ឈប់ផឹកកាហ្វេ ប្រសិនបើព្យាយាមសម្រកទម្ងន់
ការស្រាវជ្រាវថ្មីមួយបង្ហាញថា
ការស្រាវជ្រាវថ្មីមួយបង្ហាញថា អ្នកដែលកំពុងតែសម្រកទម្ងន់អាចទទួលបានប្រយោជន៍ពីការបញ្ឈប់ការទទួលទានកាហ្វេ ។
ការស្រាវជ្រាវថ្មីមួយរកឃើញថា ជាតិកាហ្វេអីុន អាចបណ្តាលឱ្យអ្នកមានចំណង់ក្នុងការទទួលទានជាតិផ្អែមកាន់តែខ្លាំង ។ ក្រុមអ្នកស្រាវជ្រាវជឿថា សមត្ថភាពរបស់កាហ្វេអីុនក្នុងការបង្កើនការប្រុងប្រយ័ត្នជួយកាត់បន្ថយសមត្ថភាពក្នុងការស្គាល់ជាតិផ្អែម ដែលអាចធ្វើឱ្យពួកគេចង់ទទួលទានជាតិផ្អែមកាន់តែខ្លាំង ។
សាស្ត្រាចារ្យជាន់ខ្ពស់លោក Robin Dando ពីសាកលវិទ្យាល័យ Cornell និយាយថា ៖ «នៅពេលដែលអ្នកផឹកកាហ្វេដែលមានជាតិកាហ្វេអីុន វានឹងផ្លាស់ប្តូររបៀបដែលអ្នកដឹងរសជាតិ ។ ដូច្នេះប្រសិនបើអ្នកបរិភោគអាហារភ្លាមៗបន្ទាប់ពីផឹកកាហ្វេដែលមានជាតិកាហ្វេអ៊ីន ឬភេសជ្ជៈដែលមានជាតិកាហ្វេអីុនផ្សេងទៀត នោះអ្នកនឹងដឹងរសជាតិម្ហូបអាហារ ខុសៗគ្នា ។ ក្រុមអ្នកស្រាវជ្រាវបានវិភាគអ្នកស្ម័គ្រចិត្តចំនួន១០៧នាក់ ។ ក្រុមអ្នកស្ម័គ្រចិត្តទាំងនោះត្រូវបានបែងចែកដោយចៃដន្យជា២ក្រុម ។ ក្រុមដំបូងទទួលទានកាហ្វេ ដែលមិនមានជាតិកាហ្វេអីុន តែបន្ថែមជាតិកាហ្វេអ៊ីន២០០មីលី្លក្រាម ធ្វើឱ្យរសជាតិវាកាន់តែខ្លាំង ។
ចំណែកក្រុមទី២ទទួលទានកាហ្វេដែលគ្មានជាតិកាហ្វេអីុន តែបន្ថែមសារធាតុដើម្បីធ្វើឱ្យវាមានកម្រិតជាតិល្វីងដូចគ្នានឹងភេសជ្ជៈក្រុមទី១ ។
សារធាតុនេះមិនមានឥទ្ធិពលលើរសជាតិផ្អែម ជូរ ឬជាតិប្រៃរបស់កាហ្វេទេ ។ ភេសជ្ជៈទាំង២ត្រូវបានគេបន្ថែមស្ករ ។
លទ្ធផលបង្ហាញថាអ្នកដែលទទួលទានភេសជ្ជៈដែលមានជាតិកាហ្វេអីុនមានអារម្មណ៍ថាមិនសូវផ្អែម ។ អ្នកស្រាវជ្រាវជឿថាសមត្ថភាពរបស់ជាតិកាហ្វេអីុន ក្នុងការកាត់បន្ថយភ្នាក់ងារចាប់យករសជាតិក្នុងរាងកាយ ដែលនាំឱ្យមានការកើនឡើងការប្រុងប្រយ័ត្ន អាចកាត់បន្ថយការដឹងពីរសជាតិផ្អែមរបស់បុគ្គលនោះ ធ្វើឱ្យពួកគេកាន់តែចង់ទទួលទានជាតិផ្អែមកាន់តែខ្លាំង ។
លទ្ធផលបានបង្ហាញទៀតថា អ្នកចូលរួមបានរាយការណ៍ពីកម្រិតនៃភាពប្រុងប្រយ័ត្នដូចគ្នា ទោះបីជាពួកគេទទួលទានភេសជ្ជៈដែលមានជាតិកាហ្វេអីុន ឬក៏អត់ដែលអ្នកស្រាវជ្រាវជឿថាវាបង្ហាញពីឥទ្ធិពលប្លាស៊ីបូរបស់កាហ្វេ ។
សាស្ត្រាចារ្យDandoនិយាយថា«សកម្មភាពនៃការទទួលទានកាហ្វេ ជាមួយនឹងក្លិន និងរសជាតិជាធម្មតាបង្កឱ្យមានការប្រុងប្រយ័ត្ន។ ដូច្នេះក្រុមអ្នកចូលរួមនឹងមានអារម្មណ៍ប្រុងប្រយ័ត្នទោះបីជាមិនមានជាតិកាហ្វេអីុននៅក្នុងភេសជ្ជៈរបស់ពួកគេក៏ដោយ ។ អ្វីដែលហាក់ដូចជាសំខាន់ គឺសកម្មភាពនៃការទទួលទានកាហ្វេ ។ សកម្មភាពនេះនឹងធ្វើឱ្យអ្នកដឹងខ្លួន ព្រមទាំងមិនងងុយគេងកាន់តែ ខ្លាំងឡើងៗ» ៕
ចែករំលែកព័តមាននេះ