សាលាឧទ្ធរណ៍សម្រេចបន្តឃុំខ្លួន លោក កឹម សុខា
រាជធានីភ្នំពេញ ៖ អ្នកនាំពាក្យសាលាឧទ្ធរណ៍ បានបញ្ជាក់ថា សភាស៊ើបសួរសាលាឧទ្ធរណ៍ សម្រេចបន្តឃុំខ្លួនលោក កឹម សុខា
រាជធានីភ្នំពេញ ៖ អ្នកនាំពាក្យសាលាឧទ្ធរណ៍ បានបញ្ជាក់ថា សភាស៊ើបសួរសាលាឧទ្ធរណ៍ សម្រេចបន្តឃុំខ្លួនលោក កឹម សុខា ប្រធានគណបក្សសង្គ្រោះជាតិ ក្នុងពន្ធនាគារដដែល តាមការសម្រេចរបស់សាលាដំបូងរាជធានីភ្នំពេញ ។
ក្រោយបញ្ចប់ការសួរដេញដោលជាអសាធារណៈ នៅព្រឹកថ្ងៃទី២៦ ខែកញ្ញា នេះ លោក ឃុន លាងម៉េង អនុប្រធានសាលាឧទ្ធរណ៍ និងជាប្រធានក្រុមប្រឹក្សាជំនុំជម្រះសភាស៊ើបសួរ បានសម្រេចតម្កល់ការសម្រេចរបស់ចៅក្រមស៊ើបសួរសាលាដំបូងរាជធានីភ្នំពេញ ទុកជាបានការដដែល ពោលគឺ បន្តឃុំខ្លួនលោក កឹម សុខា ក្នុងពន្ធនាគារដដែល ។ នេះបើតាមការបញ្ជាក់របស់លោក ទូច ថារិទ្ធិ អគ្គលេខាធិការរង និងជាអ្នកពាក្យសាលា ។
សូមបញ្ជាក់ថា សវនាការនៅសាលាឧទ្ធរណ៍ព្រឹកនេះ មេធាវីការពារក្តីលោក កឹម សុខា ទាំង៧រូប បានសម្រេចដើរចេញពីសវនាការដោយសារតែមិនមានវត្តមានកូនក្តីរបស់ខ្លួន ។ លោក កឹម សុខា ត្រូវបានចោទប្រកាន់ពីបទក្បត់ជាតិ ហើយត្រូវបានឃុំខ្លួននៅពន្ធនាគារត្រពាំងផ្លុង នៅខេត្តត្បូងឃ្មុំ ៕
ចែករំលែកព័តមាននេះ