ប្រមុខក្រុម WAGNER ចោទសេនាធិការកងទ័ពរុស្ស៊ីថាក្បត់ពួកខ្លួន
សង្គ្រាមអ៊ុយក្រែន ៖ ភាពតានតឹងកំពុងកើនខ្លាំងថែមទៀត រវាងកងទ័ពរៀបរយរុស្ស៊ី និងពួក
សង្គ្រាមអ៊ុយក្រែន ៖ ភាពតានតឹងកំពុងកើនខ្លាំងថែមទៀត រវាងកងទ័ពរៀបរយរុស្ស៊ី និងពួក
សង្គ្រាមអ៊ុយក្រែន ៖ ភាពតានតឹងកំពុងកើនខ្លាំងថែមទៀត រវាងកងទ័ពរៀបរយរុស្ស៊ី និងពួក
ទាហានស៊ីឈ្នួលក្រុម WAGNER ។
ប្រមុខក្រុម WAGNER លោកអ៊ីវហ្គេនីព្រីហ្គោហ្ស៊ីន កាលពីថ្ងៃទី២១ កុម្ភៈ បានចោទសេនាធិការកងទ័ពប្រទេសលោកថា ប្រព្រឹត្តអំពើក្បត់គ្នាដែលលោកថាបដិសេធមិនផ្ដល់សម្ភារយោធា ដល់កងទាហានលោកនៅខ្សែត្រៀមជួរមុខនាភាគខាងកើតអ៊ុយក្រែន ។
សេចក្ដីថ្លែងការណ៍របស់ប្រមុខក្រុម WAGNER លោកអ៊ីវហ្គេនីព្រីហ្គោហ្ស៊ីននេះ កំណត់ពីការកើនកាន់តែខ្លាំងនៃការមិនចុះសម្រុងគ្នារវាងកង WAGNER និងកងទ័ពរៀបរយរុស្ស៊ី ដែលហាក់ដូចជាប្រជែងគ្នានៅលើទីលានប្រយុទ្ធអ៊ុយក្រែន ។ ភាពតានតឹងលេចកាន់តែខ្លាំង ពេលកងទ័ពរុស្ស៊ីប៉ុនប៉ងវាយដណ្ដើមយកក្រុងបាក់មូដ ដោយកងទ័ពរៀបរយនិងកងម្លាំង WAGNER ម្ខាងៗអះអាងពីស្នាដៃក្នុងការវាយរុលទៅមុខនៅសមរភូមិក្រុងបាក់មូដ ហើយជួនកាលនិយាយផ្ទុយគ្នាផង ។
ក្នុងការថតសំឡេងមួយចេញផ្សាយតាមតេឡេក្រាម លោកព្រីហ្គោហ្ស៊ីននិយាយថា នាយសេនាធិការកងទ័ព និងរដ្ឋមន្ត្រីការពារប្រទេសលោកស័រហ្គេយឆយហ្គូ បានចេញបទបញ្ជាមិនឲ្យផ្ដល់គ្រាប់រំសេវដល់ក្រុម WAGNER ។
លោកអ៊ីវហ្គេនីព្រីហ្គោហ្ស៊ីន ហាក់ដូចជាចង់រិះគន់ជាសាធារណៈ ដល់ក្រសួងការពារប្រទេសរុស្ស៊ី ដែលលោកចោទថាពុំមានប្រសិទ្ធភាពក្នុងការផ្គត់ផ្គង់ភស្ដុភារឲ្យបានទាន់ពេលវេលាខណៈទំនាស់គ្នារវាងប្រមុខក្រុម WAGNER និងទីបញ្ជាការដា្ឋនកងទ័ពរៀបរយកាន់តែបើកចំហ ។ លោកថាមានការប្រឆាំងគ្នាចំមុខតែម្ដងដែលប៉ងបំផ្លាញក្រុមWAGNER ។ អាចមានការបិទបាំងអំពើក្បត់ចំពោះមាតុភូមិ ខណៈក្រុម WAGNER កំពុងប្រយុទ្ធដណ្ដើមយកក្រុងបាក់មូដ ។ គេរាំងខ្ទប់ការផ្គត់ផ្គង់គ្រាប់រំសេវ និងការជួយទ្រទ្រង់តាមអាកាស ពេលវាយលុកដែលបណ្ដាលឲ្យកងទាហានលោករងការបាត់បង់ច្រើនក្នុងមួយថ្ងៃៗដល់រាប់រយនាក់ ៕
ចែករំលែកព័តមាននេះ