កាមរីបាឡែនឆក់យកជីវិតមនុស្ស2នាក់
ខេត្តកំពត ៖ គ្រោះថ្នាក់ចរាចរបានកើតឡើងលើកំណាត់ផ្លូវជាតិលេខ៣កំពត-ភ្នំពេញ
ខេត្តកំពត ៖ គ្រោះថ្នាក់ចរាចរបានកើតឡើងលើកំណាត់ផ្លូវជាតិលេខ៣កំពត-ភ្នំពេញ
ខេត្តកំពត ៖ គ្រោះថ្នាក់ចរាចរបានកើតឡើងលើកំណាត់ផ្លូវជាតិលេខ៣កំពត-ភ្នំពេញកាលពីរសៀលថ្ងៃទី២២ ខែសីហា ឆ្នាំ២០១៧ នៅត្រង់ចំណុចមុខសូរ៉ាវខ្មែរអ៊ីស្លាម ស្ថិតក្នុងភូមិទ្វារថ្មី ឃុំព្រៃថ្នង ស្រុកទឹកឈូ បង្កឡើងដោយរថយន្តកាមរីបាឡែន ពណ៌ស្ក មួយគ្រឿងពាក់ស្លាកលេខ ភ្នំពេញ ១AH-៧៧១០ បុកពីក្រោយម៉ូតូម៉ាកសេ១២៥ ស៊េរីឆ្នាំ២០១៧ ពាក់ស្លាកលេខ កំពត ១L-៥៤៧០ បើកបរដោយឈ្មោះ ឈុំ ក្រាញ់ ភេទប្រុស អាយុ២៧ឆ្នាំ និងអ្នករួមដំណើរ ជាស្ត្រីមិនស្គាល់អត្តសញ្ញាណបណ្តាលឲ្យជនរងគ្រោះទាំងពីរនាក់ស្លាប់នៅនឹងកន្លែងកើតហេតុយ៉ាងអណោចអាធម៌បំផុត ។
សមត្ថកិច្ចនគរបាលចរាចរខេត្តបានឲ្យដឹងថា ក្រោយពេលកើតហេតុរថយន្តបង្កបានបើករត់គេចខ្លួន ប៉ុន្តែដោយកំលាំងនគរបាលចរាចរយើងទំនាក់ទំនងគ្នាតាមវិទ្យុទាក់ទងឲ្យកំលាំងគ្រប់ប៉ុស្តិ៍ចេញស្កាត់ចាំពិនិត្យរថយន្ត ពេលនោះរថយន្តបង្កបានរត់មកដល់ជិតប៉ុស្តិ៍បឹងនិមល ក្នុងឃុំបឹងនិមល ស្រុកឈូក ដោយដឹងសភាពការថា កំលាំងកំពុងចាំត្រួតពិនិត្យគ្រប់កន្លែងក៏បើករថយន្តមកចតចោលក្បែរចំការនៅជាប់ដងផ្លូវហើយរត់គេចខ្លួនបាត់បន្សល់ ទុករថយន្តនៅកន្លែងខាងលើនោះទៅ ។
សមត្ថកិច្ចបានឲ្យដឹងទៀតថា ជនរងគ្រោះជាម្ចាស់ម៉ូតូឈ្មោះ ឈុំ ក្រាញ់ ភេទប្រុស អាយុ២៧ឆ្នាំ មានទីលំនៅភូមិត្រពាំងថ្ម ឃុំល្បើក ស្រុកឈូក ខេត្តកំពត និងអ្នករួមដំណើរម្នាក់ទៀតជាស្ត្រីសមត្ថកិច្ចមិនស្គាល់អត្តសញ្ញាណទេ ។ សាកសពត្រូវបានប្រគល់ឲ្យក្រុមគ្រួសារដើម្បីចាត់ចែងធ្វើបុណ្យតាមប្រពៃណី ។ ចំណែករថយន្ត និងម៉ូតូត្រូវបាននាំយកទៅរក្សាទុកនៅអធិការដ្ឋាននគរបាលស្រុកទឹកឈូ រង់ចាំស្រាវជ្រាវរកម្ចាស់រថយន្តឲ្យចូលខ្លួនដោះស្រាយតាមផ្លូវច្បាប់ ៕
ចែករំលែកព័តមាននេះ