ប្រាសាទបន្ទាយសំរ៉ែ រងការខូចខាតខ្លាំង អាជ្ញាធរកំពុងជួសជុលឡើងវិញ
- សៀមរាប
ក្រុមអ្នកបច្ចេកទេសអាជ្ញាធរជាតិអប្សរា កំពុងធ្វើការសិក្សាសម្រង់ប្លង់រានហាលទី២ ផ្នែកជ្រុងខាងជើងឆៀងខាងលិចរបស់ប្រាសាទបន្ទាយសំរ៉ែ ដែលរងការខូចខាតខ្លាំង
ខេត្តសៀមរាប ៖ នាថ្ងៃទី២៩ ខែមីនា ឆ្នាំ២០២៣នេះ ក្រុមអ្នកបច្ចេកទេសអាជ្ញាធរជាតិអប្សរា កំពុងធ្វើការសិក្សាសម្រង់ប្លង់រានហាលទី២ ផ្នែកជ្រុងខាងជើងឆៀងខាងលិចរបស់ប្រាសាទបន្ទាយសំរ៉ែ ដែលរងការខូចខាតខ្លាំង។
គម្រោងខាងលើនេះ ស្ថិតក្នុងកិច្ចសហការរវាងអាជ្ញាធរជាតិអប្សរា ជាមួយស្ថាប័ន GIZ នៃប្រទេសអាល្លឺម៉ង។ ការងារសំខាន់ៗក្នុងគម្រោងនេះមានដូចជា ប្រមូលថ្មដែលធ្លាក់បាក់បែក(ពិសេសក្បាច់ចម្លាក់ និងបង្កាន់ដៃនាគ) ដើម្បីធ្វើការជួសជុលពង្រឹងឡើងវិញ និងពង្រឹងរចនាសម្ព័ន្ធពាក់ព័ន្ធរបស់សំណង់ ព្រមទាំងរៀបចំផ្គុំឡើងវិញតាមទីតាំងដើមផងដែរ។
សូមបញ្ជាក់ថា ប្រាសាទបន្ទាយសំរ៉ែ ត្រូវបានកសាងឡើងនាពាក់កណ្តាលសតវត្សរ៍ទី១២ ក្នុងរជ្ជកាលព្រះបាទសូរ្យវ័រ្មនទី២ ដើម្បីឧទ្ទិសថ្វាយព្រះនរាយណ៍៕
ចែករំលែកព័តមាននេះ