សម្តេចតេជោ ហ៊ុន សែន មិនទទួលយក«ការសុំទោស» របស់លោក សុន ឆៃ
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាស នៅព្រឹកថ្ងៃទី២៧ ខែកុម្ភៈ ឆ្នាំ២០២៣នេះថា សម្តេចមិនទទួលយក…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាស នៅព្រឹកថ្ងៃទី២៧ ខែកុម្ភៈ ឆ្នាំ២០២៣នេះថា សម្តេចមិនទទួលយក «ការសុំទោស» របស់លោក សុន ឆៃ ឡើយ។ការស្វះស្វែងសុំការអភ័យទោសពីសំណាក់ គឺស្របពេលដែលលោក សុន ឆៃ អនុប្រធានគណបក្សភ្លើងទៀនបានចាញ់ក្តីនៅតុលាការទាំង៣ថ្នាក់ ជុំវិញបណ្តឹង «បរិហារកេរ្តិ៍» ដែលធ្វើឡើងដោយគណៈកម្មាធិការជាតិរៀបចំការបោះឆ្នោត និងដោយគណបក្សប្រជាជនកម្ពុជា។
សម្តេចតេជោ បានទម្លាយនូវសារឆ្លើយឆ្លងរវាងរូបសម្តេចផ្ទាល់ ពេលសម្តេចតេជោ នៅវៀងចន្ធ័ ប្រទេសឡាវជាមួយ សយ សុភាព អ្នកសារព័ត៌មានមួយរូប លើករណីលោក សុន ឆៃ ចង់សូមទោសសម្តេច។ សារឆ្លើយឆ្លងនោះ គឺធ្វើឡើងកាលពីថ្ងៃ១៣ កុម្ភៈ ២០២៣ ឆ្លើយពីវៀងចន្ទ័ ប្រទេសឡាវ ដោយក្នុងនោះសម្តេចក៏បានបញ្ចេញរូបភាពលោក សយ សុភាព ជួបគ្នាជាមួយលោក សុន ឆ័យ អ្នកនយោបាយមកពីគណបក្សប្រឆាំងមួយរូប។
តាមរយៈប្រព័ន្ធតេឡេក្រាមផ្លូវការ សម្តេចតេជោ បានសរសេរសារមានខ្លឹមសារថា «យើងមិនទទួលយកការសុំទោសនោះឡើយ។ យើងចង់បញ្ចប់វប្បធម៍លាបពណ៍ និងការប្រមាថ»។
សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានសរសេរបន្តថា «យើងទទួលយកមិនបាននូវការចោទប្រកាន់ថា យើងជាអ្នកលួចសន្លឹកឆ្នោត។យើងធ្លាប់បានគេសុំទោសច្រើនដង ហើយតែរឿងច្រំដែលនៅតែកើតឡើងទើបយើងចង់បញ្ចប់វប្បធម៍រឿងដដែលហើយសូមទោសតាមផ្លូវតុលាការ ដើម្បីឲ្យមនុស្យអាក្រក់វារាងចាល»។
សម្តេចបានតបសារទៅលោក សយ សុភាព ថាលោក សយ សុភាព ភាពខ្លួនឯង បានដឹងច្បាស់ហើយតើសម រង្ស៊ី ធ្លាប់បានសូមទោសសម្តេចកន្លងមក តែទីបំផុតវាកើតដដែល។ សម្តេចតេជោ បន្តថា «អ្នកគាំទ្រវាគឺដូចគ្នាដែលយើងត្រូវតែប្រើផ្លូវច្បាប់ដើម្បីបញ្ចប់រឿងច្រំដែលនេះ»។
សូមបញ្ជាក់ថា តុលាការកំពូល កាលពីព្រឹកថ្ងៃទី២៣ ខែកុម្ភៈ កន្លងទៅ បានសម្រេចតម្កល់សាលដីការបស់សាលាឧទ្ធរណ៍ ក្នុងបណ្តឹង «បរិហារកេរ្តិ៍» ដែលធ្វើឡើងដោយគណៈកម្មាធិការជាតិរៀបចំការបោះឆ្នោត (គជប) និងដោយគណបក្សប្រជាជនកម្ពុជា (CPP) ដែលប្តឹងទៅលោក ស៊ុន ឆៃ ដែលបណ្តឹងទាំង២នេះ ត្រូវបានធ្វើឡើង ក្រោយ លោក សុន ឆ័យ បានផ្តល់បទសម្ភាសន៍ដល់កាសែត The Cambodia Daily ជុំវិញការបោះឆ្នោតឃុំ-សង្កាត់ កន្លងទៅ ថាមានបញ្ហាកេងបន្លំ និងលួចសន្លឹកឆ្នោតជាដើម។
សូមរំព្ញកថា តាមសេចក្តីសម្រេចការផ្តន្ទាទោសរបស់សាលាឧទ្ធរណ៍កាលពីខែធ្នូ ឆ្នាំ២០២២ លោក ស៊ុន ឆ័យ ត្រូវផ្ដន្ទាទោសពិន័យជាប្រាក់ ចំនួន ១០លានរៀលសម្រាប់បណ្តឹងរបស់ គ.ជ.ប និង បង់ប្រាក់សងជំងឺចិត្តចំនួន៤ពាន់លានរៀល ចំពោះបណ្តឹងរបស់គណបក្សប្រជាជនកម្ពុជា៕
ចែករំលែកព័តមាននេះ