ចេញពីក្រុងគៀវ លោកចូ បៃដិន ថ្លែងសុន្ទរកថានៅក្រុងវ៉ាសូវី
សង្គ្រាមអ៊ុយក្រែន ៖ ក្រោយពីទៅកាន់ទីក្រុងគៀវគួរឲ្យភ្ញាក់ផ្អើល ដើម្បីជួបជាមួយសមភាគីអ៊ុយក្រែ
សង្គ្រាមអ៊ុយក្រែន ៖ ក្រោយពីទៅកាន់ទីក្រុងគៀវគួរឲ្យភ្ញាក់ផ្អើល ដើម្បីជួបជាមួយសមភាគីអ៊ុយក្រែន ប្រធានាធិបតីអាមេរិកលោកចូ បៃដិន បានទៅកាន់រដ្ឋធានីប៉ូឡូញ ក្រុងវ៉ាសូវីជួបជាមួយមេដឹកនាំអឺរ៉ុបសំខាន់ៗដែលគាំទ្រអ៊ុយក្រែន ហើយថ្លែងសុន្ទរកថាមួយនៅទីនោះ ។
លោកបៃដិន សម្ដែងការគាំទ្រពេញទំហឹងដល់អ៊ុយក្រែនដែលកំពុងតស៊ូទប់ទល់ ចាប់តាំងពីជិតមួយឆ្នាំមកហើយការវាយលុករបស់រុស្ស៊ី ។ អ៊ុយក្រែនដាច់ខាតមិនអាចចាញ់រុស្ស៊ីឡើយ ។ លោកថាលោកវ្ល៉ាឌីមៀរ ពូទីន នឹងចាញ់ប្រឈមមុខនឹងក្ដីស្រឡាញ់របស់ប្រជាជនអ៊ុយក្រែន ចំពោះប្រទេសរបស់ពួកគេ ។
លោកបៃដិន មើលឃើញថា អនាគតរបស់អ៊ុយក្រែនគឺជាប្រទេសសេរី អធិបតេយ្យនិងប្រជាធិបតេយ្យ ។ លោកសរសើរចំពោះភាពអង់អាចក្លាហានរបស់លោកវ៉ូឡូឌីមៀរ ហ្សេឡេនស្គី និងប្រជាជនអ៊ុយក្រែន ។ ថ្ងៃសុក្រ ទី២៤ កុម្ភៈ នឹងកំណត់ខួបលើកទី១នៃសង្គ្រាមអ៊ុយក្រែន ។ លោកបៃដិន រំឭកថា ពិភពលោកមិនអាចនៅស្ងៀមចំពោះសភាពការណ៍នេះឡើយនិងថា ការគាំទ្រចំពោះអ៊ុយក្រែនពិតជាខ្លាំង និងពោរពេញដោយការរួបរួមគ្នា ។ អូតង់រួបរួមគ្នាជាងពេលណាទាំងអស់ ៕
ចែករំលែកព័តមាននេះ