ADផ្ទាំងផ្សព្វផ្សាយពាណិជ្ជកម្ម

Picture

ដឹក​ទំនិញគេចពន្ធ​ឆ្លង​ដែន​តាម​ច្រករបៀង​«​គោក​តែ​ក​»ទៅ​វៀតណាម​ដូច​គេ​ហែ​កឋិន

1 ឆ្នាំ មុន

ខេត្តស្វាយរៀង ​៖​ រថយន្ត​យី​ឌុ​ប​ធុន​យក្ស​ប្រភេទ​វ៉េ​អង ដឹក​ទំនិញគេចពន្ធ​ឆ្លង​ដែន​តាម​ច្រករបៀង​គោក​តែ​ក ​ទៅ​ប្រទេស​វៀតណាម​​ដូច​គេ​ហែ​កឋិន ​ដោយ​គ្មាន​ការរំខាន​ដល់​សមត្ថកិច្ច​ការពារ​ព្រំដែន​ទេ ​គឺ​ទៅ​ដោយ​រលូន ​។ បើ​តាម​សមត្ថកិច្ច​នគ​បាល​ប៉ុ​ស្តិ៍​រដ្ឋបាល​ឃុំ​ច​ន្ទ្រា​បាន​ឲ្យ​ដឹង​ថា កន្លះ​ខែ​ចុង​ក្រោយ​នេះ…

ខេត្តស្វាយរៀង ​៖​ រថយន្ត​យី​ឌុ​ប​ធុន​យក្ស​ប្រភេទ​វ៉េ​អង ដឹក​ទំនិញគេចពន្ធ​ឆ្លង​ដែន​តាម​ច្រករបៀង​គោក​តែ​ក ​ទៅ​ប្រទេស​វៀតណាម​​ដូច​គេ​ហែ​កឋិន ​ដោយ​គ្មាន​ការរំខាន​ដល់​សមត្ថកិច្ច​ការពារ​ព្រំដែន​ទេ ​គឺ​ទៅ​ដោយ​រលូន ​។

បើ​តាម​សមត្ថកិច្ច​នគ​បាល​ប៉ុ​ស្តិ៍​រដ្ឋបាល​ឃុំ​ច​ន្ទ្រា​បាន​ឲ្យ​ដឹង​ថា កន្លះ​ខែ​ចុង​ក្រោយ​នេះ ​មាន​រថយន្ត​យី​ឌុ​ប​ប្រភេទ​វ៉េ​អង ដឹង​ទំនិញ ពេញ​ៗ​ទ្រុង​សង្ស័យ​ជា​ទំនិញគេចពន្ធ ដោយ​ម្ចាស់​ទំនិញ​ដឹក​ទំនិញ​មក​តែ​ពេល​យប់ លួច​ឆ្លង​ដែន​ទៅ​ប្រទេស​វៀតណាម តាម​ច្រករបៀង​គោក​តែ​ក​ចូល​ទៅ​ប្រទេស​វៀតណាម​យ៉ាង​រលូន​ ។

​ប្រភព​បន្ត​ថា ជា​ពិសេស​នៅ​០២​យប់​មក​ហើយ​ គឺ​យប់​ថ្ងៃ​ទី​១៦​និង​ថ្ងៃ​ទី​១៧​ ខែ​មី​​នា ឆ្នាំ​២០២៣ មាន​រថយន្ត​ធុន​យក្ស​ដឹក​ទំនិញ លោតឆត្រ តាម​ច្រករបៀង ទៅ​ប្រទេស​វៀតណាម​ជា​ច្រើន​គ្រឿង មិន​មានការ​រំខាន​ដល់​លោក​មេ​ប៉ុស្តិ៍​វរ​ការពារ​ព្រំដែន​គោក​តែ​ក​ទេ ​។ ​ប្រភព​បន្ត​ទៀត​ថា ច្រករបៀង​គោក​តែ​ក​ស្ថិត​នៅ ភូមិ​គោក​តែ​ក ស្រុក​ច​ន្ទ្រា ខេត្តស្វាយរៀង​ ។

​មហាជន​បាន​លើ​ឡើង​ថា រថយន្ត​ធុន​យក្ស​ដឹក​ទំនិញគេចពន្ធ​ឆ្លង​ដែន​ទាំងនេះ កំពុង​បំផ្លាញ​ផ្លូវ​ជនបទ​ ។ បើ​តាម​ប្រជាពលរដ្ឋ​ដែល​រស់នៅ​ក្នុង​ឃុំ​ច​ន្ទ្រា​បាន​ឲ្យ​ដឹង​ថា មាន​រថយន្ត​យី​ឌុ​ប​ធុន​យក្ស​ប្រភេទ​វ៉េ​អង បាន​ចរា​ចរណ៍​ដឹក​ទំនិញគេចពន្ធ មាន​ស្ករ.ស គ្រឿង​អេ​ឡិច​ត្រូ​និ​ច ក្រណាត់ ខោអាវ​គីប និង​ទំនិញ​ផ្សេង​ៗ​ជា​ច្រើន​ទៀត​សង្ស័យ​ជា​ទំនិញគេចពន្ធ មក​ផ្ទេរ​នៅ​ជិត​ប៉ុ​ស្ត៍​ច្រករបៀង​នៃ​វរ​ការពារ​ព្រំដែន​គោក​តែ​ក ។​

ចំណែក​ទំនិញ​ជា​ច្រើន​មុខ​ផ្សេង​ទៀត​ គេ​ដាក់​ក្នុង​ទៃ​បិទ​ជិត​មិន​អាច​ដឹង​ថា ​ជា​ទំនិញ​អ្វី​ខ្លះ​និយាយ​ថា ជា​បាល់​ក្រណាត់​ និង​សំលៀក​បំពាក់​គីប ។ ​ហើយ​ប្រជាពលរដ្ឋ​បាន​ឲ្យ​ដឹង​ទៀត​ថា រថយន្ត​ធុន​យក្ស​ដឹក​ទំនិញ​ចំណុះ​៣៥​តោន​ ទៅ​៤៥​តោន​ មក​ដល់​ព្រំដែន​បាន​ផ្ទេរ​ទំនិញ​ដាក់​លើ​ត្រាក់​ទ​រ័​ដឹក​ឆ្លង​ដែន​ទៅ​វៀតណាម​យ៉ាង​គគ្រឹក គគ្រេង ឮ​ស្នូ​សម្លេង​ម៉ា​ស៊ីន​​ទ្រហឹង​ជា​រៀង​រាល់​យប់​ដោយ​គ្មាន​រំខាន​ដល់​សមត្ថកិច្ច​ណា​ឡើយ​ ។

មហាជន​បាន​លើក​ឡើង​ទៀត​ថា រថយន្ត​ដឹក​ទំនិញ​ធុន​យក្ស​ប្រភេទ​វ៉េ​អង​ទាំងនេះ​ បាន​ចរាចរណ៍​បំផ្លាញ​ផ្លូវលំ​ជនបទ​ស្រុត​ខូច​ជា​បណ្ដើរ​ៗ ​ហើយ​សូម​លោក​អភិបាលខេត្ត​មេត្តា​ចុះ​ពិនិត្យ​មើល​ផង​បើ​គ្មាន​វិធានការ​ទប់ស្កាត់​ទេ​ផ្លូវលំ​ជនបទ​និង​ត្រូវ​ស្រុត​ខូច​អស់​ជា​មិន​ខាន ​។ ប្រជាពលរដ្ឋ​បាន​លើក​ឡើង​ទៀត​ថា រថយន្ត​ធុន​យក្ស​ដឹក​ទំនិញ​បើកបរ​បំផ្លាញ​ផ្លូវ​រាល់ថ្ងៃ​ហើយ​បង្ក ហុយធូលី​ដី​ចូល​ផ្ទះ​ធ្វើ​ឲ្យ​ប៉ះពាល់​ដល់​សុខភាព​កូនចៅ​ពួក​គាត់​ដែល​រស់នៅ​តាម​បណ្តោយ​ផ្លូវ​នេះ​។​ ប្រជាពលរដ្ឋ​មានការ​សង្ស័យ​ទៀត​ថា រថយន្ត​ដឹក​ទំនិញ​ជា​ទំនិញគេចពន្ធ ដោយ​​គ្មាន​ការ​បង់ពន្ធ​ចូល​រដ្ឋ​ទេ ទើប​ផ្ទេរ​ដឹក​តាម​ត្រាក់ទ័រ​នៅ​ពេល​យប់ ឆ្លង​ដែន​តាម​ច្រករបៀង​គោក​តែ​ក​ទៅ​ប្រទេស​វៀតណាម​ ។ ​

ប្រជាពលរដ្ឋ​បាន​សំណូមពរ ទៅ​អាជ្ញា​ធរមាន​សមត្ថកិច្ច​ទប់ស្កាត់​កុំ​ឲ្យ​មន្ត្រី​ប៉ុស្តិ៍​ការពារ​ព្រំដែន​គោក​តែ​ក បើក​ផ្លូវ​ឲ្យ​ឈ្មួញ​ដឹក​ទំនិញ​គ្រប់​ប្រភេទ​ចេញ​ទៅ​ប្រទេស​វៀតណាម​នៅ​ពេល​យប់ ពីព្រោះ​ត្រាក់ទ័រ​បាន​បញ្ចេញ​សម្លេង​រំខាន​ដល់​ពួក​គាត់​ក្នុង​កា​រស​ម្រា​ណ​នៅ​ពេល​យប់​ ។​ ទាក់ទិន​ករណី​នេះ​ដែរ អ្នក​សារព័ត៌មាន​យើង​មិន​អាច​រក​ការ​បំភ្លឺ​ពី​លោក មេ​ប៉ុស្តិ៍​វរ​ការពារ​ព្រំដែន​គោក​តែ​កបាន​ទេ រ​ហូត​មក​ដល់​វេលា​ម៉ោង​២​និង​៣០​នាទី​រសៀល​​នា​ថ្ងៃ​ទី​១៨​ ​មីនា ឆ្នាំ​២០២៣​ នេះ​។

​ចំណែក​លោក​វរសេនីយ៍ឯក​ យ៉​ន សុផល នាយ​នគ​បាល​វរ​ការពារ​ព្រំដែន​លេខ​៦០៩ នៃ​ស្នងការដ្ឋាន​នគ​បាល​ខេត្តស្វាយរៀង​ទូរ​សព្ទ័​ចូល​លោក​ឆ្លើយ​ថា «ជាប់​ប្រជុំ​» ។

​ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។

អត្ថបទសរសេរ ដោយ