១ឆ្នាំកន្លង! រុស្ស៊ីអាចទប់ទល់ទណ្ឌកម្មក្រុមលោកខាងលិចបាន
ប្រទេសរុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន អះអាងកាលពីថ្ងៃទី២១ កុម្ភៈថា សេដ្ឋកិច្ចរុស្ស៊ី
ប្រទេសរុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន អះអាងកាលពីថ្ងៃទី២១ កុម្ភៈថា សេដ្ឋកិច្ចរុស្ស៊ី
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន អះអាងកាលពីថ្ងៃទី២១ កុម្ភៈថា សេដ្ឋកិច្ចរុស្ស៊ីអាចទប់ទល់បានបណ្ដាទណ្ឌកម្មពួកលោកខាងលិច និងសម្រេចបានសុក្រិតភាពនានាលើសពីការរំពឹងទុករបស់លោកខាងលិច។
ក្នុងសុន្ទរថាប្រចាំឆ្នាំនៅសភារុស្ស៊ី លោកពូទីន ថ្លែងទៀតថា យើងបានធានាស្ថេរភាពសភាពការណ៍សេដ្ឋកិច្ច ការពារពលរដ្ឋ ជួយសង្គ្រោះការងារ រារាំងការខ្វះខាតលើទីផ្សារក្នុងនោះរួមទាំងបណ្ដាផលិតផលសំខាន់ៗ ហើយទ្រទ្រង់បានប្រព័ន្ធហិរញ្ញវត្ថុនិងសហគ្រិន។ លោកលើកពីតួលេខចុងក្រោយនានាដែលបង្ហាញថា ផលទុនជាតិសរុបរបស់ប្រទេសចុះថយត្រឹម២,១%ក្នុងឆ្នាំ២០២២ មានន័យថាទាបជាងការយឺតយ៉ាវខាងសដ្ឋកិច្ចដែលព្យាករណ៍ដោយពួកអ្នកវិភាគលោកខាងលិចដែលថា អាចមានពី២០ទៅ២៥% ។ និយាយពីចំណែកប្រាក់រូប្លិ៍រុស្ស៊ី ក្នុងការទូទាត់អន្តរជាតិរបស់រុស្ស៊ីមានការកើនឡើងទ្វេដង បើប្រៀបធៀបទៅនឹងខែធ្នូ ឆ្នាំ២០២១។
លោកពូទីន ថ្លែងទៀតថា ក្រុងមូស្គូកំពុងបន្តធ្វើការជាមួយបណ្ដាដៃគូ ដើម្បីបង្កើតប្រព័ន្ធទូទាត់ពិភពលោកមួយដែលមានស្ថេរភាពនិងភាពប្រាកដប្រជា មិនចំណុះប្រាក់ដុល្លារអាមេរិកនិងរូបិយវត្ថុលោកខាងលិចដទៃៗទៀត។
លោកថាពួកអ្នកដាក់ទណ្ឌកម្មបែរជាមកធ្វើបាបខ្លួនឯង។ ទណ្ឌកម្មពួកគេនាំឲ្យផ្ទុះអតិផរណាខ្ពស់បំផុតក្នុងប្រទេសពួកគេ ញ៉ាំងឲ្យមានបាតុកម្មតវ៉ានានា និងនាំឲ្យមានការបាត់បង់ការងារ ការបិទបណ្ដាសហគ្រាសនិងមានវិបត្តិថាមពល តែពួកគេបែរជានិយាយទៅកាន់ពលរដ្ឋថា ទាំងនោះ ជាការទទួលខុសត្រូវរបស់រុស្ស៊ី៕
ចែករំលែកព័តមាននេះ