ចិនព្រមានតបត បើប្រធានាធិបតីតៃវ៉ាន់ជួបមេដឹកនាំជាន់ខ្ពស់អាមេរិក
ប្រទេសចិន ៖ ចិនសន្យាពីការតបតវិញ ប្រសិនបើប្រធានាធិបតីតៃវ៉ាន់ជួបជាមួយប្រធានសភាអា
ប្រទេសចិន ៖ ចិនសន្យាពីការតបតវិញ ប្រសិនបើប្រធានាធិបតីតៃវ៉ាន់ជួបជាមួយប្រធានសភាអា
ប្រទេសចិន ៖ ចិនសន្យាពីការតបតវិញ ប្រសិនបើប្រធានាធិបតីតៃវ៉ាន់ជួបជាមួយប្រធានសភាអាមេរិក លោកKEVIN MCCARTHY ក្នុងពេលលោកស្រីធ្វើដំណើរទៅកាន់សហរដ្ឋអាមេរិក ចាប់ផ្ដើមនាថ្ងៃទី២៩ មីនា នៅក្រុងញូវយ៉ក មុនពេលបន្តដំណើរទៅកាន់អាមេរិកកណ្ដាល។
ប្រធានាធិបតីតៃវ៉ាន់លោកស្រីTSAI ING WEN ដែលធ្វើដំណើរនោះ ដើម្បីពង្រឹងទំនាក់ទំនងការទូតរវាងកោះតៃវ៉ាន់និងបណ្ដាសម្ព័ន្ធមិត្ត នាចុងរសៀលថ្ងៃទី២៩មីនាបានទៅដល់សណ្ឋាគារធំមួយនៅម៉ាន់ហាតាន់។ នៅខាងក្រៅសណ្ឋាគារលោកស្រីត្រូវបានទទួលដោយអ្នកគាំទ្រប្រមាណជា១០០នាក់ ដែលគ្រវីទង់ជាតិតៃវ៉ាន់និងទង់ជាតិអាមេរិក ។ ចំណែកអ្នកគាំទ្រក្រុងប៉េកាំងប្រមាណជា១០០នាក់ដែរ បាននាំគ្នាលើកគ្រវីទង់ជាតិចិននៅផ្នែកម្ខាងនៃដងវិថី។
លោកស្រីប្រធានាធិបតីចិនតៃវ៉ាន់ គ្រោងស្ថិតនៅក្រុងញូវយ៉ក រហូតដល់ថ្ងៃទី៣០មីនា មុនទៅកាន់ប្រទេសហ្គាតេម៉ាឡានិងបេលីស។ ពេលវិលត្រឡប់មកវិញលោកស្រីនឹងមកកាន់កាលីហ្វ័រនីញ៉ា កន្លែងដែលប្រធានសភាអាមេរិកជាអ្នកសាធារណរដ្ឋ លោកMCCARTHY ថ្លែងថា លោកត្រៀមជួបជាមួយលោកស្រីតែរឿងនោះមិនត្រូវបានអះអាងដោយអាជ្ញាធរតៃវ៉ាន់ឡើយ។
ក្រុងប៉េកាំងបានព្រមាននាថ្ងៃទី២៩មីនា ពីការប្រឆាំងយ៉ាងម៉ឺងម៉ាត់ ចំពោះការជួបគ្នាបែបនោះ ដោយសន្យាចាត់បណ្ដាវិធានការខ្លាំងក្លាតបតវិញ បើមានការជួបគ្នាបែបនោះមែន។ សេតវិមានបានឆ្លើយតបថា ចិនមិនត្រូវយកលេសលោកសTSAI ING WENធ្វើដំណើរឆ្លងកាត់សហរដ្ឋអាមេរិក ដើម្បីបញ្ចេញប្រតិកម្មបែបឈ្លានពានជុំវិញច្រកសមុទ្រតៃវ៉ាន់ឡើយ។
អ្នកនាំពាក្យក្រុមប្រឹក្សាសន្តិសុខជាតិអាមេរិក លោកJOHN KIRBYអះអាងជាថ្មីពីទំនាក់ទំនងមិនផ្លូវការ របស់អាមេរិកតាំងពីយូរលង់មកហើយជាមួយតៃវ៉ាន់ និងនយោបាយចិនតែមួយរបស់អាមេរិកដែលមិនផ្លាស់ប្ដូរ៕
ចែករំលែកព័តមាននេះ