ព្យុះ និងទឹកជំនន់វា.យប្រហារនៅប្រេស៊ីល ស្លា.ប់យ៉ាងតិច៣៦នាក់
ប្រទេសប្រេស៊ីល ៖ អាជ្ញាធរគូសបញ្ជាក់កាលពីថ្ងៃទី១៩ កុម្ភៈ ថា ព្យុះដ៏ខ្លាំងអមជាមួយនឹងភ្លៀងធ្លាក់
ប្រទេសប្រេស៊ីល ៖ អាជ្ញាធរគូសបញ្ជាក់កាលពីថ្ងៃទី១៩ កុម្ភៈ ថា ព្យុះដ៏ខ្លាំងអមជាមួយនឹងភ្លៀងធ្លាក់
ប្រទេសប្រេស៊ីល ៖ អាជ្ញាធរគូសបញ្ជាក់កាលពីថ្ងៃទី១៩ កុម្ភៈ ថា ព្យុះដ៏ខ្លាំងអមជាមួយនឹងភ្លៀងធ្លាក់យ៉ាងគំហុក បណ្ដាលឲ្យមនុស្សស្លា.ប់យ៉ាងតិច៣៦នាក់ នៅតាមមូលដ្ឋាននានាស្ថិតនៅជាប់ឆ្នេរសមុទ្រនៃរដ្ឋសាវប៉ូឡូ ប្រេស៊ីល ក្រោយទឹកជំនន់និងការបាក់ដី កាលពីចុងសប្ដាហ៍កន្លងទៅជួនពេលគ្នានឹងការហែក្បួនកានីវ៉ាល់ ។
លោកហ្វេលីបអូហ្គូស្តូអភិបាលក្រុង SAO SEBASTIAO ស្ថិតនៅចម្ងាយ២០០គីឡូម៉ែត្រពីទីក្រុងសាវប៉ូឡូ ថ្លែងប្រាប់ទូរទស្សន៍អាមេរិក CNN ថា រហូតមកទល់ពេលនេះក្នុងទីក្រុងលោក មានមនុស្សស្លា.ប់៣៥នាក់។ រួចងាកទៅខាងជើងក្នុងទីក្រុងជាប់សមុទ្រអ៊ូបាទូអា ក្មេងស្រីតូចម្នាក់បានស្លា.ប់ក្រោយភ្លៀងធ្លាក់ខ្លាំង។ មុននេះរដ្ឋាភិបាលរដ្ឋសាវប៉ូឡូរៀបរាប់ពីមនុស្សស្លា.ប់១៩នាក់។ ចំនួនអ្នករបួសនិងបាត់ខ្លួនអាជ្ញាធរនៅមិនទាន់បញ្ជាក់នៅឡើយតែអះអាងថា ប្រតិបត្តិការជួយសង្គ្រោះកំពុងធ្វើតាមរកពិសេស អ្នកដែលអាចនៅរស់រានមានជីវិត។ ក្មេងប្រុស អាយុ២ឆ្នាំ ម្នាក់ត្រូវបានយកចេញពីភក់នៅរស់រានមានជីវិត ហើយនារីមានផៃ្ទពោះគ្រប់ខែម្នាក់ក៏ត្រូវបានជួយសង្គ្រោះដែរ។
ទីក្រុង SAO SEBASTIAO ដែលមនុស្សម្នាច្រើនកុះករលើកគ្នាមកពេលរដូវកានីវ៉ាល់ ជាទីក្រុងរងការប៉ះពាល់ខ្លាំងជាងគេមួយដោយសារព្យុះភ្លៀងនោះ។ ផ្ទះប្រមាណជា៥០ខ្នងក្នុងទីក្រុងនោះត្រូវបានទឹកជំនន់បំផ្លាញ។ មនុស្សច្រើននាក់ក្នុងក្រុងនេះអាចនៅជាប់ក្នុងភក់៕
ចែករំលែកព័តមាននេះ