រកឃើញម៉ូតូជិត១០០គ្រឿង និងរថយន្ត១០គ្រឿងសង្ស័យពាក់ព័ន្ធបទល្មើស
រាជធានីភ្នំពេញ ៖ ទីតាំងឃ្លាំងកុងស៊ីបញ្ចាំអត់ច្បាប់មួយកន្លែង នៅភូមិចុងថ្នល់ខាងលិច សង្កាត់ទឹកថ្លា ត្រូវបានអាជ្ញាធរខណ្ឌសែនសុខចុះត្រូតពិនិត្
រាជធានីភ្នំពេញ ៖ ទីតាំងឃ្លាំងកុងស៊ីបញ្ចាំអត់ច្បាប់មួយកន្លែង នៅភូមិចុងថ្នល់ខាងលិច សង្កាត់ទឹកថ្លា ត្រូវបានអាជ្ញាធរខណ្ឌសែនសុខចុះត្រូតពិនិត្យ កាលពីវេលាម៉ោងប្រមាណ៤រសៀល ថ្ងៃទី១៥ ខែសីហានេះ ហើយរកឃើញម៉ូតូប្រមាណជិត១០០គ្រឿង និងរថយន្ត១០គ្រឿង ដែលមួយចំនួនសង្ស័យជាយានយន្តល្មើសច្បាប់ពុំមានឯកសារត្រឹមត្រូវ។ ការចុះពិនិត្យឃ្លាំងកុងស៊ីនេះ បន្ទាប់ពីសាលារាជធានីភ្នំពេញ មានវិធានកាចំពោះកុងស៊ីបញ្ជាំអត់ច្បាប់ និងទទួលបញ្ចាំយានយន្តល្មើសច្បាប់ ដើម្បី ពង្រឹងសន្តិសុខ។
តាមអាជ្ញាធរបានឲ្យដឹងថា ឃ្លាំងកុងស៊ីនេះបានដំណើរ អត់ច្បាប់ អស់រយៈពេលជាយូរមកហើយ។ នៅក្នុងការត្រួតពិនិត្យ កុងស៊ីអត់ច្បាប់នេះ អាជ្ញាធរបានរកឃើញម៉ូតូចំនួនប្រមាណ ៨០គ្រឿង និងរថយន្តចំនួន១០គ្រឿង។ ខណៈនោះសមត្ថកិច្ច ក៏បានត្រួតពិនិត្យ ឯកសារហើយរកឃើញម៉ូតូចំនួន១៧គ្រឿងពុំមានឯកសារត្រឹមត្រូវ។ ទោះបីជាយ៉ាងណាគេពុំដឹងថា សមត្ថកិច្ច ដកហូត ឬយ៉ាងណានោះទេ។ តាមអាជ្ញាធរខណ្ឌសែនសុខ ក៏បានធ្វើការណែនាំដល់ម្ចាស់ទីតាំង ឲ្យសុំច្បាប់អនុញ្ញាតពីសាលារាជធានីភ្នំពេញឲ្យបានត្រឹមត្រូវ។
នៅពេលទទួលបញ្ចាំ ត្រូវទទួលតែយានយន្តណាដែលមានឯកសារត្រឹមត្រូវ មិនត្រូវទទទួលយកយានយន្ត ដែលគ្មានឯកសារសម្គាល់ ឬមិនប្រក្រតីនោះឡើយ។ ចំពោះការឆែកឆេរនេះ បើសិនរកឃើញ ម៉ូតូគ្មានឯកសារគ្រប់គ្រាន់នឹងប្រឈរមុខការបិទ អាជីវកម្មបណ្តោះអាសន្ន៕
ចែករំលែកព័តមាននេះ