អាជ្ញាធរខណ្ឌចំការមន ហាមមិនឱ្យមានការលក់ដូរនៅមុខមន្ទីរពេទ្យរុស្ស៊ី
រាជធានីភ្នំពេញ ៖ ក្រោយពីមានការប៉ះទង្គិចគ្នាមួយប្រាវរវាងក្រុមសន្តិសុខរបស់សាសាលខណ្ឌចំការមនជាមួយ និងស្ត្រីម្នាក់បណ្ដាលឱ្យកំពប់បបរនៅពេលដែលចុះរៀបចំធ្វើ
រាជធានីភ្នំពេញ ៖ ក្រោយពីមានការប៉ះទង្គិចគ្នាមួយប្រាវរវាងក្រុមសន្តិសុខរបស់សាសាលខណ្ឌចំការមនជាមួយ និងស្ត្រីម្នាក់បណ្ដាលឱ្យកំពប់បបរនៅពេលដែលចុះរៀបចំធ្វើ
រាជធានីភ្នំពេញ ៖ ក្រោយពីមានការប៉ះទង្គិចគ្នាមួយប្រាវរវាងក្រុមសន្តិសុខរបស់សាសាលខណ្ឌចំការមនជាមួយ និងស្ត្រីម្នាក់បណ្ដាលឱ្យកំពប់បបរនៅពេលដែលចុះរៀបចំធ្វើសណ្ដាប់ធ្នាប់នៅខាងមុខមន្ទីរពេទ្យមិត្តភាពខ្មែរ-សូវៀត (ពេទ្យរុស្ស៊ី) កាលពីល្ងាចថ្ងៃទី២១ ខែសីហា ឆ្នាំ២០១៧ ម្សិលមិញរួចមក ។ ក្នុងព្រឹកថ្ងៃទី២២ ខែសីហា ថ្ងៃនេះដែរ លោក ព្រុំ សំខាន់ អភិបាលខខណ្ឌចំការមន ក៏បានដឹកនាំដោយផ្ទាល់បន្តចុះទៅធ្វើការរៀបចំសណ្ដាប់ធ្នាប់ជាបន្ត ដោយបានប្រកាសថា << អាជ្ញាធរខណ្ឌចំការមន ហាមមិនឱ្យមានការលក់ដូរជាបន្តទៅទៀត នៅតាមចិញ្ចើមផ្លូវ និងបរិវេនខាងមុខមន្ទីរពេទ្យរុស្ស៊ីទាំងស្រុងតែម្តង >> ។
លោក ព្រុំ សំខាន់ អភិបាលខណ្ឌចំការមនបានថ្លែងថា ៖ ក្នុងនាមរូបលោកផ្ទាល់ ជាអភិបាលខណ្ឌ ក្នុងនាមជារដ្ឋបាលខណ្ឌសូមសំដែងនូវការសោកស្តាយយ៉ាងខ្លាំង ចំពោះកម្លាំងសណ្តាប់ធ្នាប់របស់លោក ដែលមានការជ្រុលជ្រោះប៉ះទង្គិចជាមួយនឹងស្ត្រីអ្នកលក់បបរម្នាក់ បណ្តាលឱ្យកំពប់ឆ្នាំងបបររបស់គាត់ ក្នុងពេលចុះរៀបធ្វើសណ្តាប់ធ្នាប់កាលពីថ្ងៃម្សិលមិញនោះ ។ ក្រោយពីកើតហេតុនោះភ្លាម លោកក៏បានធ្វើការប៉េះប៉ូវសន្តិអារម្មជាមួយនឹងស្ត្រីអ្នកលក់បបររូបនោះ ដោយបានសងជាសំណង់ថ្លៃខូចខាតចំនួន៤០ម៉ឺនរៀលផងដែរ ចំណែកឯកម្លាំងសន្តិសុខរបស់លោកវិញ លោកក៏បានហៅយកទៅធ្វើការ និងណែនាំដល់រូបគេផង ដោយមិនបានបញ្ឈប់ពីការងាររបស់ឡើយ ។
លោកក៏បានថ្លែងបន្តទៀតថា ៖ ក្រោយពេលដែលកើតមាននូវបញ្ហាប៉ះទង្គិចកាលពីថ្ងៃម្សិលមិញរួចមក ក្នុងថ្ងៃនេះដែរ រូបលោកក៏បានបន្តដឹកនាំកម្លាំងចុះមកធ្វើការរៀបចំ និងធ្វើសណ្តាប់ធ្នាប់ជាបន្តទៅទៀត ដោយកន្លែងនេះមិនអាចឲ្យពួកគាត់យកទៅធ្វើជាកន្លែងលក់ដូរជាបន្តទៅទៀតបានទេ យើងត្រូវតែរកកន្លែងផ្សេងឱ្យពួកគាត់បានលក់ដូរ ហើយនាពេលកន្លងមក រូបលោកក៏ធ្លាប់បានធ្វើការពិភាក្សាជាមួយនឹងនាយករងរបស់មន្ទីរពេទ្យ ដើម្បីសុំរកកន្លែងណាមួយឱ្យពួកគាត់បានធ្វើការលក់ដូរផងដែរ ។ ដោយឆ្លងកាត់តាមការណែរនាំរបស់ លោក ឃួង ស្រេង អភិបាលរាជធានីភ្នំពេញនោះ កម្លាំងរបស់លោក ក៏តែងតែបានចុះរៀបចំធ្វើសណ្ដាប់ធ្នាប់នៅគ្រប់ទីកន្លែងទូរទាំងខណ្ឌរបស់លោកទាំងអស់ ណាមួយទៀតទីនេះដែរ គឺជាមន្ទីរពេទ្យ គេត្រូវការស្អាត ណាមួយទៀតការលក់ដូររបស់ពួកគាត់ បានធ្វើឲ្យប៉ះពាល់ដល់សណ្តាប់ធ្នាប់សារធារណៈយ៉ាងខ្លាំង ជាពិសេសធ្វើឲ្យមានការកកស្ទះចរាចរណ៍ដល់អ្នកដំណើរតាមផ្លូវស្ទើរតែរាល់ថ្ងៃតែម្តង ដូចនេះហើយសុំបងប្អូនអាជីវករ មេត្តាយោគយល់ទៅដល់ចំណុចនេះ ក៏ដូចជាអាជ្ញាធរមូលដ្ឋានផងដែរ ។
ស្ត្រីម្នាក់ឈ្មោះ ហៃ សារឿន អាយុ៤៣ឆ្នាំ បានរៀបរាប់ប្រាប់ថា ៖ រូបគាត់ជាស្ត្រីមេម៉ាយ ចិញ្ចឹមកូនប្រុសស្រីចំនួន៣នាក់ នៅក្នុងបន្ទុក រស់នៅក្នុងជីវភាពខ្វះខាតយ៉ាងខ្លាំង ដោយប្រកបមុខរបរលក់នំបុ័ងដាក់សាច់បន្តិចបន្ទួច នៅខាងមុខមន្ទីរពេទ្យរុស្ស៊ីនេះ ដើម្បីបានប្រាប់យកទៅចិញ្ចឹកកូន និងបង់ថ្លៃផ្ទះជួលផងដែរ ។ ក្នុងនាមរូបគាត់ម្នាក់ ដែលមានជីវភាពក្រីក្រ និងគ្មានប្រាក់ទៅរកជួលតាមមុខផ្ទះគេ ដើម្បីធ្វើការលក់ដូរនោះ រូបគាត់ក៏សុំការអនុញ្ញាតទៅដល់ពួកគាត់បានធ្វើការលក់ដូរនៅទីតាំងខាងលើផង ដោយសន្យាថា ពួកគាត់នឹងធ្វើការសម្អាត់ឲ្យបានស្អាត ក្រោយពេលឈប់លក់ជាប្រចាំរាល់ថ្ងៃ បើមិនចូច្នោះទេ គ្រួសាររបស់គាត់ នឹងជួបបញ្ហាធ្ងន់ធ្ងរជាងនេះទៀតមិនខាន ៕
ចែករំលែកព័តមាននេះ