វៀតណាមផ្តោតលើវិស័យកសិកម្មប្រើប្រាស់បច្ចេកវិទ្យាទំនើប
ទីក្រុងហូជីមិញ ៖ ទីក្រុងហូជីមិញបានកំណត់យកកសិកម្មប្រើប្រាស់បច្ចេកវិទ្យាទំនើបជាវិស័យសំខាន់ និង
ទីក្រុងហូជីមិញ ៖ ទីក្រុងហូជីមិញបានកំណត់យកកសិកម្មប្រើប្រាស់បច្ចេកវិទ្យាទំនើបជាវិស័យសំខាន់ និង
ទីក្រុងហូជីមិញ ៖ ទីក្រុងហូជីមិញបានកំណត់យកកសិកម្មប្រើប្រាស់បច្ចេកវិទ្យាទំនើបជាវិស័យសំខាន់ និងកំពុងប្រឹងប្រែងក្លាយទៅជាមជ្ឈមណ្ឌលអភិវឌ្ឍន៍ ផ្គត់ផ្គង់ពូជដំណាំ និងសត្វនៅតំបន់ភាគខាងត្បូង ។
យោងតាមនាយកដ្ឋានកសិកម្ម និងអភិវឌ្ឍន៍ជនបទ ទីក្រុងនេះមានអត្ថប្រយោជន៍យ៉ាងធំធេង ។ តួយ៉ាង ទីក្រុងបានផ្គត់ផ្គង់គោយកទឹកដោះចំនួន២ ទៅ២,៤ម៉ឺនក្បាលជារៀងរាល់ឆ្នាំទៅកាន់ទីក្រុង និងបណ្តាខេត្តដទៃទៀត ដែលភាគច្រើនជាពូជកូនកាត់ Holstein-Friesian និងរកចំណូលបានប្រហែល៥០០ប៊ីលានដុង (ស្មើប្រមាណ២២លានដុល្លារ) ។
នាយកនៃនាយកដ្ឋាននេះ លោក Nguyen Phuoc Trung និយាយថា ទីក្រុងមានគោលដៅចិញ្ចឹមគោយកទឹកដោះចំនួន៩ម៉ឺនក្បាល និងផ្គត់ផ្គង់គោយកទឹកដោះ២,២ម៉ឺនក្បាលក្នុង១ឆ្នាំ គិតត្រឹមឆ្នាំ២០២០ ។
លោកឲ្យដឹងទៀតថា ទីក្រុងក៏មានបំណងផ្គត់ផ្គង់សាច់គោ១ម៉ឺនតោនសម្រាប់គោទាំងមូល និងគោពូជ៧ពាន់ក្បាលក្នុង១ឆ្នាំផងដែរ។ ទីក្រុងក៏សង្ឃឹមថា នឹងផ្គត់ផ្គង់ពូជជ្រូកជាង១លានក្បាលក្នុង១ឆ្នាំដល់ទីផ្សារ ។
ក្រុមហ៊ុន៤៧ បានចូលរួមក្នុងការដាំដុះ និងធ្វើជំនួញ ដែលជាចំនួនខ្ពស់បំផុតនៅក្នុងប្រទេសនេះ។ ចាប់តាំងពីឆ្នាំ២០១០មក ពួកគេបានផ្គត់ផ្គង់គ្រាប់ពូជជាង៨,១ម៉ឺនតោនទៅកាន់ទីផ្សារ រួមមាន គ្រាប់ពូជបន្លែជាង១,២ម៉ឺនតោន ។ ពួកគេក៏បានផលិតពូជរុក្ខជាតិថ្មីចំនួន២៦៧ ផងដែរ ។
ក្រៅពីនេះ ទីក្រុងមានមន្ទីរពិសោធន៍បណ្តុះពូជគ្រាប់រុក្ខជាតិចំនួន៣៥ ដែលមានសមត្ថភាពផលិតពូជគ្រាប់រុក្ខជាតិ១៦លានគ្រាប់ក្នុង១ឆ្នាំ ហើយភាគច្រើនជាពូជផ្កាអ័រគីដេ ។ ទីក្រុងក៏មានសាកលវិទ្យាល័យ វិទ្យាស្ថានស្រាវជ្រាវកសិកម្ម និងជីវបច្ចេកវិទ្យាជាច្រើន ។ គេបានអនុវត្តកម្មវិធីអភិវឌ្ឍន៍ពូជសត្វ និងរុក្ខជាតិមានគុណភាពខ្ពស់ចាប់ពីឆ្នាំ២០០៥ ។
លោក Tran Xuan Dinh អនុប្រធាននាយកដ្ឋានផលិតកម្មដំណាំ បានមានប្រសាសន៍ថា បញ្ហាប្រឈមធំបំផុតសម្រាប់វិស័យកសិកម្មគឺការស្រាវជ្រាវផលិតគ្រាប់ពូជបន្លែ និងផ្កាជំនាន់ទី១ ។ ក្រៅពីនេះ ការផលិតពូជថ្មីនៅទីផ្សារក្នុងស្រុកត្រូវបាននាំមុខដោយក្រុមហ៊ុនបរទេស ។
លោក Nguyen Thien Nhan លេខាធិការគណបក្សរបស់ទីក្រុងហូជីមិញ បានឱ្យដឹងថា តម្លៃខ្ពស់បំផុតក្នុងវិស័យកសិកម្ម គឺបានមកពីផលិតកម្មពូជថ្មី ។
ប្រសិនបើដីកសិកម្មអាចបំលែងទៅជាកសិដ្ឋានបង្កើតពូជថ្មី តម្លៃផលិតកម្មក្នុង១ហិកតានឹងកើនឡើងយ៉ាងឆាប់រហ័ស និងអាចកាត់បន្ថយការចំណាយរូបិយប័ណ្ណបរទេសលើគ្រាប់ពូជ ។
វិស័យកសិកម្ម ចាំបាច់ត្រូវវាយតម្លៃកម្មវិធីថ្មីសម្រាប់អភិវឌ្ឍន៍គ្រាប់ពូជ សំណាប និងពូជសត្វមានគុណភាពខ្ពស់ ដើម្បីទទួលបានទស្សនវិស័យល្អទាក់ទងនឹងស្ថានភាពកសិកម្ម ដោយសារទីក្រុងនេះស្ថិតនៅជិតតំបន់នេសាទ មជ្ឈមណ្ឌលផលិតកម្មអង្ករ និងបន្លែនៅតំបន់ដីសណ្ដទន្លេមេគង្គ ។
លោកនិយាយថា ក្នុងនាមជាអ្នកផ្គត់ផ្គង់ពូជរុក្ខជាតិ និងសត្វ ទីក្រុងនេះនឹងរួមចំណែកដល់ការអភិវឌ្ឍវិស័យកសិកម្មក្នុងតំបន់ ។ លោកក៏បានសង្កត់ធ្ងន់ទៅលើសារសំខាន់នៃទំនាក់ទំនងរវាងកសិករ អ្នកវិទ្យាសាស្ត្រ វិនិយោគិន និងរដ្ឋាភិបាល ដើម្បីបង្វែរទីក្រុងនេះទៅជាមជ្ឈមណ្ឌលបង្កាត់ពូជសត្វ និងរុក្ខជាតិក្នុងតំបន់ ៕
ចែករំលែកព័តមាននេះ