ស្នងការនគរបាលខេត្តក្រចេះ ចុះសួរសុខទុក្ខដល់កងកម្លាំងនគរបាលវរៈការពារព្រំដែន
ខេត្តក្រចេះ ៖ ស្នងការនគរបាលខេត្តក្រចេះ
ខេត្តក្រចេះ ៖ ស្នងការនគរបាលខេត្តក្រចេះ លោកឧត្តមសេនីយ៍ទោ លន់ សុផាត បានប្រាប់ឲ្យនគរបាលវរៈការពារព្រំដែន ត្រូវត្រៀមលក្ខណៈប្រចាំការឲ្យជាប់ជាប្រចាំលើ២៤ម៉ោងដើម្បីដោះស្រាយសភាពការណ៍ជាយថាហេតុកើតឡើងឲ្យបានទាន់ពេល ។
ជាមួយគ្នានោះ លោកឧត្តមសេនីយ៍ស្នងការ ក៏បានលើកឡើងពីសភាពការបច្ចុប្បន្ន ឲ្យកងកម្លាំងនគរបាលទាំងអស់បានជ្រាប និងត្រៀមលក្ខណៈឲ្យបានគ្រប់គ្រាន់ ។ និងប្តេជ្ញាការពាររដ្ឋាភិបាល ដែលជារដ្ឋាភិបាលស្របច្បាប់ ដែលមាន សម្តេចអគ្គមហាសេនាបតី តេជោ ហ៊ុន សែន ជាប្រមុខដឹកនាំ ។
ការមានប្រសសន៍លើកឡើងបែបនេះ របស់លោកឧត្តមសេនីយ៍ទោ លន់ សុផាត ស្នងការនគរបាលខេត្ត គឺបានធ្វើឡើងក្នុងគ្រាដែលលោកឧត្តមសេនីយ៍ទោស្នងការ រួមនិងលោក គង់ គឹមនី អភិបាលស្រុកស្នួល ក្នុងពិធីចុះសួរសុខទុក្ខកងកម្លាំងនគរបាលវរការពារ ព្រំដែនគោកលេខ៦១៩ចំណុះឲ្យស្នងការដ្ឋាននគរបាលខេត្ត ។
ក្នុងពិធីសួរសុខទុក្ខដល់កងកម្លាំងនគរបាលវរៈការពារព្រំដែន នៅក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌដែលបានធ្វើឡើងកាលពីរសៀលថ្ងៃទី០៩ ខែកញ្ញា ក្នុងឱកាសនោះ លោកឧត្តមសេនីយ៍ទោ លន់ សុផាត ក៏បាននាំយកអំណោយជាគ្រឿងឧបភោគបរិភោគមួយចំនួនធំ អង្ករ២តោន នំអន្សមជាង២រយនំ មី១៥កេស ត្រីខ១៥កេស ព្រមទាំងថវិកាចំនួន៥លានរៀល ទៅប្រគល់ជូនដល់កងកម្លាំងនគរបាលវរៈការពារព្រំដែនផងដែរ ។
លោកឧត្តមសេនីយ៍ស្នងការ បានសម្តែងការកោតសរសើរដល់កម្លាំងវរៈការពារព្រំដែនទាំងអស់ ដែលកន្លងបានខិតខំបំពេញការងារបានល្អប្រសើរ ជាពិសសការរួមសហការ ជាមួយនឹងប្រទេសជាមិត្តជិតខាង ក្នុងការអនុវត្តកិច្ចការងារមិនឲ្យមានបាតុភាពអ្វីកើតឡើងឲ្យព្រួយបារម្មនោះទេ ។
មានប្រសាសន៍សង្កត់ធ្ងន់ក្នុងពិធីនោះ លោកឧត្តមសេនីយ៍ទោ លន់ សុផាត បានជំរុញឲ្យមេបញ្ជាការវរៈការពារព្រំដែន ពិនិត្យលើកផែនការវគ្គបណ្តុះបណ្តាលជំនាញកងអន្តរាគមន៍ពិសេស ដែលគ្រោងនិងមានវគ្គពិសេសមួយវគ្គទៀត ដើម្បីបង្កបង្កើនសមត្ថកភាពកងកម្លាំងរបស់ខ្លួន ។ និងការចេះរួមគ្នាការបង្កបង្កើនផលដាំបន្លែ និងចិញ្ចឹមសត្វ សម្រាប់ដោះស្រាយទ្រទ្រង់ជីវភាពកងកម្លាំងវរៈការពារព្រំដែនឲ្យបានប្រសើរឡើង ។ លោកឧត្តមសេនីយ៍ស្នងការ បានណែនាំឲ្យកងកម្លាំងនគរបាលវរៈការពារព្រំដែនត្រូវចេះសហការជាមួយប្រទេសជិតខាងឲ្យបានល្អ ៕
ចែករំលែកព័តមាននេះ