នៅក្នុងសេចក្តីប្រកាសថ្ងៃទី ២០ ខែមីនា នាយកប្រតិបត្តិក្រុមហ៊ុន Amazon លោក Andy Jassy បាននិយាយថា ក្រុមហ៊ុននឹងកាត់បន្ថយបុគ្គលិកចំនួន ៩០០០នាក់ នៅក្នុងសប្តាហ៍ខាងមុខនេះ។

នេះគឺជាជុំទី២របស់ Amazon នៃការកាត់បន្ថយបុគ្គលិកបន្ថែម ដែល​ធ្វើ​ឡើង​បន្ទាប់​ពី​ការ​បញ្ឈប់​ការងារ​ដំបូង​ដែល​បាន​ចាប់​ផ្តើម​ក្នុង​ខែ​វិច្ឆិកា និង​បាន​បន្ត​ដល់​ខែ​មករា ដែល​បាន​ប៉ះ​ពាល់​ដល់​បុគ្គលិក​ជាង ១៨,០០០នាក់។

ក្រុមហ៊ុន Amazon បានធ្វើការសម្រេចចិត្តក្នុងការបញ្ឈប់បុគ្គលិកបន្ថែមទៀត ចំនួន២លើក ដូច្នេះនៅដើមឆ្នាំAmazon បានបញ្ឈប់បុគ្គលិកចំនួន ២៧,០០០នាក់ដែលស្មើនឹង ៩% នៃកម្លាំងការងាររបស់ក្រុមហ៊ុនដែលមានចំនួន៣០០,០០០ នាក់។

នាយកប្រតិបត្តិ Jassy បាននិយាយថា ផែនការកាត់បន្ថយបុគ្គលិកគឺដើម្បីធ្វើឱ្យមានតុល្យភាពនៃការចំណាយ ចំពេលមានស្ថានភាពសេដ្ឋកិច្ចដ៏លំបាក និង ភាពមិនច្បាស់លាស់នាពេលអនាគតដ៏ខ្លី។

Amazon កំពុងជួបប្រទះនឹងការបញ្ឈប់ការងារដ៏ធំបំផុតនៅក្នុងប្រវត្តិសាស្រ្តរបស់ក្រុមហ៊ុន បន្ទាប់ពីមានការជួលបុគ្គលិកយ៉ាងច្រើនលើសលុបក្នុងអំឡុងពេលជំងឺរាតត្បាត Covid-19 ៕