បង្ហាញមុខជនសង្ស័យ៣ករណី ក្នុងនោះ១ករណី គឺជាការប្លន់សម្លា.ប់យកទ្រព្យសម្បត្តិ
- កំពង់ឆ្នាំង
ស្នងការដ្ឋាននគរបាលខេត្តកំពង់ឆ្នាំង នៅព្រឹកថ្ងៃទី២៣ ខែមីនា ឆ្នាំ២០២៣នេះ បានបង្ហាញមុខជនសង្ស័យជាច្រើននាក់ ក្នុងអំពើ
ខេត្តកំពង់ឆ្នាំង ៖ ស្នងការដ្ឋាននគរបាលខេត្តកំពង់ឆ្នាំង នៅព្រឹកថ្ងៃទី២៣ ខែមីនា ឆ្នាំ២០២៣នេះ បានបង្ហាញមុខជនសង្ស័យជាច្រើននាក់ ក្នុងអំពើឃា.តកម្ម និងឆក់ ប្លន់ ចំនួន៣ករណីដែលបង្កឡើងជាបន្តបន្ទាប់នៅកន្លែងផ្សេងៗពីគ្នា ក្នុងអំឡុងសប្តាហ៍ទី៣ នៃខែមីនា ឆ្នាំ២០២៣នេះ។
នៅក្នុងកិច្ចសម្ភាសន៍ជាមួយអ្នកសារព័ត៌មាន លោកឧត្តមសេនីយ៍ត្រី ប៉ុល វុទ្ធី ស្នងការរងនគរបាលខេត្តកំពង់ឆ្នាំង បានរៀបរាប់ឱ្យដឹងថា ក្រោយពេលមានអំពើហិ.ង្សាកា.ប់សម្លា.ប់ និងឆក់ប្លន់ ជាបន្តបន្ទាប់ លោកឧត្តមសេនីយ៍ទោ ខូវ លី ស្នងការរងនគរបាលខេត្តកំពង់ឆ្នាំង បានចាត់ឱ្យលោកដឹកនាំកម្លាំងស្រាវជ្រាវ ដោយមានការសម្របសម្រួលពីព្រះរាជអាជ្ញា អមសាលាដំបូង ទើបឈានដល់ការចាប់ខ្លួនជនសង្ស័យជាបន្តបន្ទាប់។
ករណីទី១- បានកើតឡើងនៅយប់ថ្ងៃទី១៩ ខែមីនា ឆ្នាំ២០២៣ មានអំពើហិ.ង្សាកា.ប់មនុស្សចំនួន២នាក់ នៅស្រុករលាប្អៀរ បណ្តាលឱ្យស្លា.ប់ម្នាក់ដែលឈ្មោះ ឡុង សុខេន អាយុ២៤ឆ្នាំ និងម្នាក់ទៀតរងរបួសធ្ងន់មានឈ្មោះ អេង សំអូន អាយុ១៨ឆ្នាំ ពួកគេទាំង២នាក់ មានទីលំនៅក្នុងភូមិព្រែកឆ្តោ ឃុំកំពុងអូស ស្រុកជល់គីរី។
ក្រោយការស្រាវជ្រាវ យើងចាប់បានជនសង្ស័យម្នាក់ នៅថ្ងៃទី២០ ខែមីនា ឆ្នាំ២០២៣ ដែលមានឈ្មោះ យ៉ុន សុភារុន យកមកសាកសួរ ទើបឈានដល់ចាប់ជនសង្ស័យចំនួន៤នាក់បន្ថែមទៀត ដែលជាបក្សពួកតែមួយ ក្នុងអំពើកា.ប់ប្រ.ហារជនរងគ្រោះ បណ្ដាលឱ្យស្លា.ប់នៅ មុខយានដ្ឋានជួសជុលរថយន្ត១កន្លែង ក្នុងស្រុករលាប្អៀរ។
ករណីទី២- នៅយប់ថ្ងៃទី២០ ខែមីនា ឆ្នាំ២០២៣ មានអំពើឆក់១ករណី ទៅលើជនរងគ្រោះដែលមានឈ្មោះ ព្រុំ ស្រីខួច ភេទស្រី។ ក្រោយការស្រាវជ្រាវ ក៏បានចាប់ឃាត់ខ្លួនឈ្មោះ ហ៊ុន ចាន់ឌឿន មានទីនៅភូមិត្រពាំងគរ ឃុំជ្រៃបាក់ស្រុករលាប្អៀរ ហើយដកហូតបានកាបូបមួយដែលមានទូរស័ព្ទដៃ១គ្រឿង និងប្រាក់១ចំនួន រួចប្រគល់ជូនជនរងគ្រោះវិញ។
ដោយឡែកករណីទី៣- នៅយប់ថ្ងៃទី២១ ខែមីនា ឆ្នាំ២០២៣ មានអំពើកា.ប់សម្លា.ប់ជនរងគ្រោះ បណ្ដាលឱ្យស្លា.ប់ រួចប្លន់យកទូរស័ព្ទដៃចំនួន២គ្រឿង និងម៉ូតូ១គ្រឿងរបស់ជនរងគ្រោះឈ្មោះ នុត សារឿន អាយុ៥២ឆ្នាំ មានទីលំនៅភូមិតាំងពោន ឃុំពាម ស្រុកសាមគ្គីមានជ័យ ។ ចំណុចនេះ លោកស្នងការរងនគរបាលខេត្ត បានបដិសេធថា ពុំមែនកើតឡើងដោយសារផឹកស្រវឹងនោះទេ។
លោកបានបញ្ជាក់ថា ក្រោយការស្រាវជ្រាវនៅល្ងាចថ្ងៃទី២២ ខែមីនា ឆ្នាំ២០២៣ យើងបានឃាត់ខ្លួនជនសង្ស័យឈ្មោះ វ៉ុន រិត អាយុ១៦ឆ្នាំ មានទីលំនៅខ្សាង ឃុំស្វាយ ស្រុកសាមគ្គីមានជ័យ។ ចំពោះករណីនេះ លោកបានបញ្ជាក់ថា ៖ ឈ្មោះ វ៉ុន រិត នេះ ត្រូវបានម្ដាយយកទៅផ្ញើ នៅវត្តមួយ ស្ថិតនៅភ្នំជំរាយ ប៉ុន្តែនៅថ្ងៃកើតហេតុ ឈ្មោះនេះបានរត់ចេញវត្ត ហើយបានហៅម៉ូតូឌុបដែលជាជនរងគ្រោះជិះ ក្នុងគោលបំណងទៅផ្ទះរបស់ខ្លួននៅភូមិខ្យាងវិញ។ ប៉ុន្តែមកតាមផ្លូវ ល្ងាចពេក ជនរងគ្រោះអាណិត ក៏ឲ្យជននេះដេកនៅផ្ទះរបស់ខ្លួន។
លោកបញ្ជាក់ទៀតថា នៅល្ងាចនោះដែរ ជនរងគ្រោះបានដាំបាយឲ្យជនសង្ស័យហូប និងទិញស្រាបៀរមកផឹករួមគ្នាជាមួយអ្នកជិតខាងចំនួន២នាក់ទៀត។ លុះក្រោយពីផឹកស៊ីចប់ អ្នកជិតខាងក៏ទៅផ្ទះវិញអស់ ចំណែកជនសង្ស័យ និងជនរងគ្រោះ គឺដេកនៅផ្ទះជាមួយគ្នា។ លុះយប់ឡើង ជនសង្ស័យក៏បានធ្វើសកម្មភាពកា.ប់ និងចាក់ជនរងគ្រោះសម្លា.ប់ ដើម្បីប្លន់យកទូរស័ព្ទដៃចំនួន២គ្រឿង និងម៉ូតូ១គ្រឿងរបស់ជនរងគ្រោះ រួចជិះរត់គេចខ្លួនបាត់ទៅ។
ក្រោយពីធ្វើសន្និសីទកាសែតរួច សមត្ថកិច្ចក៏បានបញ្ជូនជនសង្ស័យទាំង៣ករណីខាងលើនេះ ជាមួយនឹងសំណុំរឿង ទៅកាន់តុលាការ ដើម្បីចាត់ការទៅតាមនីតិវិធីច្បាប់៕
ចែករំលែកព័តមាននេះ