ដឹងមូលហេតុហើយ រថយន្តដែលត្រូវប៉ូលិសដេញហើយឆាបឆេះព្រឹកមិញ
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា នៅវេលាព្រឹកថ្ងៃទី៥ ខែតុលា ឆ្នាំ២០១៧
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា នៅវេលាព្រឹកថ្ងៃទី៥ ខែតុលា ឆ្នាំ២០១៧ នេះមានរថយន្តឡិចស៊ីស RX330 មួយគ្រឿង ពណ៌ស្ក ពាក់ស្លាកលេខ ភ្នំពេញ ២AK-២៣៣១ ត្រូវបានឆាបឆេះខ្លាំង ស្ថិតត្រង់ចំណុចបឹងតាម៉ាត ក្នុងភូមិម័ល សង្កាត់ដង្កោ ខណ្ឌដង្កោ ។
តាមប្រភពព័ត៌មានបានឱ្យដឹងថា នៅមុនពេលកើតហេតុជនសង្ស័យឈ្មោះ គីម រតនា ភេទប្រុស អាយុ៣៨ឆ្នាំ មុខរបរមិនពិតប្រាកដ ស្នាក់នៅក្នុងបុរីពិភពថ្មី ក្នុងភូមិសំបូ សង្កាត់ដង្កោ ខណ្ឌដង្កោ បានយករថយន្តមួយគ្រឿងរបស់ឈ្មោះ គីម ហឹង ភេទប្រុស អាយុ៥៦ឆ្នាំ ដែលត្រូវជាបងប្រុសបង្កើតបើកចេញពីផ្ទះទៅដល់ក្រុងតាខ្មៅហើយក៏បានបុកប៉េអឹម៣នាក់ដែលព្យាយាមរារាំងរថយន្តដែលជនសង្ស័យកំពុងបើក ។ ក្រោយមកជនសង្ស័យក៏បានបើកត្រឡប់ចូលមកក្រុងភ្នំពេញវិញដល់ចំណុចកើតហេតុបឹងតាម៉ាត ក្នុងភូមិម័ល សង្កាត់ដង្កោ ខណ្ឌដង្កោ ជនសង្ស័យបានបើកបុកជាមួយម៉ូតូរ៉ឺម៉កកង់បីដែលកំពុងដឹកសាំងបណ្តាលឱ្យរថយន្តឆេះតែម្តង ។
តាមប្រភពព័ត៌មានបានឱ្យដឹងទៀតថា ក្រោយពីឆេះរថយន្តរួចមកឈ្មោះ គីម ហឹង ដែលត្រូវជាម្ចាស់រថយន្ត និងត្រូវជាបងបង្កើតរបស់ជនសង្ស័យបានដាក់ពាក្យបណ្តឹងលើជនសង្ស័យពីបទ«ចោរកម្ម» ហើយជនសង្ស័យត្រូវបានសមត្ថកិច្ចចាប់ខ្លួននាំទៅប៉ុន្តិ៍នគរបាលខណ្ឌដង្កោដើម្បីសាកសួរ និងកសាងសំណុំរឿង ៕
ចែករំលែកព័តមាននេះ