អ៊ុយក្រែនទទួលបានរថក្រោះ LEOPARD 2 ដំបូងពីប៉ូឡូញ
សង្គ្រាមអ៊ុយក្រែន ៖ កាលពីពេលមុននេះគឺកាលពីថ្ងៃទី២៤ កុម្ភៈ ជាខួបលើកទី១នៃសង្គ្រាម
សង្គ្រាមអ៊ុយក្រែន ៖ កាលពីពេលមុននេះគឺកាលពីថ្ងៃទី២៤ កុម្ភៈ ជាខួបលើកទី១នៃសង្គ្រាម
អ៊ុយក្រែន ប្រទេសប៉ូឡូញប្រកាសពីការប្រគល់រថក្រោះធុនធ្ងន់ផលិតនៅអាល្លឺម៉ង់ LEOPARD 2 ចំនួន៤គ្រឿងដំបូងដល់អ៊ុយក្រែន ចំណែកប្រទេសដទៃៗទៀតនឹងបញ្ជូនជាបន្តបន្ទាប់រថក្រោះជំនួយរបស់ពួកគេដល់ក្រុងគៀវ ។
សម្រាប់ពេលនេះនាយករដ្ឋមន្ត្រីប៉ូឡូញលោក MATEUSZ MORAWIECKI បានមកកាន់អ៊ុយក្រែនលើកទឹកចិត្តបន្ថែមដោយអះអាងថាប៉ូឡូញនឹងបញ្ជូនរថក្រោះមកឲ្យច្រើនថែមទៀត នាប៉ុន្មានថ្ងៃខាងមុខ ។ លោក MATEUSZ MORAWIECKI និងរថក្រោះដែលបញ្ជូនមក ត្រូវបានទទួលដោយនាយករដ្ឋមន្ត្រីអ៊ុយក្រែនលោក DENYS SHMYHAL នៅក្រុងគៀវ។
មេដឹកនាំទាំង២រូបបានពិនិត្យរថក្រោះទាំងនោះ និងឈរពីមុខដើម្បីថតរូបអនុស្សាវរីយ៍ អមដោយ
បណ្ដាទាហានអ៊ុយក្រែន ។
ក្នុងឱកាសនោះលោក DENYS SHMYHAL ថ្លែងថា កាលពី១ឆ្នាំមុនបណ្ដារថក្រោះលុកចូលអ៊ុយក្រែនដើម្បី បំបាត់សេរីភាពរបស់ប្រជាជនយើង តែពេលនេះបណ្ដារថក្រោះចូលមកអ៊ុយក្រែនដែរ តែដើម្បីការពារសេរីភាព ។ នាឱកាសនោះដែរនាយករដ្ឋមន្ត្រីប៉ូឡូញ អំពាវនាវដល់ប្រទេសអឺរ៉ុបដទៃៗទៀត បញ្ជូនរថក្រោះ LEOPARD 2 ពួកគេមកឲ្យអ៊ុយក្រែនដូចការសន្យាឲ្យបានឆាប់បំផុត ។
អ៊ុយក្រែនរង់ចាំដោយអន្ទះសារការបញ្ជូនមកដល់នៃរថក្រោះប្រយុទ្ធធុនធ្ងន់ពេលរុស្ស៊ីគ្រោងបើកការវា.យលុកធំថ្មីទៀត ៕
ចែករំលែកព័តមាននេះ