រាជធានីភ្នំពេញ ៖ ក្នុងនាមជាឪពុកម្តាយ អ្នកត្រូវគិតអំពីអំណាចនៃពាក្យសម្ដី ទឹកដម និងការសិក្សាសំខាន់ៗផ្សេងទៀត ។ មានសុភាសិតចាស់មួយពោលថា «មេរៀនជីវិតដ៏មានតម្លៃបំផុត មិនអាចបង្រៀនអ្នកបានទេ…
រាជធានីភ្នំពេញ ៖ ក្នុងនាមជាឪពុកម្តាយ អ្នកត្រូវគិតអំពីអំណាចនៃពាក្យសម្ដី ទឹកដម និងការសិក្សាសំខាន់ៗផ្សេងទៀត ។ មានសុភាសិតចាស់មួយពោលថា «មេរៀនជីវិតដ៏មានតម្លៃបំផុត មិនអាចបង្រៀនអ្នកបានទេ តែត្រូវតែមានបទពិសោធន៍ឆ្លងកាត់ដោយខ្លួនឯង» ។ សម្រាប់កុមារៗ ជាពិសេសយុវវ័យជាច្រើន ការរៀនអ្វីដែលពិបាក មិនថាតាមរយៈបទពិសោធន៍ ឬពាក្យដដែលៗ វាអាចជួយធានាថា មេរៀនដែលពួកគេបានរៀនត្រូវបានបណ្តុះជំនាញក្នុងជីវិតរបស់ពួកគេយ៉ាងពិតប្រាកដ ។
១. មនុស្សគ្រប់គ្នាសុទ្ធតែអាចធ្វើខុស ៖ គ្មាននរណាម្នាក់ល្អឥតខ្ចោះនោះទេ ហើយការធ្វើខុស គឺជាមេរៀនជីវិតដ៏សំខាន់ដែលកុមារអាចរៀនបានចាប់ពីវ័យក្មេង ។ វាជារឿងសំខាន់ដែលយើងត្រូវធ្វើខុស ព្រោះនោះជារបៀបដែលយើងរៀនសូត្របាន ។ ការបង្រៀនពួកគេថាការធ្វើខុសខ្លួនឯងមិនមែនជារឿងអាក្រក់នោះទេ វាជាអ្វីដែលអ្នកធ្វើ និងរបៀបដែលអ្នកប្រព្រឹត្តនៅពេលក្រោយ នោះហើយជាមេរៀនជីវិត ។ កុមារមិនគួរចុះចាញ់ ឬតូចចិត្តនឹងខ្លួនឯងនៅពេលពួកគេធ្វើខុសឡើយ ហើយឪពុកម្តាយអាចប្រើកំហុសទាំងនោះ ជាឱកាសបង្រៀនបានយ៉ាងល្អប្រសើរ ។
២. ជីវិតមិនតែងតែយុត្តិធម៌ទេ ៖ ឪពុកម្តាយគ្រប់រូបបានឮកូនរបស់ពួកគេយំ ប៉ុន្តែវាមិនយុត្តិធម៌ទេ មិនថាវាជាជម្លោះជាមួយបងប្អូនបង្កើត ឬមិត្តភ័ក្តិ ឬជាល្បិចកលរបស់ពួកគេដើម្បីជចៀសវាងការចូលគេងឆាប់ពេកទេ កុមារនឹងជជែកតវ៉ាអំពីកង្វះ «យុត្តិធម៌» ដើម្បីឈានទៅដល់ផ្លូវរបស់ពួកគេ ។ ប៉ុន្តែចូរបង្រៀនពួកគេថា រឿងរ៉ាវ និងបទពិសោធន៍ជាច្រើនក្នុងជីវិតមិនតែងតែមានភាពយុត្តិធម៌នោះទេ ។ ការពិតគឺថា អ្នកមិនអាចទទួលបានអ្វីដែលអ្នកចង់បានគ្រប់ពេលនោះទេ ។ សម្រាប់កុមារតូចៗ ភាពយុត្តិធម៌អាចហាក់ដូចជាគំនិតអរូបី ប៉ុន្តែនៅពេលដែលពួកគេធំឡើង កុមារអាចទទួលស្គាល់ថា ពួកគេអាចធ្វើរឿងត្រឹមត្រូវ ហើយនៅតែទទួលបានលទ្ធផលខុស ជួនកាលមិនមានកំហុសផ្ទាល់ខ្លួន ។
៣. សកម្មភាពតែងតែមានផលវិបាក ៖ ជំហានដំបូងមួយឆ្ពោះទៅរកការយល់ដឹងអំពីការទទួលខុសត្រូវ គឺការរៀនថា រាល់សកម្មភាព គឺមានផលវិបាក ។ កុមារអាចជួបប្រទះនូវផលវិបាកនៃសកម្មភាពរបស់ពួកគេដែលមានលក្ខណៈវិជ្ជមាន ដូចជាការខិតខំប្រឹងប្រែងក្នុងការទទួលបានអត្ថប្រយោជន៍ និងរង្វាន់ ឬអវិជ្ជមាន ដូចជាអាកប្បកិរិយាមិនសមរម្យដែលនាំទៅដល់ការដាក់ទណ្ឌកម្ម ។ ការភ្ជាប់ចំណុចរវាងអ្វីដែលអ្នកធ្វើ និងអ្វីដែលកើតឡើង គឺជាមេរៀនដ៏សំខាន់មួយដើម្បីរៀនសម្រាប់កុមារគ្រប់វ័យ ។
៤. វត្តមាន ឬការបង្ហាញមុខ គឺមានសារៈសំខាន់ណាស់ ៖ វាមានសារៈសំខាន់ខ្លាំងណាស់ដែលយើងត្រូវមកដល់ទាន់ពេល នៅពេលមានការណាត់ជួបនរណាមួយ ។ ប្រសិនបើគ្មានហេតុផលល្អ ហើយពួកគេមិនគោរពការប្ដេជ្ញាចិត្តទេ នោះពួកគេប្រថុយនឹងការបាត់បង់ឱកាសណាមួយ ។
៥. យកចិត្តទុកដាក់ ចំពោះការណែនាំ ៖ ក្នុងការស្វែងរកឯករាជ្យភាព កុមារអាចយកការណែនាំជាជាងច្បាប់ដែលត្រូវអនុវត្តតាម ។ ប៉ុន្តែការយកចិត្តទុកដាក់លើការណែនាំ គឺជាមេរៀនដ៏សំខាន់មួយដើម្បីធានាថា អ្វីមួយត្រូវបានបញ្ចប់យ៉ាងត្រឹមត្រូវ ឬសម្រេចគោលដៅដែលបានគ្រោងទុក ។ ទោះជាយ៉ាងណាក៏ដោយ ភាគច្រើនវាជាការល្អបំផុតក្នុងការស្តាប់ និងគោរពតាមការណែនាំ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនសហគមន៍ ២១ ។ វគ្គសិក្សាថ្មីចូលរៀនថ្ងៃទី ៣ ខែមេសា ឆ្នាំ ២០២៣ ។ សាលារៀនផ្តល់ជូនការការពារលើ ការសិក្សារហូតដល់ ៥ ឆ្នាំ វគ្គសិក្សាកុំព្យូទ័រដោយឥតគិតថ្លៃ និងការបញ្ចុះតម្លៃរហូតដល់ ១៥% សម្រាប់ការចុះឈ្មោះត្រឹមថ្ងៃទី ៣ ខែមេសា ឆ្នាំ ២០២៣ ។
សាលារៀនសហគមន៍ ២១ ជាបណ្តាញស្ថាប័នអប់រំរបស់ក្រុមហ៊ុន វេសឡាញ អេឌ្យូខេសិន គ្រុប ។ សាលារៀនផ្តល់សេវាកម្មអប់រំកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសា អង់គ្លេសទូទៅ កម្មវិធីចំណេះទូទៅខ្មែរ និងកម្មវិធីបណ្តុះបណ្តាលជំនាញវិជ្ជាជីវៈសម្រាប់សិស្សវិទ្យាល័យ ។ សាលារៀនមាន ៣ ទីតាំង គឺ ១. សាខាក្រាំងធ្នង់, ២. សាខាព្រែកអញ្ចាញ, ៣. សាខាផ្សារគគីរ ។ សម្រាប់ព័ត៌មានបន្ថែម សូមទំនាក់ទំនង ៖ 011 888 562 / 071 95 55 865 ៕
ចែករំលែកព័តមាននេះ