មហាសន្និបាត អ.ស.ប ៖ សំឡេងភាគច្រើនលើសលុបឱ្យរុស្ស៊ីដកទ័ពជាបន្ទាន់ចេញពីអ៊ុយក្រែន
សង្គ្រាមអ៊ុយក្រែន ៖ មហាសន្និបាតអ.ស.ប កាលពីថ្ងៃទី២៣ កុម្ភៈ ក្នុងការបោះឆ្នោតមួយ ទាមទារឲ្យរុ
សង្គ្រាមអ៊ុយក្រែន ៖ មហាសន្និបាតអ.ស.ប កាលពីថ្ងៃទី២៣ កុម្ភៈ ក្នុងការបោះឆ្នោតមួយ ទាមទារឲ្យរុស្ស៊ីដកកងទ័ពចេញពីអ៊ុយក្រែនជាបន្ទាន់។ បណ្ដាប្រទេសជាសមាជិក អ.ស.ប បានបោះឆ្នោតគាំទ្រដោយសំឡេងភាគច្រើនបំផុតលើណោះស្រាយមួយ ដែលក្រៅពីទាមទារឲ្យរុស្ស៊ីដកកងទ័ពជាបន្ទាន់ចេញពីអ៊ុយក្រែន ក៏អំពាវនាវដែរឲ្យមានសន្តិភាពពិតប្រាកដនិងស្ថិតស្ថេរមួយ។
ដំណោះស្រាយនោះដែលគ្មានការចាប់បង្ខំឲ្យអនុវត្ត ទទួលការគាំទ្រដោយ១៤១សំឡេង ៧សំឡេងប្រឆាំង (រុស្ស៊ី បេឡារុស ស៊ីរី កូរ៉េខាងជើង ម៉ាលី នីការ៉ាហ្គា អេត្យូពីនិងអេរីត្រេ)។ ប្រទេស៣២បានបោះឆ្នោតអនុប្បវាទ ក្នុងនោះមានចិននិងឥណ្ឌា ក្នុងចំណោមរដ្ឋទាំង១៩៣ជាសមាជិកអ.ស.ប។ ដំំណោះស្រាយនេះទទួលការគាំទ្រប្រហាក់ប្រហែលគ្នានឹងដំណោះស្រាយកាលពីឆ្នាំទៅមិញ ដែលមានសំឡេងគាំទ្រពី១៤៣ប្រទេស ដែលថ្កោលទោសការបញ្ចូលជាឧបសម្ព័ន្ធរបស់រុស្ស៊ី យកដែនដីជាច្រើនរបស់អ៊ុយក្រែន។ ក្នុងការបោះឆ្នោតកាលនោះមានប្រទេស៥ប្រឆាំង។
ដំណោះស្រាយដែលអនុម័តលើកនេះ អះអាងជាថ្មីឲ្យមានការគោរពអធិបតេយ្យភាពដែនដីអ៊ុយក្រែន និងទាមទារឲ្យរុស្ស៊ីដកជាបន្ទាន់ និងទាំងស្រុង ព្រមទាំងដោយគ្មានលក្ខខណ្ឌ កងទ័ពរបស់ខ្លួនចេញពីគ្រប់ដែនដីអ៊ុយក្រែន ដែលទទួលស្គាល់ជាអន្តរជាតិ ដោយចង់និយាយយោងដល់បណ្ដាដែនដីដែលរុស្ស៊ីបញ្ចូលជាឧបសម្ព័ន្ធ៕
ចែករំលែកព័តមាននេះ