ខេត្តបន្ទាយមានជ័យ ៖ គ្រាប់មីនស្គរចំនួន3គ្រាប់ ត្រូវបានប្រជាពលរដ្ឋប្រទះឃើញកប់ក្នុងដីដំបូកក្បែរស្រែមួយកន្លែង រួចក៏បានរាយការណ៍មកនគរបាលប៉ុស្តិ៍រដ្ឋបាលឃុំតាផូ ស្រុកស្វាយចេក ដើម្បីចុះទៅយកប្រគល់ជូនមន្ត្រីអង្គភាពហេឡូត្រាសដ៍ចុះមកយក ។ នគរបាលប៉ុស្តិ៍រដ្ឋបាលឃុំតាផូបានឲ្យដឹងថា កាលពីវេលាម៉ោង១០និង៥៥នាទីព្រឹកថ្ងៃទី១៥…
ខេត្តបន្ទាយមានជ័យ ៖ គ្រាប់មីនស្គរចំនួន3គ្រាប់ ត្រូវបានប្រជាពលរដ្ឋប្រទះឃើញកប់ក្នុងដីដំបូកក្បែរស្រែមួយកន្លែង រួចក៏បានរាយការណ៍មកនគរបាលប៉ុស្តិ៍រដ្ឋបាលឃុំតាផូ ស្រុកស្វាយចេក ដើម្បីចុះទៅយកប្រគល់ជូនមន្ត្រីអង្គភាពហេឡូត្រាសដ៍ចុះមកយក ។
នគរបាលប៉ុស្តិ៍រដ្ឋបាលឃុំតាផូបានឲ្យដឹងថា កាលពីវេលាម៉ោង១០និង៥៥នាទីព្រឹកថ្ងៃទី១៥ ខែមីនា លោកមេភូមិផ្ចឹក បានប្រាប់ថា មានពលរដ្ឋឈ្មោះ ណាយ ញៀន ភេទប្រុស អាយុ35ឆ្នាំ រស់នៅភូមិព្រិចត្បូង ឃុំតាផូ បានយកអេស្ការកាយដីដំបូកជិតរបស់គាត់ត្រង់ចំណុចខាងលិចត្រពាំង3ដុំ ចម្ងាយពីភូមិផ្ចឹកប្រហែល300ម៉ែត្រ ក៏ប្រទះឃើញគ្រាប់មីនស្គរសល់ពីសម័យសង្គ្រាមក់ក្នុងដីដំបូកនោះ ក៏មានការភ្ញាក់ផ្អើលតែម្តង ។
តែសំណាងល្អ ដែលពលរដ្ឋយើងបានដឹងនឹងបានមករាយការណ៍ជូនមកកម្លាំងនគរបាលបានទាន់ពេល ដោយមិនមានការប៉ះពាល់វាដែលបង្កឱ្យគ្រោះថ្នាក់នោះឡើយ ។
បច្ចុប្បន្ន គ្រាប់មីនទាំងនេះ ត្រូវនគរបាលប៉ុស្តិ៍បានទំនាក់ទំនងដល់មន្ត្រីអង្គភាពហេឡូត្រាសដ៍ យកទៅកម្ទេចចោល ដើម្បីបញ្ចៀសការគ្រោះថ្នាក់ដល់ប្រជាពលរដ្ឋ។
ចែករំលែកព័តមាននេះ