កូរ៉េខាងត្បូង អាមេរិក និងជប៉ុន ធ្វើសមយុទ្ធជើងទឹករួម
កូរ៉េខាងត្បូង-អាមេរិក-ជប៉ុន ៖ ទីភ្នាក់ងារព័ត៌មានកូរ៉េខាងត្បូងYONHAP រាយការណ៍ថា ប្រទេស
កូរ៉េខាងត្បូង-អាមេរិក-ជប៉ុន ៖ ទីភ្នាក់ងារព័ត៌មានកូរ៉េខាងត្បូងYONHAP រាយការណ៍ថា ប្រទេស
កូរ៉េខាងត្បូង-អាមេរិក-ជប៉ុន ៖ ទីភ្នាក់ងារព័ត៌មានកូរ៉េខាងត្បូងYONHAP រាយការណ៍ថា ប្រទេសកូរ៉េខាងត្បូង សហរដ្ឋអាមេរិកនិងជប៉ុនបានរៀបចំធ្វើកាលពីថ្ងៃទី២២ កុម្ភៈ សមយុទ្ធជើងទឹកត្រីភាគីការពារប្រឆាំងមីស៊ីល ក្នុងដែនទឹកអន្តរជាតិនៃសមុទ្រខាងកើត។ កងទ័ពកូរ៉េខាងត្បូងថ្លែងថា សមយុទ្ធនោះធ្វើឡើង ខណៈកំពុងមានភាពតានតឹងកាន់តែខ្លាំងក្នុងដោយសារការបា.ញ់មីស៊ីល បាលីស្ទិកនាពេលថ្មីៗនេះរបស់កូរ៉េខាងជើង។
តាមអគ្គសេនាធិការដ្ឋានកងទ័ពកូរ៉េ ខាងត្បូងថា សមយុទ្ធនោះប្រព្រឹត្តទៅ នៅខាងកើតកោះULLEUNG កូរ៉េខាងត្បូងចូលរួមដោយនាវាពិឃាត៣គ្រឿង។ សមយុទ្ធនោះមានរយៈពេលប្រមាណជា៥ម៉ោង ផ្ដោតលើវិធីតាមចាប់រក តាមដាននិងស្ទាក់ដែលធ្វើត្រាប់តាមកុំព្យូទ័រ ព្រមទាំងលើការផ្លាស់ប្ដូរព័ត៌មានគ្នា។
ក្នុងសេចក្ដីប្រកាសព័ត៌មានមួយកងទ័ពកូរ៉េខាងត្បូងថ្លែងថា ដោយសារសមយុទ្ធការពារប្រឆាំងមីស៊ីលនោះ កូរ៉េខាងត្បូង អាមេរិកនិងជប៉ុន បានពង្រឹងកិច្ចសហប្រតិបត្តិការខាងសន្តិសុខនិងពង្រឹងប្រព័ន្ធឆ្លើយតប។ កិច្ចសហប្រតិបត្តិការត្រីភាគីនោះ ឆ្លុះបញ្ចាំងពីគុណតម្លៃរួមរបស់យើង និងការប្ដេជ្ញាចិត្តរបស់យើង តស៊ូប្រឆាំងបណ្ដាអ្នកដែលធ្វើឲ្យប៉ះពាល់ដល់ស្ថេរភាពតំបន់។
សមយុទ្ធជើងទឹកត្រីភាគីនោះធ្វើឡើងក្រោយពេលកូរ៉េខាងជើង បាញ់មីស៊ីលបាលីស្ទិកច្រើនគ្រាប់ ក្នុងនោះមានទាំងមីស៊ីលរំលងទ្វីបជាច្រើនគ្រាប់។ សមយុទ្ធនោះក៏បង្ហាញដែរថា កូរ៉េខាងត្បូងខិតខំកែលម្អទំនាក់ទំនងសន្តិសុខជាមួយជប៉ុន ដែលស្រុតចុះដោយសារជម្លោះប្រវត្តិសាស្ត្រ។ ប្រទេសទាំង៣នោះតាមពិតធ្លាប់ធ្វើសមយុទ្ធការពារប្រឆាំងមីស៊ីលរួមគ្នា កាលពីខែតុលាឆ្នាំទៅមិញ។
តាមកងម៉ារីនកូរ៉េខាងត្បូងថា នាថ្ងៃនោះដែរបណ្ដានាយទាហានជាន់ខ្ពស់របស់កងម៉ារីននៃប្រទេសទាំង៣ បានមកជួបប្រជុំគ្នាលើនាវានៃកងនាវាចរណ៍ទី៧អាមេរិក មានមូលដ្ឋាននៅកោះអូគីណាវ៉ា ដើម្បីពិភាក្សាពីកិច្ចសហប្រតិបត្តិការខាងកិច្ចការពារប្រឆាំងការគំរា.មកំហែងដោយមីស៊ីលរបស់កូរ៉េខាងជើង។
ម្យ៉ាងវិញទៀតកូរ៉េខាងត្បូងនិងអាមេរិក ត្រូវរៀបចំធ្វើ សមយុទ្ធយោធារួមនៅមន្ទីរប៉ង់តាហ្គោន នាថ្ងៃទី២២កុម្ភៈម៉ោងនៅអាមេរិក ក្នុងក្របខណ្ឌនៃសេនារីយ៉ូប្រើនុយក្លេអ៊ែរ ពីសំណាក់កូរ៉េខាងជើង។ នោះជាសមយុទ្ធនៅលើតុTTX ផ្អែកលើការពិភាក្សាគ្នា ហើយធ្វើឡើងក្នុងពេលកូរ៉េខាងត្បូងនិងអាមេរិក បង្កើនការខិតខំប្រឹងប្រែងរួម ដើម្បីធានាដល់ភាពជឿជាក់ លើការសន្យារបស់អាមេរិកដែលថាប្រើគ្រប់មធ្យោបាយជួយការពារបណ្ដាសម្ព័ន្ធមិត្ត៕
ចែករំលែកព័តមាននេះ