ផ្លែដង្កោលាក់ទុកនូវអត្ថប្រយោជន៍សុខភាពដ៏មហាសាលដែលអ្នកនឹកស្មានមិនដល់។ មកដឹងទាំងអស់គ្នាថា តើផ្លែដង្កោអាចជួយសុខភាពអ្នកបានកម្រិតណា។
ជំនួយដល់សុខភាពស្បែក
ដោយសារតែសម្បូរទៅដោយសារធាតុប្រឆាំងអុកស៊ីតកម្ម ផ្លែដង្កោក៏មានប្រយោជន៍យ៉ាងខ្លាំងដល់សុខភាពស្បែកផងដែរ។ វាជួយប្រឆាំងនឹងរ៉ាឌីកាល់សេរីដែលបណ្តាលឲ្យស្បែកឆាប់ចាស់ ជួយឲ្យស្បែកភ្លឺថ្លា ក្មេងជាងវ័យ និងកាត់បន្ថយបញ្ហាស្បែកមួយចំនួនដូចជាមុនជាដើម។
ជំនួយដល់ប្រព័ន្ធភាពស៊ាំ
ផ្លែដង្កោផ្ទុកនូវវីតាមីន C យ៉ាងច្រើន ដែលជាវីតាមីនដ៏សំខាន់សម្រាប់ពង្រឹងប្រព័ន្ធភាពស៊ាំរបស់អ្នក។ ប្រព័ន្ធភាពស៊ាំរឹងមាំជួយឲ្យរាងកាយប្រយុទ្ធប្រឆាំងនឹងការឆ្លងមេរោគ វីរុស និងជំងឺផ្សេងៗបានយ៉ាងមានប្រសិទ្ធភាព។ ដូច្នេះ ការញ៉ាំផ្លែដង្កោជាប្រចាំអាចជួយឲ្យអ្នកមានសុខភាពល្អ មិនងាយឈឺ។
ជួយគ្រប់គ្រងទម្ងន់ សម្រាប់អ្នកដែលកំពុងព្យាយាមសម្រកទម្ងន់ ឬរក្សាទម្ងន់ ផ្លែដង្កោគឺជាជម្រើសដ៏ល្អ។ វាមានកាឡូរីទាប និងជាតិសរសៃខ្ពស់ ដែលជួយឲ្យអ្នកឆ្អែតបានយូរ កាត់បន្ថយចំណង់អាហារ និងជួយដល់ប្រព័ន្ធរំលាយអាហារឲ្យដំណើរការបានល្អ៕
ចែករំលែកព័តមាននេះ