ទីក្រុងហាណូយ, ប្រទេសវៀតណាម៖ សមត្ថកិច្ចនៅប្រទេសវៀតណាមទើបតែចាប់ខ្លួនអ្នកប្រើប្រាស់បណ្ដាញសង្គមហ្វេសប៊ុកម្នាក់ ដោយចោទប្រកាន់ពីបទប៉ុនប៉ងផ្ដួលរំលំរដ្ឋាភិបាល។ យោងតាមក្រសួងសន្តិសុខជាតិវៀតណាម, ម្ចាស់គណនីហ្វេសប៊ុករូបនោះបានចែករំលែកខ្លឹមសារផ្សព្វផ្សាយ (content) ដែលមានចរិតបរិហារកេរ្តិ៍ថ្នាក់ដឹកនាំបក្សកុម្មុយនិស្តវៀតណាម។ ម្ចាស់គណនីឈ្មោះផាន់ធីថាញ់ញ៉ា…
ទីក្រុងហាណូយ, ប្រទេសវៀតណាម៖ សមត្ថកិច្ចនៅប្រទេសវៀតណាមទើបតែចាប់ខ្លួនអ្នកប្រើប្រាស់បណ្ដាញសង្គមហ្វេសប៊ុកម្នាក់ ដោយចោទប្រកាន់ពីបទប៉ុនប៉ងផ្ដួលរំលំរដ្ឋាភិបាល។ យោងតាមក្រសួងសន្តិសុខជាតិវៀតណាម, ម្ចាស់គណនីហ្វេសប៊ុករូបនោះបានចែករំលែកខ្លឹមសារផ្សព្វផ្សាយ (content) ដែលមានចរិតបរិហារកេរ្តិ៍ថ្នាក់ដឹកនាំបក្សកុម្មុយនិស្តវៀតណាម។
ម្ចាស់គណនីឈ្មោះផាន់ធីថាញ់ញ៉ា (Phan Thi Thanh Nha) អាយុ៣៩ឆ្នាំ រងការប្រកាន់ថាបានបង្ហោះ និងចែករំលែកអត្ថបទ និងវីឌីអូសរុបចំនួន២៥ ចាប់តាំងពីឆ្នាំ២០១៨។ សមត្ថកិច្ចចោទប្រកាន់ថាអ្នកលេងហ្វេសប៊ុករូបនេះមានចេតនាមួលបង្កាច់ និងបរិហារកេរ្តិ៍ឈ្មោះរបស់ថ្នាក់ដឹកនាំបក្សកុម្មុយនិស្តវៀតណាម និងថ្នាក់ដឹកនាំរដ្ឋ។ នៅក្នុងសំណុំរឿងម្ចាស់ហ្វេសប៊ុកដែលចាប់ខ្លួនថ្មីបំផុតនេះ, អ្នកកាសែតមិនទាន់អាចទាក់ទងទៅសាមីខ្លួន ឬមេធាវីរបស់ជនជាប់ចោទដើម្បីស្នើសុំការឆ្លើយបំភ្លឺបានទេ។
ជនជាប់ចោទរូបនេះក៏ត្រូវសមត្ថកិច្ចចោទប្រកាន់មួយករណីទៀតពីបទចូលជាសមាជិក និងដើរជ្រើសរើសសមាជិកថ្មីៗដើម្បីចូលក្នុងចលនាឈ្មោះ «រដ្ឋាភិបាលជាតិបណ្ដោះអាសន្នវៀតណាម» (Provisional National Government of Vietnam) មានទីស្នាក់នៅប្រទេសអាមេរិក។ អង្គការចាត់តាំងនេះតែងតែគាំទ្រដោយឥតងាករេចំពោះរដ្ឋវៀតណាមខាងត្បូងដែលមានតែឈ្មោះ។ សមត្ថកិច្ចវៀតណាមបានចាប់ឃុំមនុស្សជាបន្តបន្ទាប់ពីបទសង្ស័យថាពួកគេដើរចាត់តាំងមនុស្សដើម្បីចូលរួមនៅក្នុងចលនាដែលមានទីស្នាក់ការនៅរដ្ឋកាលីហ្វ័រញ៉ាមួយនេះ៕
ប្រភព៖ Reuters
ចែករំលែកព័តមាននេះ