលក្ខណ៍អក្សរទៅសាមីគណបក្សនោះ ឲ្យបន្ថែមឈ្មោះក្នុងបញ្ជីបេក្ខជនក្នុងរយៈពេលយ៉ាងយូរ៥ថ្ងៃ ក្រោយពីទទួលសំណើ ។ បែបបទនៃការទទួលពិនិត្យ និងការអនុម័តបេក្ខជនដែលស្នើបន្ថែមនេះ ត្រូវអនុវត្តតាមបទប្បញ្ញតិ្តដូចមានចែងក្នុងមាត្រា ២៣ ,២ ៤,២៥, ២៦, ២៨, ៣២,៣៣, ៣៤,៣៥, និងមាត្រា៣៦ នៃច្បាប់ស្តីពីការបោះឆ្នោតជ្រើសតាំងអ្នកតំណាងរាស្ត្រ ។
ក្នុងករណីគណបក្សនយោបាយណាមួយមិនបានអនុវត្តតាមពេលវេលាខាងលើ ឬមិនបានកែលម្អការខ្វះខាត ដែលធ្វើឲ្យគណបក្សនយោបាយនោះមិនអាចបំពេញអាសនៈឲ្យនៅទំនេ ។ ករណីនេះគណៈកម្មាធិការជាតិរៀបចំការបោះឆ្នោត ត្រូវបែងចែកអាសនៈដែលនៅទំនេរនេះតាមបទប្បញត្តិនៃមាត្រានេះ។
ក្នុងករណីពុំមានគណបក្សនយោបាយទទួលយកអាសនៈ ឬដែលត្រូវលុបឈ្មោះចេញពីបញ្ជីគណបក្សនយោបាយ ឬត្រូវបានរំលាយ ស្របតាមច្បាប់ស្តីពី គណបក្សនយោបាយ គណៈ កម្មាធិការជាតិរៀបចំការបោះឆ្នោតត្រូវបែងចែកអាសនៈដែលនៅទំនេរនោះឲ្យទៅគណបក្សនយោបាយដែលមានអាសនៈនៅក្នុងរដ្ឋសភា ។
សម័យប្រជុំរដ្ឋសភាលើកទី៩ នីតិកាលទី៥ ក៏លើកយករបៀបវារៈស្តីពីការពិភាក្សា និងអនុម័តសេចក្តីព្រាងច្បាប់ស្តីពីការអនុម័ត យល់ព្រម លើកិច្ចព្រមព្រៀង ស្តីពីការទទួលស្គាល់សុពលភាពនៃប្រកាសនីយកម្មបត្រកម្មអឺរ៉ុប រវាងរដ្ឋាភិបាលនៃព្រះរាជាណាចក្រកម្ពុជា និងស្ថាប័នប្រកាសនីយកម្មបត្រកម្មអឺរ៉ុប ។ និងការពិភាក្សា និងអនុម័តសេចក្តីព្រាងច្បាប់ស្តីពីវិសោធនកម្មមាត្រា ៣៧ មាត្រា៣៨ មាត្រា១០៩ និងមាត្រា ១៣៦ នៃច្បាប់ស្តីពីប្រកាសនីយកម្មបត្រតត្តកម្មវិញ្ញាបត្រម៉ូដែលមានអត្ថប្រយោជន៍ និងគំនូរឧស្សាហកម្មដែលត្រូវបានប្រកាសឲ្យប្រើដោយព្រះរាជក្រមលេខ នស / រកម/ ០១០៣ /០០៥ ចុះថ្ងៃទី២២ខែមករា ឆ្នាំ២០១៣៕
ចែករំលែកព័តមាននេះ