រាជធានីភ្នំពេញ ៖ បើតាមសេចក្តីរាយការណ៍បន្តថា ជនសង្ស័យម្នាក់ត្រូវបានមិត្តភ័ក្ដិរបស់ជនរងគ្រោះធ្វើការដេញឃាត់ខ្លួនប្រគល់អោយសមត្ថកិច្ចប៉ុស្តិ៍នគរបាលរដ្ឋបាលផ្សារដើមថ្កូវភ្លាមៗ ដើម្បីធ្វើការសាកសួរ បន្ទាប់ពីជនសង្ស័យរូបនេះបានធ្វើសកម្មភាពកាច់.កម៉ូតូរបស់ជនរងគ្រោះបានសម្រេច ហើយជិះរត់គេចខ្លួន តែគេចមិនរួច បង្កឱ្យមានការភ្ញាក់ផ្អើលកាលពីវេលាម៉ោង៧យប់ ថ្ងៃទី៥ ខែមីនា ឆ្នាំ២០២៣ នៅចំណុចផ្ទះលក់ថ្នាំពេទ្យឯកជន ជិតរង្វង់មូលផ្សារដើមថ្កូវ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ហើយជនរងគ្រោះត្រូវឃាត់ខ្លួនបាននៅចំណុចផ្លូវ៤៣០ កែងផ្លូវ៤៦៦ ស្ថិតក្នុងសង្កាត់ទួលទំពូងទី២ ខណ្ឌចំការមន។
សេចក្តីរាយការណ៍បន្តថា ជនសង្ស័យខាងលើនេះ សមត្ថកិច្ចមិនទាន់អោយស្គាល់អត្តសញ្ញាណនៅឡើយទេ តែសមត្ថកិច្ចបានធ្វើការដកហូតម៉ូតូម៉ាក SUZUKI NEX ពណ៌ស ពាក់ស្លាកលេខ ភ្នំពេញ 1GE 6806 ជារបស់ជនរងគ្រោះមកវិញហើយ។
បើតាមការៀបរាប់របស់នារីរងគ្រោះសុំមិនបញ្ចេញឈ្មោះ បានអោយដឹងថា មុនពេលកើតហេតុ រូបគាត់បានទុកម៉ូតូនៅមុខផ្ទះ ហើយកំពុងតែរវល់លក់ថ្នាំពេទ្យដូចសព្វដង លុះពេលរវល់តែលក់ភ្លេចខ្លួន ក៏ស្រាប់តែលេចមុខជនសង្ស័យ ដោយមិនដឹងថាប៉ុន្មានអ្នកនោះទេ គឺបានធ្វើសកម្មភាពកាច់.កម៉ូតូរបស់គាត់ទៅយកទៅបាត់តែម្តង។
នារីរងគ្រោះបន្តថា ពេលនោះរូបគាត់ក៏បានតេទូរស័ព្ទទៅប្រាប់មិត្តភ័ក្ដិប្រុសរបស់គាត់ថា «ម៉ូតូរបស់គាត់ត្រូវចោរលួច» គាប់ជួនពេលនោះ មិត្តភ័ក្តិប្រុសរបស់គាត់ក៏បានជិះម៉ូតូតាមផ្លូវ ក្នុងគោលបំណងមកកន្លែងកើតហេតុ ក៏ស្រាប់តែប្រទះឃើញជនសង្ស័យកំពុងតែជិះម៉ូតូម៉ាក SUZUKInex ខាងលើ ព្រមទាំងចំណាំស្លាកលេខថែមទៀត មិត្តភក្តិគាត់ក៏បានជិះដេញតាមជនសង្ស័យពីក្រោយ រហូតដល់ចំណុចផ្លូវ៣៤០កែងផ្លូវ៤៦៦ ស្ថិតក្នុងសង្កាត់ទួលទំពូងទី២ ខណ្ឌចំការមន ហើយពេលនោះក៏ស្រែកថា «ចោរ» ហើយក៏បានលោ.តទៅចាប់ជនសង្ស័យជាប់តែម្ដង។
ពាក់ព័ន្ធក្នុងករណីខាងលើនេះដែរ បន្តិចក្រោយមកក៏ផ្អើលដល់កម្លាំងសមត្ថកិច្ចបានទៅដល់កន្លែងកើតហេតុ និងបានធ្វើការឃាត់ខ្លួនជនសង្ស័យ រួមទាំងវត្ថុតាំងម៉ូតូរបស់ជនរងគ្រោះ យកទៅធ្វើការសាកសួរនៅប៉ុស្តិ៍នគរបាលរដ្ឋបាលផ្សារដើមថ្កូវតែម្ដងទៅ ។
ក្រោយពេលកើតហេតុ ជនរងគ្រោះបានដាក់ពាក្យបណ្ដឹង ដើម្បីអោយសមត្ថកិច្ចចាត់ការជនសង្ស័យទៅតាមនីតិវិធី ។ ចំណែកជនសង្ស័យវិញ ក៏ត្រូវបានសមត្ថកិច្ចសួរនាំ រួចក៏បញ្ជូនបន្តទៅកាន់អធិការដ្ឋាននគរបាលខណ្ឌចំការមន ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ