សម្តេចតេជោ ៖ ខ្ញុំស្នើសុំម្ចាស់រោងចក្រ ឲ្យកម្មការិនីមានផ្ទៃពោះចេញមុនម៉ោងយ៉ាងហោច…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងស្នើឲ្យ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងស្នើឲ្យម្ចាស់រោងចក្រ សហគ្រាសទាំងអស់ ត្រូវអនុញ្ញាតិឲ្យកម្មការិនីដែលកំពុងពរផ្ទៃឲ្យចេញធ្វើការមុនម៉ោងយ៉ាងហោចណាស់ ១៥ នាទី ដើម្បីសម្រួលឲ្យស្ត្រីមានផ្ទៃពោះមិនបាច់ប្រជ្រៀតនឹងកម្មករ កម្មការិនីរាប់រយនាក់ពេលចប់ និងចេញពីធ្វើការ ។
សម្តេចបានធ្វើសេចក្តីស្នើនេះ នៅក្នុងឱកាសជួបសំណេះសំណាលជាមួយកម្មករ និយោជិតជាង១ម៉ឺននាក់នៅសួនឧស្សាហកម្មវឌ្ឍៈ១ នៅតាមបណ្តោយផ្លូវរាជធានីភ្នំពេញ ថ្ងៃទី ១៥ ខែកញ្ញា ឆ្នាំ២០១៧ នេះ ទីកន្លែងដែលសម្តេចបានបញ្ជាឲ្យរដ្ឋមន្ត្រីក្រសួងសុខាភិបាល លោក ម៉ម ប៊ុនហេង ឲ្យចាប់ផ្តើមធ្វើការជាមួយនិយោជក ម្ចាស់រោងចក្រ សហគ្រាសទាំងអស់ដែលបានចុះបញ្ជីផ្លូវការជាមួយរាជរដ្ឋាភិបាល។
សម្តេចបានបញ្ជាក់ថា បើសិនជាម្ចាស់រោងចក្រ សហគ្រាសណា មានសណ្តានចិត្តអនុញ្ញាតិឲ្យកម្មការិនីមានផ្ទៃពោះបានចេញមុនម៉ោង កន្លះម៉ោងមុន គឺរឹតតែល្អ ព្រោះ «ពួកគេ គឺរូបមួយ តែជីវិតពីរ» ។ សម្តេចបានបញ្ជាក់ថា ក្នុងព្រឹកនេះគឺមានកម្មការិនីចំនួន ៥៨៧ នាក់មានផ្ទៃពោះ កំពុងមានវត្តមានក្នុងពិធីសំណេះសំណាលនេះ។
សម្តេចនាយករដ្ឋមន្ត្រីបានបញ្ជាក់ថា អត្រាកំណើតក្នុងមួយឆ្នាំសម្រាប់កម្មការិនីទាំងក្នុង និងក្រៅប្រព័ន្ធ គឺមានប្រមាណ ២០ ឬ៣០ម៉ឺនក្នុងមួយឆ្នាំ ហើយសម្តចក៏បានសំណូមពរឲ្យកម្មការិនី និងស្ត្រីដែលមានផ្ទៃពោះត្រូវទៅពិនិត្យផ្ទៃពោះឲ្យបានទៀងទាត់ ។ កន្លងមកសម្តេចបានសម្រេចថា រាជរដ្ឋាភិបាលនឹងចំណាយ ១០លានដុល្លារក្នុងមួយឆ្នាំសម្រាប់ឧបត្ថម្ភដល់កម្មការិនីទាំងក្នុង និងក្រៅប្រព័ន្ធឆ្លងទន្លេ ៕
ចែករំលែកព័តមាននេះ