ខួប១ឆ្នាំនៃសង្គ្រាមអ៊ុយក្រែន ចិនលើកសំណើ១២ចំណុចបញ្ចប់
សង្គ្រាមអ៊ុយក្រែន ៖ ថ្ងៃទី២៤ កុម្ភៈ ជាខួបគម្រប់១ឆ្នាំនៃសង្គ្រាមនៅអ៊ុយក្រែន ។ ចាប់តាំងពីប៉ុន្មាន
សង្គ្រាមអ៊ុយក្រែន ៖ ថ្ងៃទី២៤ កុម្ភៈ ជាខួបគម្រប់១ឆ្នាំនៃសង្គ្រាមនៅអ៊ុយក្រែន ។ ចាប់តាំងពីប៉ុន្មានសប្ដាហ៍មកហើយ ចិនស្វែងរកដើរតួនាទីជាអាជ្ញាកណ្ដាលក្នុងជម្លោះអ៊ុយក្រែន ដោយលើកជាសាធារណៈផែនការមួយមាន១២ចំណុច សំដៅស្វែងរកដំណោះស្រាយនយោបាយមួយ។
ចេញផ្សាយកាលពីយប់ថ្ងៃទី២៣មក២៤កុម្ភៈ តាមវ៉េបសាយក្រសួងការបរទេសចិន ឯកសារមួយមានចំណងជើងថា ជំហររបស់ចិនលើដំណោះស្រាយនយោបាយវិបត្តិអ៊ុយក្រែន និយាយពីជំហរ១២ចំណុចរបស់ចិន ក្នុងដំណោះស្រាយជម្លោះនោះ។ ក្នុងចំណោមចំណុចទាំង១២មានជាពិសេស បទឈប់បា.ញ់គ្នានិងការវិលត្រឡប់មកកាន់តុចារចា ការពារបណ្ដាមជ្ឈមណ្ឌលនុយក្លេអ៊ែរ និងជនស៊ីវិល បញ្ចប់បណ្ដាទណ្ឌកម្មជាឯកតោភាគី។
ចិនអំពាវនាវដល់ក្រុងមូស្គូនិងក្រុងគៀវឲ្យបោះបង់ចោលគំនិតសង្គ្រាមត្រជាក់ ។ សម្រាប់ចិនយល់ថា សន្តិសុខរបស់ប្រទេសមួយ មិនត្រូវស្វែងរកដោយធ្វើឲ្យប៉ះពាល់ដល់សន្តិសុខរបស់ប្រទេសដទៃៗទៀតឬឲ្យទទួលបានតាមរយៈការវាទទីឬការពង្រឹងប្លុកយោធាឡើយ។ វាមិនងាយរកឃើញការដោះស្រាយសាមញ្ញមួយ ចំពោះបញ្ហាស្មុគ្រស្មាញបំផុតមួយនោះទេ។ ក្នុងឯកសារនេះក្រសួងការបរទេសចិន មិននិយាយចំៗបណ្ដាដែនដីបំបែកខ្លួនស្និទ្ធរុស្ស៊ីនៅភាគខាងកើតអ៊ុយក្រែនឬតំបន់គ្រីមេឡើយ។ ចិនអំពាវនាវដល់ភាគីទាំង២ឲ្យវិលមកកាន់តុចរចាដោយថា ការចរចាជាដំណោះស្រាយល្អបំផុតតែមួយគត់នៃវិបត្តិអ៊ុយក្រែន។ ផែនការចិននេះក៏ស្នើឲ្យមានការសម្រាលជម្លោះមុនបទឈប់បាញ់គ្នា។ អធិបតេយ្យភាពរបស់គ្រប់ប្រទេសត្រូវតែគោរព។
ចិនក៏ចង់ដោះស្រាយវិបត្តិមនុស្សធម៌នៅអ៊ុយក្រែនដោយថា បណ្ដាវិធានការក្នុងន័យនេះ ត្រូវតែលើកទឹកចិត្តនិងគាំទ្រ។ ប្រតិបត្តិការមនុស្សធម៌ត្រូវតែអនុវត្ត ក្នុងក្របខណ្ឌអព្យាក្រិតហើយមិនត្រូវបង្កប់់នយោបាយឡើយ។ ចិនក៏លើកទឹកចិត្តឲ្យមានការដោះដូរឈ្លើយសឹកគ្នា រវាងរុស្ស៊ី និងអ៊ុយក្រែន។ ចិនយល់ថាអាវុ.ធនុយក្លេអ៊ែរមិនត្រូវប្រើ ហើយគេមិនត្រូវរុញច្រាន ឲ្យមានសង្គ្រាមនុយក្លេអ៊ែរឡើយ។ ចិនក៏ប្រឆាំងដែរការប្រើអាវុធគីមីនិងជីវសាស្ត្រ។
ចំណុចរសើបបំផុតនៃផែនការនោះ ចិនស្នើឲ្យបញ្ចប់បណ្ដាទណ្ឌកម្មប្រឆាំងរុស្ស៊ីដោយថា ទណ្ឌកម្មនិងការគាបសង្កត់ខ្លាំងបំផុតគ្រាន់តែបង្កើតបញ្ហាថ្មីៗប៉ុណ្នោះ៕
ចែករំលែកព័តមាននេះ