រឿងដឹកស្រាមកយឺត! ផ្ទុះជម្លោះបែកផ្សែងរវាងជនបរទេសនិងអ្នកដឹកជញ្ជូន ផ្អើលបឹងកេងកង
- ភ្នំពេញ
រាជធានីភ្នំពេញ ៖ បុរសដឹកជញ្ជូនម្នាក់ត្រូវបានជនបរទេសវា.យបែ.កក្បាល ខណៈដែលដឹកស្រាមួយ
រាជធានីភ្នំពេញ ៖ បុរសដឹកជញ្ជូនម្នាក់ត្រូវបានជនបរទេសវា.យបែ.កក្បាល ខណៈដែលដឹកស្រាមួយ
រាជធានីភ្នំពេញ ៖ បុរសដឹកជញ្ជូនម្នាក់ត្រូវបានជនបរទេសវា.យបែ.កក្បាល ខណៈដែលដឹកស្រាមួយដប យកទៅអោយយឺតពេលប្រហែល៣នាទី បង្កការភ្ញាក់ផ្អើលដល់សមត្ថកិច្ចប៉ុស្តិ៍បឹងកេងកង១ ចុះមកឃាត់ខ្លួនយកទៅសួរនាំទាំងយប់ផងដែរ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៩និង២០នាទីយប់ថ្ងៃទី១៧ ខែមិនា ឆ្នាំ២០២៣ ទីតាំងកើតហេតុស្ថិតនៅក្រោមខុនដូរមួយកន្លែង ដែលស្ថិតនៅផ្លូវ២៨៨ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។
យោងតាមប្រភពព័ត៌មានពីអ្នកដឹកជញ្ជូនដែលជាជនរងគ្រោះបានប្រាប់អោយដឹងថា នៅមុនពេលកើតហេតុ គាត់បានទៅយកទំនិញតាមការបញ្ជារទិញរបស់ភ្ញៀវ តាមរយៈ App ដោយទំនិញនោះគឺស្រាក្រហមមួយដប បន្ទាប់មកក៏បានដឹកស្រានោះអោយទៅភ្ញៀវ នៅចំណុចខុនដូរកើតហេតុខាងលើ។ លុះមកដល់ចំណុចកើតហេតុ ក៏បានប្រគល់ទំនិញទៅអោយបុរសបរទេសដែលបានបញ្ជារទិញនោះ ប៉ុន្តែបុរសបរទេសវ័យជាង៥០ឆ្នាំរូបនោះបានអោយលុយ ព្រមទាំងរិះគន់ទៅកាន់អ្នកដឹកជញ្ជូន ដោយមើលងាយថាមកយឺតប្រមាណ៣នាទី ធ្វើអោយខ្លួនខកខានក្នុងការទទួលទាន។
បុរសដឹកជញ្ជូនខាងលើបានបន្តទៀតថា ដោយសារតែគាត់ហត់នឿយផង ព្រមទាំងទទួលបានពាក្យរអ៊ូរទាំ និងរិះគន់ថែមទៀត នោះក៏បានតបវិញពីបីម៉ាត់ ស្រាប់តែត្រូវបុរសបរទេសនោះយកដបស្រាវា.យមកលើគាត់តែម្តង។ ភ្លាមៗនោះគាត់បានគេចផុត បណ្តាលឲ្យដបស្រាត្រូវធ្លាក់ដល់ដីបែក បន្ទាប់មកគាត់ក៏ត្រូវបានបុរសបរទេសរូបនោះ ចាប់ទាញកន្ត្រាក់បោកផ្ទប់កញ្ចក់រថយន្តព្រូសមួយគ្រឿង បណ្តាលឲ្យបែ.កទាំងក្បាល ព្រមទាំងបែកកញ្ចក់រថយន្តថែមទៀតផង។
ហេតុការណ៍ខាងលើនេះ បានបង្កការភ្ញាក់ផ្អើលដល់សមត្ថកិច្ចមូលដ្ឋាន ចុះមកដល់ទីតាំងកើតហេតុ និងនាំខ្លួនអ្នកទាំង២ ទៅកាន់ប៉ុស្តិ៍នគរបាលរដ្ឋបាល បឹងកេងកងទី១ ដើម្បីធ្វើការសួរនាំសាច់រឿង និងអនុវត្តទៅតាមនីតិវិធីច្បាប់៕
ចែករំលែកព័តមាននេះ