ស្រីស្អាតលក់ឡេ (Love Riya) ដោះលែងវិញហើយ… ប៉ុន្តែ
ពាក់ព័ន្ធស្រីស្អាតម្នាក់ លក់ឡេលាបស្បែកតាម Facebook «Love Riya» ខណៈដែលទើបត្រូវសម្រេចឃុំខ្លួនដាក់ពន្ធនាគារនោះ
ខេត្តកណ្តាល ៖ សេចក្តីរាយការណ៍ឱ្យដឹងថា ពាក់ព័ន្ធស្រីស្អាតម្នាក់ លក់ឡេលាបស្បែកតាម Facebook «Love Riya» ខណៈដែលទើបត្រូវសម្រេចឃុំខ្លួនដាក់ពន្ធនាគារនោះ ទីបំផុត នៅម៉ោង២រសៀលថ្ងៃទី២៩ សីហា នេះ បានចេញដីកាដោះលែងឱ្យនៅក្រៅឃុំជាបណ្តោះអាសន្ន ដោយលោកសាយ សម្ផស្សសីរី ចៅក្រមស៊ើបសួរសាលាដំបូងខេត្តកណ្តាល ។
គួរបញ្ជាក់ថា ស្រីស្អាតខាងលើឈ្មោះពិត ឆេង ស្រីរ័ត្ន ជាអ្នកលក់ឡេលាបស្បែកតាមអនឡាញ Love Riya ត្រូវបានចោទប្រកាន់ពីបទក្លែងផលិតផលទំនិញ ដែលជាកម្មវត្ថុ ឬសម្រាប់ទុកធ្វើពាណិជ្ជកម្មតាមមាត្រា១៧ និង៦៣នៃច្បាប់ស្តីពីការគ្រប់គ្រងគុណភាព ។
ពាក់ព័ន្ធនឹងការដោះលែងនេះដែរ ត្រូវបានបង្គាប់៣ចំណុច ទី១-ត្រូវតម្កល់ប្រាក់៨លានរៀល, ទី២-ត្រូវបង្ហាញមុខនៅប៉ុស្តិ៍រដ្ឋបាលជារៀងរាល់ខែ និងទី៣-មិនអាចប្តូរទីលំនៅបានទេ ។
ចែករំលែកព័តមាននេះ