កូរ៉េខាងជើងព្រមានយកមហាសមុទ្របាស៊ីហ្វិកជាទីលានបា.ញ់
ប្រទេសកូរ៉េខាងជើង ៖ បន្ទាប់ពីបា.ញ់មីស៊ីលបាលីស្ទិក២គ្រាប់ថ្មីទៀតកាលពីព្រឹកថ្ងៃទី២០ កុម្ភៈ កូរ៉េ
ប្រទេសកូរ៉េខាងជើង ៖ បន្ទាប់ពីបា.ញ់មីស៊ីលបាលីស្ទិក២គ្រាប់ថ្មីទៀតកាលពីព្រឹកថ្ងៃទី២០ កុម្ភៈ កូរ៉េខាងជើងបានគំរា.មដោយផ្ទាល់ចំពោះក្រុងសេអ៊ូល និងក្រុងវ៉ាស៊ីនតោន។
លោកស្រីគីម យ៉ូជុង ប្អូនស្រីលោកគីម ជុងអ៊ុន ក្នុងសេចក្ដីប្រកាសមួយចេញផ្សាយ ដោយទីភ្នាក់ងារព័ត៌មានកូរ៉េខាងជើងKCNA ថ្លែងថា ការប្រើប្រាស់មហាសមុទ្រប៉ាស៊ីហ្វឹកញឹកញាប់បែបណា ជាទីលាននៃការបា.ញ់មីស៊ីលគឹផ្អែកលើប្រភេទនៃសកម្មភាពរបស់កងទ័ពអាមេរិក។
កូរ៉េខាងជើងបានសរសើរកងទាហានរបស់ខ្លួន ដែលបានធ្វើសមយុទ្ធបា.ញ់ភ្លាមៗកាលពីថ្ងៃទី១៨កុម្ភៈ តែបណ្ដាអ្នកវិភាគកូរ៉េខាងត្បូងគូសបញ្ជាក់ថា រយៈពេល៩ម៉ោងរវាងការចេញបទបញ្ជានិងការបាញ់ វាពិតជាមិនសូវជាលឿនប៉ុន្មានឡើយ។ លោកស្រីគីម យ៉ូជុង បានបដិសេធភ្លាមៗការរិះគន់នោះថា ជាការប៉ុនប៉ងមើលស្រាលដល់ការរៀបចំរបស់កងកម្លាំងបាលីស្ទិកកូរ៉េខាងជើង។
ចំណែកអគ្គលេខាធិការ អ.ស.ប លោកអានតូនីញ៉ូហ្គូទ័ររេស បានថ្កោលទោសសកម្មភាពរបស់កូរ៉េខាងជើងកាលពីចុងសប្ដាហ៍ ដោយអំពាវនាវដល់ក្រុងព្យុងយ៉ាង ឲ្យបញ្ឈប់បណ្ដាសកម្មភាពបង្កហេតុ។ ក្នុងសេចក្ដីប្រកាសមួយកាលពីថ្ងៃទី១៩ កុម្ភៈ អ្នកនាំពាក្យរបស់លោកគូសបញ្ជាក់ថា អគ្គលេខាធិការ អ.ស.ប បានថ្កោលទោសយ៉ាងម៉ឺងម៉ាត់ ការបា.ញ់ជាថ្មីរបស់កូរ៉េខាងជើង មីស៊ីលបាលីស្ទិករំលងទ្វីប ៕
ចែករំលែកព័តមាននេះ