រថយន្តដឹកថ្មបើកកៀរម៉ូតូដួលរងរបួសធ្ងន់ម្នាក់
រាជធានីភ្នំពេញ ៖ រថយន្តដឹកថ្មមួយគ្រឿង បើកឆ្លងផ្លូវខ្វះការប្រុងប្រយ័ត្ន បានកៀរម៉ូតូមួយគ្រឿង បណ្តាលឲ្យដួលរងរបួសធ្ងន់សន្លប់ស្តូក
រាជធានីភ្នំពេញ ៖ រថយន្តដឹកថ្មមួយគ្រឿង បើកឆ្លងផ្លូវខ្វះការប្រុងប្រយ័ត្ន បានកៀរម៉ូតូមួយគ្រឿង បណ្តាលឲ្យដួលរងរបួសធ្ងន់សន្លប់ស្តូក
រាជធានីភ្នំពេញ ៖ រថយន្តដឹកថ្មមួយគ្រឿង បើកឆ្លងផ្លូវខ្វះការប្រុងប្រយ័ត្ន បានកៀរម៉ូតូមួយគ្រឿង បណ្តាលឲ្យដួលរងរបួសធ្ងន់សន្លប់ស្តូក បង្កឲ្យមានការភ្ញាក់ផ្អើល កាលវេលាម៉ោង១១និង៤០នាទីយប់ ថ្ងៃទី២៣ ខែសីហា ឆ្នាំ២០១៧ តាមបណ្តោយផ្លូវវេងស្រេង ទល់មុខសួនឧស្សាហកម្មកាណាឌីយ៉ា ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះមិនទាន់ស្គាល់ឈ្មោះនៅឡើយ ជិះម៉ូតូម៉ាក ZOOMER-X ពណ៌សលាយខ្មៅ ពាក់ស្លាកលេខ ភ្នំពេញ ១FN-៤៧៥៦ ជិះម្នាក់ឯង ក្នុងទិសដៅពីកើតទៅលិច ។ ចំណែករថយន្តបង្កជារថយន្តដឹកថ្មប្រភេទយីឌុប ពណ៌លឿង បើកបរក្នុងទិសដៅពីត្បូងទៅជើង ដឹកថ្មចូលសួន ។
តាមប្រភពព័ត៌មានពីកន្លែងកើតហេតុ បាននិយាយថា ៖ នៅមុនពេលកើតហេតុ គេបានឃើញម៉ូតូរងគ្រោះបើកបរដោយបុរសម្នាក់ ក្នុងទិសដៅពីកើតទៅលិច យ៉ាងលឿន បន្ទាប់មកស្រាប់តែមានរថយន្តដឹកថ្មធុនធំមួយគ្រឿង ពណ៌លឿង បើកបរក្នុងទិសដៅពីលិចទៅកើត លុះរថយន្តបង្កខាងលើ បើកមកដល់មុខផ្សារឯករាជ្យ១ បានបត់ឆ្វេងចូលសួន ហើយម៉ូតូរងគ្រោះខាងលើបើកលឿនជាន់ហ្វ្រាំងមិនជាប់ ត្រូវរថយន្តបង្កបើកកៀរម៉ូតូរងគ្រោះ បណ្តាលឲ្យជនរងគ្រោះដួលបោកនឹងថ្នល់រងរបួសសន្លប់ស្តូកស្តឹង ។ បន្ទាប់មករថយន្តបង្កបានបើកចូលក្នុងសួនឧស្សាហកម្មកាណាឌីយ៉ាដោយបុកទាំងទ្វាររបងសួន បណ្តាលឲ្យវៀចខូចទ្រុងទ្រាយមួយចំនួនធំ ហើយបើកចូលក្នុងសួនបានបន្តិច អ្នកបើករថយន្តខាងលើ បានចុះរត់គេចខ្លួនបាត់ស្រមោល ។ ភ្លាមៗនោះ ជនរងគ្រោះ ត្រូវរថយន្តសង្គ្រោះគ្លីនិកសុខលាភមេត្រី បានដឹកជនរងគ្រោះយកទៅព្យាបាល ហើយព្រមទាំងលើកម៉ូតូជនរងគ្រោះទៅជាមួយដែរ ប៉ុន្តែម៉ូតូខូចជិះមិនកើត បានអូសដាក់អែបចិញ្ចើមផ្លូវជិតកន្លែងកើតហេតុ ។
ក្រោយពេលកើតហេតុ ជំនាញចរាចរណ៍ខណ្ឌពោធិ៍សែនជ័យ មកវាស់វែងតែមិនបានវាស់វែងទេ ដោយសារតែម៉ូតូជនរងគ្រោះត្រូវបុក្គលិកគ្លីនិកសុខលាភមេត្រីលើកចេញពីកន្លែងកើតហេតុ ខុសប្រក្រតី មិនអាចវាស់វែងកើត ហើយជំនាញយកម៉ូតូ និងរថយន្តបង្កខាងលើ យកទៅទុកនៅជំនាញខាងចរាចរណ៍សិន ដើម្បីរង់ចាំការដោះស្រាយ ៕
ចែករំលែកព័តមាននេះ