ដាក់អាវុ.ធនុយក្លេអ៊ែរនៅបេឡារុស អ៊ុយក្រែនស្នើក្រុមប្រឹក្សាសន្តិសុខប្រជុំបន្ទាន់
សង្គ្រាមអ៊ុយក្រែន ៖ អ៊ុយក្រែនបានបញ្ចេញប្រតិកម្មចំពោះសេចក្ដីថ្លែងការណ៍នាពេលថ្មីៗនេះ របស់
សង្គ្រាមអ៊ុយក្រែន ៖ អ៊ុយក្រែនបានបញ្ចេញប្រតិកម្មចំពោះសេចក្ដីថ្លែងការណ៍នាពេលថ្មីៗនេះ របស់ប្រធានាធិបតីរុស្ស៊ីលោកវ្ល៉ាឌីមៀរ ពូទីន ស្ដីពីគម្រោងរបស់លោកដាក់ពង្រាយអាវុ.ធនុយក្លេអ៊ែរតាក់ទិក នៅបេឡារុសជាប់ជិតខាងខ្លួននិងនៅមាត់ទ្វារអូតង់។
ក្រសួងការបរទេសអ៊ុយក្រែន ក្នុងសេចក្ដីប្រកាសមួយកាលពីថ្ងៃទី២៦មីនា បានអំពាវនាវឲ្យរៀបចំកិច្ចប្រជុំបន្ទាន់មួយ របស់ក្រុមប្រឹក្សាសន្តិសុខអ.ស.បដោយនិយាយថា ក្រុងគៀវរង់ចាំបណ្ដាសកម្មភាពដែលមានប្រសិទ្ធភាព ដើម្បីប្រឆាំងការចាប់បង្ខំនុយក្លេអ៊ែររបស់វិមានក្រឹមឡាំង ពីសំណាក់ប្រទេសអង់គ្លេស ចិន សហរដ្ឋអាមេរិកនិងបារាំង ខណៈរុស្សុីក៏ជាសមាជិកអចិន្ត្រៃយ៍ក្រុមប្រឹក្សាសន្តិសុខដែរ។
ក្រុងគៀវទាមទារឲ្យមានកិច្ចប្រជុំវិសាមញ្ញន្ទាន់មួយ របស់ក្រុមប្រឹក្សាសន្តិសុខក្នុងគោលដៅនេះ។ ក្រសួងការបរទេសអ៊ុយក្រែនក៏ស្នើផងដែរដល់សហភាពអឹរ៉ុបនិងក្រុមប្រទេសG7 គម្រាមបេឡារុស ពីបណ្ដាផលវិបាកដ៏ធំធេង ប្រសិនបើប្រទេសនោះ យល់ព្រមដាក់ពង្រាយអាវុធនុយក្លេអ៊ែរក្នុងដែនដីខ្លួន។ រួចនាចុងថ្ងៃទី២៦ មីនា ប្រមុខការទូតអឺរ៉ុប លោកចូសេបប័ររែលបានយល់ស្របតាមគំនិតនោះ ដោយចាត់ទុកការដាក់ពង្រាយនោះថា ជាការបង្កើន ភាពគ្មានការទទួលខុសត្រូវនិងគំរា.មកំហែងដល់សន្តិសុខអឹរ៉ុប។ លោកថាសហភាពអឺរ៉ុបត្រៀមបញ្ចេញប្រតិកម្មតាមរយៈការដាក់ទណ្ឌកម្មថ្មីៗ ។
មុននេះលោកពូទីនក្នុងបទសម្ភាសន៍មួយ តាមទូរទស្សន៍គូសបញ្ជាក់ថា អាវុធនុយក្លេអ៊ែរតាក់ទិកនឹងដាក់ពង្រាយនៅបេឡារុស ដោយគម្រាមផងដែរប្រើគ្រាប់ផ្លោងអ៊ុយរ៉ានីញ៉ូមនៅអ៊ុយក្រែន បើអង់គ្លេសពិតជាបញ្ជូនអាវុធធុននោះដល់ប្រទេសនេះ៕
ចែករំលែកព័តមាននេះ