ត្រីឆ្ដោស៊ីកូនឯង ទីបំផុតត្រូវសមត្ថកិច្ចចាប់ខ្លួន
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួន នៅព្រឹកថ្ងៃទី០១ ខែតុលា ឆ្នាំ២០១៧
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួន នៅព្រឹកថ្ងៃទី០១ ខែតុលា ឆ្នាំ២០១៧ បន្ទាប់ចាប់រំលោភកូនស្រីចុងរបស់ខ្លួនចំនួនពីរលើក លើកចុងក្រោយកូនស្រីបានប្រាប់ម្តាយ និងរាយការណ៍ដល់ប្រជាការពារ និងសមត្ថកិច្ចនគរបាលមូលដ្ឋាន ទើបឈានដល់ការចាប់ខ្លួនបន្ទាប់ពីជនសង្ស័យរូបនោះបានព្យាយាមរត់គេចខ្លួនបានប៉ុន្មានថ្ងៃ។ តាមសេចក្តីរាយការណ៍ពីសមត្ថកិច្ចនគរបាលមូល ឃុំប្រស្នឹប ស្រុករលាប្អៀរ បានឲ្យដឹងថា ជនសង្ស័យជាឪពុកចុងមានឈ្មោះ ប៉ូ ធី អាយុ៣៦ឆ្នាំ ចំណែកកូនស្រីចុងរងគ្រោះមានអាយុ៨ឆ្នាំ។
ប្រភពដដែលបានបន្តថា ម្តាយកុមារីរងគ្រោះអាយុ២៩ឆ្នាំ ជាជនជាតិទំពួន មកពីខេត្តមណ្ឌលគីរី ដោយមករស់នៅជាមួយប្តីមុន នៅភូមិជរ ឃុំប្រស្និប ស្រុកបរិបូរណ៍ បានកូន៣នាក់ ក្រោយមកបានលែងគ្នាក្លាយជាស្ត្រីមេម៉ាយកូន៣។ កាលពីជាង៣ឆ្នាំមុនស្ត្រីជាម្តាយក្មេងស្រីរងគ្រោះបានប្តីម្នាក់ទៀត គឺជនសង្ស័យឈ្មោះ ប៉ូ ធី ជាជនសង្ស័យរូបនេះ។ កាលពីកន្លងទៅថ្មីៗនេះ មិនចាំថ្ងៃខែ ឪពុកចុងរូបនោះបានចាប់កូនស្រីរំលោភម្តងហើយតែនាងមិនហ៊ានប្តឹង ព្រោះឪពុកចុងរូបនោះបានគំរាមសម្លាប់។
ប៉ុន្តែកាលពីវេលាម៉ោង៣ទាបភ្លឺ ថ្ងៃទី២៤ ខែកញ្ញា ឆ្នាំ២០១៧ ឪពុកចុងរូបនោះ បានលបចាប់កូនស្រីចុងរំលោភម្តងទៀត ទើបបែកការណ៍ ប្រពន្ធប្តឹងសមត្ថកិច្ចឲ្យចាប់ខ្លួនតែម្តង តែដោយសារជននេះរត់គេចខ្លួនរហូតដល់ថ្ងៃទី១ ខែតុលា ទើបសមត្ថកិច្ចចាប់ខ្លួនបាន។ នៅចំពោះមុខសមត្ថកិច្ចជនសង្ស័យជាឪពុកចុងបានសារភាពថា ខ្លួនពិតជាបានចាប់កូនស្រីចុងរំលោភពិតប្រាកដមែន។ សមត្ថកិច្ចបានកសាងសំណុំរឿងបញ្ជូនជនសង្ស័យទៅតុលាការដើម្បីចាត់ការតាមផ្លូវច្បាប់៕
ចែករំលែកព័តមាននេះ