ល្បឿនរថយន្តសាមុយព្រលះរ៉ឺម៉កពីក្រោយស្លា.ប់បីនាក់របួសធ្ងន់ស្រាលបីនាក់
ខេត្តកណ្ដាល ៖ រថយន្តសាមុយគ្លីនិកឯកជននៅស្រុកកំពង់ត្រាចបានបើកបុកម៉ូតូសណ្តោងរ៉ឺម៉កពីក្រោយពេញទំហឹងបណ្តាលឱ្យស្លា.ប់មនុស្សបីនាក់ភ្លាមៗ
ខេត្តកណ្ដាល ៖ រថយន្តសាមុយគ្លីនិកឯកជននៅស្រុកកំពង់ត្រាចបានបើកបុកម៉ូតូសណ្តោងរ៉ឺម៉កពីក្រោយពេញទំហឹងបណ្តាលឱ្យស្លា.ប់មនុស្សបីនាក់ភ្លាមៗ
ខេត្តកណ្ដាល ៖ រថយន្តសាមុយគ្លីនិកឯកជននៅស្រុកកំពង់ត្រាចបានបើកបុកម៉ូតូសណ្តោងរ៉ឺម៉កពីក្រោយពេញទំហឹងបណ្តាលឱ្យស្លាប់មនុស្សបីនាក់ភ្លាមៗ និងរបួសធ្ងន់ស្រាលបីនាក់ទៀត កាលពីវេលាម៉ោង៥និង១៥នាទីព្រឹកថ្ងៃទី១៣ សីហា នៅលើផ្លូវជាតិលេខ៥ ចន្លោះគីឡូម៉ែត្រ២៩និង៣០ នៅភូមិឃ្លាំងស្បែក ឃុំកំពង់ហ្លួង ស្រុកពញឮ ខេត្តកណ្តាល ។ ក្រោយពីកើតហេតុអ្នកបើកបររថយន្តសាមុយបង្កហេតុបានរត់គេចខ្លួនបាត់បន្សល់ទុករថយន្តនៅនឹងកន្លែងកើតហេតុ ។
តាមប្រភពពីនគរបាលចរាចរស្រុកពញាឮបានឱ្យដឹងថា នៅវេលាកើតហេតុខាងលើមានរថយន្តមួយគ្រឿងម៉ាក ស្តារិច ពណ៌សឆ្នូតក្រហម ពាក់ស្លាកលេខ កំពង់ឆ្នាំង ២A-១៣១៧ ជារថយន្តសាមុយគ្លីនិក តែវណ្ណា នៅស្រុកកំពង់ត្រាច ខេត្តកំពង់ឆ្នាំង បើកបរក្នុងទិសដៅពីត្បូងទៅជើងដែលត្រឡប់មកពីដឹកអ្នកជម្ងឺទៅភ្នំពេញបើកក្នុងល្បឿនលឿន ។ លុះមកដល់កន្លែងកើតហេតុបានបុកពេញទំហឹងពីក្រោយម៉ូតូសណ្ដោងរ៉ឺម៉ក(តុកៗ)ដែលមានអ្នកធ្វើដំណើរទៅផ្សារ៦នាក់បណ្ដាលឱ្យស្លាប់បីនាក់នៅនឹងកន្លែងកើតហេតុភ្លាមៗ និងបណ្ដាលឱ្យរបួសធ្ងន់ស្រាលបីនាក់ទៀត ដែលអ្នកទាំងអស់គ្នាជិះរ៉ឺម៉កចេញពីផ្ទះទៅផ្សារក៏បានជួបគ្រោះថ្នាក់បែបនេះ ។ ក្រោយពីកើតហេតុភ្លាមអ្នកបើកបររថយន្តបានចតរថយន្តទុកចោលហើយរត់គេចខ្លួនបាត់ ។
នគរបាលបានបញ្ជាក់បន្ថែមឱ្យដឹងថា ករណីគ្រោះថ្នាក់ចរាចរនេះបណ្តាលមកពីរថយន្តសាមុយបង្កហេតុបើកបរមានល្បឿនលឿនខ្វះការប្រុងប្រយ័ត្ន ។ មធ្យបាយទាំងសងខាងនេះបានយកទៅរក្សាទុកនៅអធិការដ្ឋាននគរបាលស្រុកដើម្បីកសាងសំណុំរឿងចាត់ការតាមច្បាប់ ៕
ចែករំលែកព័តមាននេះ