ក្រុមWAGNERវាយយកបានភូមិមួយទៀតជាយក្រុងបាក់មូដ
សង្គ្រាមអ៊ុយក្រែន ៖ ក៏ទោះបីមានទំនាស់ជាមួយកងកម្លាំងរៀបរយរុស្ស៊ីក្ដី ក៏កងទាហានស៊ីឈ្នួលរុស្ស៊ី
សង្គ្រាមអ៊ុយក្រែន ៖ ក៏ទោះបីមានទំនាស់ជាមួយកងកម្លាំងរៀបរយរុស្ស៊ីក្ដី ក៏កងទាហានស៊ីឈ្នួលរុស្ស៊ី
សង្គ្រាមអ៊ុយក្រែន ៖ ក៏ទោះបីមានទំនាស់ជាមួយកងកម្លាំងរៀបរយរុស្ស៊ីក្ដី ក៏កងទាហានស៊ីឈ្នួលរុស្ស៊ីក្រុម WAGNER អះអាងនាថ្ងៃទី២៥ កុម្ភៈថា យុទ្ធជនក្រុមគេវាយដណ្ដើមយកបានភូមិIAGUIDNE នាជាយខាងជើងក្រុងបាក់មូដ ដែលជាទីលាននៃការប្រយុទ្ធបង្ហូរឈា.មគ្នាដ៏សាហា.វអស់ពេលច្រើនខែមកហើយ។
ការដណ្ដើមយកបានភូមិIAGUIDNEពង្រឹងថែមទៀត ការគាបសង្កត់របស់រុស្ស៊ីលើក្រុងបាក់មូដ ព្រោះជាភូមិមួយស្ថិតនៅចម្ងាយមិនដល់២គីឡូម៉ែត្រផង ពីកណ្ដាលទីក្រុងនោះជាក្រុងនិម្មិត្តរូបមួយនៃការប្រយុទ្ធគ្នាដ៏ស្វិតស្វាញអំឡុងពេលយូរ រវាងកងទ័ពរុស្ស៊ី និងកងទ័ពអ៊ុយក្រែននៅភាគខាងកើតប្រទេសនេះ។
ប្រមុខក្រុម WAGNER លោកអេវហ្គេនីព្រីហ្គោហ្ស៊ីន គូសបញ្ជាក់តាមតេឡេក្រាមថា នាវេលាម៉ោង១៩ថ្ងៃទី២៥ កុម្ភៈ បណ្ដាកងឯកភាពវាយលុករបស់យើង ដណ្ដើមត្រួតត្រាទាំងស្រុងភូមិIAGUIDNE ខាងជើងក្រុងបាក់មូដ។ រូបថតមួយផ្សាយតាមតេឡេក្រាមបង្ហាញយុទ្ធជនប្រដាប់ដោយអាវុ.ធ និងពាក់ម៉ាស ជាមួយទង់របស់ក្រុមWAGNER នៅមុខប៉ាណូត្រង់ច្រកចូលភូមិ IAGUIDNE។ ចំណែកកងទាហានអ៊ុយក្រែនបានបំផ្ទុះបំផ្លាញទំនប់មួយ នៅជិតក្រុងបាក់មូដ ដើម្បីបង្អាក់ដំណើររុលទៅមុខនៃកងទ័ពរុស្ស៊ី ដែលបា.ញ់ផ្លោងនិងទម្លាក់គ្រាប់បែកកម្ទេចក្រុងនោះស្ទើរហ្មត់ទៅហើយ។
កាលពីថ្ងៃទី២៤ កុម្ភៈ កងកម្លាំងWAGNERដែលស្ថិតនៅជួរមុខ ក្នុងការវា.យដណ្ដើមយកក្រុងបាក់មូដ អះអាងកាលពីថ្ងៃទី២៤ កុម្ភៈពីការវា.យយកបានមូលដ្ឋានBERKHIVKA ខាងជើងក្រុងបាក់មូដ និងកាលពីសប្ដាហ៍មុនដណ្ដើមយកបានមូលដ្ឋានPARASKOVIIVKA ។ រយៈពេលប៉ុន្មានសប្ដាហ៍ចុងក្រោយនេះ មានភាពតានតឹងខ្លាំងរវាងក្រុមWAGNERនិងកងទ័ពរៀបរយរុស្ស៊ី ដោយលោកអេវហ្គេនីព្រីហ្គោហ្ស៊ីនចោទកងទ័ពរុស្ស៊ីថា មិនផ្ដល់គ្រាប់រំសេវដែលកងកម្លាំងលោកត្រូវការ៕
ចែករំលែកព័តមាននេះ