ខេត្តព្រះសីហនុ ៖ លោកចោរម្នាក់គាត់ត្រូវបានកម្លាំងសមត្ថកិច្ចនគរបាលក្រុងព្រះសីហនុពូនស្ទាក់ចាប់ខ្លួន កាលពីយប់ថ្ងៃទី២១ ខែកុម្ភៈ ឆ្នាំ២០២៣ ពាក់ព័ន្ធករណីលួចដោះយកត្រង់ស្វរ័អគ្គិសនីឯកជន ស្ថិតនៅផ្លូវតាមផ្លូវជាតិលេខ៤ ក្បែរ អតីតស្នាក់ការគណបក្សហ្វ៊ុនស៊ិនប៉ិច ភូមិ១ សង្កាត់លេខ១ ប៉ុន្តែអ្វីដែលសមត្ថកិច្ចបង្ក្រាបចាប់ជាក់ស្តែងប៉ុណ្ណឹងហើយ លោកចោររូបនោះគាត់ប្រកែកយកឈ្នះថា «លោកប៉ូលិសមុនចោទគេថាចោរ សុំឆែកមើលកាមេរ៉ាផង» ។
ជនសង្ស័យខាងលើ មានឈ្មោះ មៀន មន ភេទប្រុស អាយុ៣៦ឆ្នាំ ជាកម្មករផ្លូវថ្នល់ ស្នាក់នៅការដ្ឋានច្រកចូលផ្លូវល្បឿនលឿន សង្កាត់លេខ១ ក្រុង.ខេត្ត ព្រះសីហនុ ។
តាមសេចក្តីរាយការឲ្យដឹងថា នៅវេលាម៉ោងប្រមាណ១២ យប់ថ្ងៃខែខាងលើ មានករណីចោរលួចដោះត្រង់ស្វរ័អគ្គីសនីមួយករណី បង្កដោយជនសង្ស័យចំនួន២នាក់ ដើម្បីយកស្ពាន់ទៅលក់ ។ ដោយមានសេចក្តីរាយនោះ លោកឧត្តមសេនីយ៍ទោ ជួន ណារិន្ទ ស្នងការ នៃស្នងការដ្ឋាននគរបានខេត្ត បានដាក់បទបញ្ជាទៅលោកវរសេនីយ៍ឯក តី វិសាល អធិការនៃអធិការដ្ឋាននគរ បាលក្រុងព្រះសីហនុ ឲ្យកម្លាំងជំនាញចេញល្បាត និងពួនស្ទាក់ចាំចាប់ចោរលួចដោះត្រង់ស្វ័រអគ្គីសនីនោះ លុះពេលកម្លាំងសមត្តកិច្ចជំនាញ ចុះទៅដល់ទីតាំងកើតហេតុ ស្រាប់តែឃើញឧបករ ណ៍ សោរ ម៉ាឡេត ជាច្រើន នៅជិតក្បែរបង្គោលភ្លើងមានត្រង់ស្វរ័ដោះទម្លាក់រាយប៉ាយនៅលើដី ដែលជនសង្ស័យដោះទម្លាក់មកតាំងពីថ្ងៃទី២០ ខែឆ្នាំដដែលនោះ ។
ឃើញសកម្មភាពយ៉ាងដូច្នោះហើយ សមត្ថកិច្ចក៏បើកការស្រាវជ្រាវជាបន្ទាន់ និងដល់ការឃាត់ខ្លួនជនសង្ស័យបានម្នាក់ ក្នុងចំណោមជនសង្ស័យ២នាក់ដែលម្នាក់ឈ្មោះ យុន កំពុងគេចខ្លួន ហើយសមត្តកិច្ចក៏បានចាប់យកវត្តុតាងនៅកន្លែងកើតហេតុ មានសោរសំរាប់ដោះប៊ូឡុងមួយចំនួនផងដែរ ។ ពេលនេះ ជនសង្ស័យ កំពុងឃាត់ខ្លួននៅអធិការដ្ឋានដើម្បីធ្វើការសាកសួរ និងស្រាវជ្រាវរកភស្តុតាងបន្ថែមដើម្បីកសាងសំណុំរឿងបញ្ជូនទៅតុលាការ។
ចែករំលែកព័តមាននេះ