បុរសម្នាក់ជាប់គុកដល់12,000ឆ្នាំ
AFP ផ្សាយថា តុលាការបានចំណាយពេល២ថ្ងៃលើកការប្រកាសបទចោទប្រកាន់សរុបចំនួន៦២៦ករណី ចំពោះបុរសអាយុ៣៦ឆ្នាំ ដែល
AFP ផ្សាយថា តុលាការបានចំណាយពេល២ថ្ងៃលើកការប្រកាសបទចោទប្រកាន់សរុបចំនួន៦២៦ករណី ចំពោះបុរសអាយុ៣៦ឆ្នាំ ដែលលែងលះប្រពន្ធ និងរំលោភកូនស្រីអាយុ១៥ឆ្នាំរបស់ខ្លួន ។
លោក Aimi Syazwani អយ្យការរងរបស់ម៉ាឡេស៊ីប្រាប់ AFP កាលពីពេលថ្មីៗកន្លងមកនៅតុលាការទាក់ទងរឿងក្តីផ្លូវភេទលើកុមារថា ជនជាប់ចោទអាចប្រឈមមុខលើការជាប់គុកជាង១២,០០០ឆ្នាំ ដោយមួយករណីនៃបទចោទប្រកាន់រួមរ័កតាមរន្ធគូទ ចុងចោទអាចជាប់គុករយៈពេល២០ឆ្នាំរួមទាំងវាយនឹងរំពាត់ផ្តៅ ។
ចំណែកបទចោទប្រកាន់នៃការរំលោភ ច្បាប់កំណត់ដាក់គុកខ្ពស់បំផុត២០ឆ្នាំ រីឯបទចោទប្រកាន់ផ្សេងទៀត ដែលពាក់ព័ន្ធលើការប្រទូសរ៉ាយផ្លូវភេទផ្សេងទៀតមានប្រហែល៣០ករណី ដោយមួយករណីមានទោសជាប់គុករយៈពេល២០ឆ្នាំ ។
ស្របពេលជាមួយគ្នានេះ ចៅក្រមលើរឿងក្តីបានបដិសេធនឹងផ្តល់ការធានាឱ្យនៅក្រៅឃុំលើជនសង្ស័យដោយក្រើនរំលឹកថា មានហានិភ័យខ្ពស់ដែលជនល្មើសអាចគេចខ្លួន ឬគំរាមកំហែងលើសាក្សី ។
ចុងចោទក្នុងរឿងក្តីនោះ ជាអាជីវករលក់ទំនិញទាក់ទិនលើការវិនិយោគទុនត្រូវចាប់ខ្លួនកាលពីថ្ងៃទី២៦ កក្កដា ២០១៧ ក្រោយពីម្តាយរបស់ក្មេងស្រីរងគ្រោះប្តឹងប៉ូលិស ។ ជនល្មើសបានបង្កហេតុក្នុងអំឡុងពីខែមករា ដល់ខែកក្កដា ស្របពេលដែលកូនស្រីនៅជាមួយឪពុកតែម្នាក់ឯង ៕
ចែករំលែកព័តមាននេះ