ឡានដឹកឥដ្ឋបើកលឿនបែកកង់មុខ រេចង្កូតបុ.កឡើងសួនច្បារពុះចែកទ្រូងផ្លូវ៦០ម៉ែត្រ
- ភ្នំពេញ
រាជធានីភ្នំពេញ ៖ រថយន្តដឹកឥដ្ឋ១គ្រឿង ខណៈកំពុងបើកបរក្នុងល្បឿនលឿនផង ស្រាប់តែបែក
រាជធានីភ្នំពេញ ៖ រថយន្តដឹកឥដ្ឋ១គ្រឿង ខណៈកំពុងបើកបរក្នុងល្បឿនលឿនផង ស្រាប់តែបែកកង់មុខខាងឆ្វេង ហើយក៏ រេចង្កូតជ្រុលទៅបុ.កឡើងសួនច្បារពុះចែកទ្រូងផ្លូវយ៉ាងពេញទំហឹង បណ្តាលឲ្យបែកម៉ាស៊ីនហូរប្រេងពេញផ្លូវ ព្រមទាំងដាច់កង់មុខ និងកើលទ្រូងទៅមុខលែងរួច ហើយក៏បានបង្កឲ្យរងការខូចខាតសួនច្បារផងដែរ។
ហេតុការណ៍ខាងលើនេះបានកើតឡើងកាលពីវេលាម៉ោង២និង៣៥នាទីរសៀល ថ្ងៃទី២៤ ខែមិនា ឆ្នាំ២០២២ នៅតាមផ្លូវ៦០ម៉ែត្រ ភូមិគោកខ្សាច់ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
រថយន្តដឹកឥដ្ឋខាងលើម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3C-2371 បើកបរដោយបុរសពុំស្គាល់អត្តសញ្ញាណម្នាក់។
នគរបាលបានប្រាប់ថា នៅមុនពេលកើតហេតុ រថយន្តនេះដឹកឥដ្ឋចេញពីសិប្បកម្មឡឥដ្ឋមួយកន្លែង ស្ថិតនៅក្នុងស្រុកមុខកំពូល ខេត្តកណ្ដាល ឆ្ពោះទៅកាន់ស្រុកបាទី ខេត្តតាកែវ តាមផ្លូវ៦០ម៉ែត្រដែលកំពុងស្ថាបនាពុំទាន់រួចរាល់ជាស្ថាពរនៅឡើយ ក្នុងទិសដៅពីជើងទៅត្បូងក្នុងល្បឿនលឿន ។ លុះពេលទៅដល់ត្រង់ចំណុចកើតហេតុ ស្រាប់តែបែកកង់មុខខាងឆ្វេង រេចង្កូតជ្រុលទៅបុកឡើងលើសួនពុះចែកទ្រូងផ្លូវ បណ្ដាលឲ្យបែកម៉ាស៊ីនហូរប្រេងពេញផ្លូវ និងដាច់កង់មុខកើលទ្រូងជាប់ទៅមុខលែងរួច។
ក្រោយកើតហេតុនគរបាលប៉ុស្តិ៍ភ្លើងឆេះរទេះបានចុះទៅពិត្យជាក់ស្ដែងនិងឲ្យខាងក្រុមហ៊ុនស្ថាបនាផ្លូវយកគ្រឿងចក្រដឹកខ្សាច់យកទៅលប់ ប្រេងដែលហូរលើផ្លូវ ដើម្បីកុំឲ្យរអិលគ្រោះថ្នាក់ដល់អ្នកជិះម៉ូតូឆ្លងកាត់ទីនោះ។បន្ទាប់មកបានឲ្យភាគីម្ចាស់រថយន្តនិងភាគីក្រុមហ៊ុនស្ថាបនាផ្លូវនោះសម្បសម្រួលគ្នា ប៉ុន្តែពុំបានប្រាប់ឲ្យដឹងថាត្រូវរ៉ូវគ្នាបែបណានោះឡើយ៕
ចែករំលែកព័តមាននេះ