រាជធានីភ្នំពេញ ៖ មន្ត្រីជាន់ខ្ពស់ក្រសួងព័ត៌មានបានថ្លែងនៅឯសន្និសិទ្ធកាសែតនៅព្រឹកថ្ងៃទី ១៥ ខែកញ្ញា នៅទីស្តីការក្រសួង ច្រានចោលចំពោះការចោទប្រកាន់ថាក្រសួងបានបិទការរិយាល័យវិទ្យអាស៊ីសេរី និងកាសែតឌឹខេមបូឌា ដេលី ជារឿងពិតនោះទេ ។
លោក អ៊ុក គឹមសេង អ្នកនាំពាក្យក្រសួងព័ត៌មានបានគូសបញ្ជាក់ថា៖ « ក្រសួងព័ត៌មានតែងតែប្រកាន់ជំហរមួយមិនមែនប៉ះដៃយកដៃ ប៉ះជើងយកនោះទេ ។ យើងនៅតែបន្តឲ្យមានអង្កការព័ត៌មានមួយនេះនៅក្នុងប្រទេសកម្ពុជា ហើយថ្មីបំផុតនោះនៅចុងខែសីហាកន្លងមកនេះ លោក ខៀវកាញារិទ្ធ បានធ្វើសន្នីសិទសារព័ត៌មានមួយ ដោយលោកបាននិយាយរៀបរាប់ពីការបិទវិទ្យុមួយចំនួននៅកម្ពុជា នោះលោកបង្ហាញថា ក្រសួងព័ត៌មាននៅតែពិចារណាចំពោះអង្គការព័ត៌មាននានា ក្នុងនោះក៏មានវិទ្យុអាស៊ីសេរី និងការសែតដឺខេមបូឌា ដេលី»។
លោក អ៊ុក គឹមសេង បានឲ្យដឹងថា ក្រសួងកំពុងតែរៀបចំឯកសារដើម្បីឆ្លើយតបនឹងសំណើររបស់ម្ចាស់វិទ្យុអាស៊ីសេរីដែលបានស្នើសុំមករដ្ឋមន្ត្រីក្រសួងព័ត៌មានចុះបញ្ជីវិទ្យុអាស៊ីសេរីផងដែរ។ ដែលការលើកឡើងនេះបន្ទាប់ពីនៅចុងខែសីហាកន្លងមក ប្រធានវិទ្យុអាស៊ីសេរីដែលមានម្ចាស់ទីក្រុងវ៉ាស៊ីនតោន សហរដ្ឋអាមេរិក បានសរសេរលិខិតមកក្រសួងព័ត៌មាន ដើម្បីសុំក្រសួងចុះបញ្ជីវិទ្យុអាស៊ីសេរី។
លោក អ៊ុក គឹមសេង បានអះអាងថា «ក្នុងនាមក្រសួងព័ត៌មានខ្ញុំសូមបដិសេធថា ក្រសួងព័ត៌មានមិនបានទៅគាបសង្កត់ មិនបានរឹតត្បិតសិទ្ធិសេរីភាពអ្វីទាំងអស់ ចំពោះវិទ្យុអាស៊ីសេរី ក៏ដួចជាសារព័ត៌មានផ្សេងៗ»។ ចំណែករឿងកាសែតខេមបូឌាដេលីវិញ លោក អ៊ុក គឹមសេង បានលើកឡើងថា រឿងកាសែតនោះមិនពាក់ព័ន្ធនឹងក្រសួងទេ គឺពាក់ព័ន្ធនឹងរឿងលុយកាក់ជាមួយអគ្គនាយកពន្ធដាដែលស្ថាប័ននេះជំពាក់ជាង ៦លានដុល្លារអាមេរិក ៕
ចែករំលែកព័តមាននេះ