ខេត្តសៀមរាប ៖ ស្ត្រីវ័យ៤៧ឆ្នាំម្នាក់ បានរាយខ្សែភ្លើង ដោតម៉ូទ័របូមទឹក ហើយក៏ប្រមូលមកវិញ ដោយពុំបានដកឌុយភ្លើង ខណៈដៃកំពុងសើម ស្រាប់តែទៅដកឌុយ ត្រូវបានខ្សែភ្លើងឆក់ បណ្តាលឱ្យស្លាប់ ខណៈពេលបញ្ជូនដល់មន្ទីពេទ្យ កាលពីវេលាម៉ោង០៩និង២០នាទីព្រឹក ថ្ងៃទី១០ ខែសីហា ឆ្នាំ២០១៧ ស្ថិតនៅចំណុចភូមិយាង ឃុំយាង ស្រុកពួក ខេត្តសៀមរាប បង្កឱ្យមានការភ្ញាក់ផ្អើល ដល់អ្នកជិតខាង និងសមត្ថកិច្ចមូលដ្ឋានផងដែរ ។
លោកវរៈសេនីយ៍ទោ ទេព ពុំសែន អធិការនគរបាលស្រុកពួក បានឱ្យដឹងថា ៖ ជនរងគ្រោះឈ្មោះ ឈី ភព ភេទស្រី អាយុ៤៧ឆ្នាំ មុខរបរធ្វើស្រែ រស់នៅភូមិយាង ឃុំយាង ស្រុកពួក ខេត្តសៀមរាប បណ្ដាលឱ្យស្លាប់ពេលដឹកដល់មន្ទីរពេទ្យ ។
លោកបានបញ្ជាក់ថា ៖ មូលហេតុដែលបណ្តាឱ្យខ្សែភ្លើងឆក់ជនរងគ្រោះស្លាប់នោះ គឺជនរងគ្រោះបានរាយខ្សែភ្លើង ដើម្បីបូមទឹកនឹងម៉ូទ័រ ពេលបូមរួច ក៏សាខ្សែភ្លើងវិញ ដោយមិនបានដកឌុយពីប្រ៊ី ហើយប៉ះតំណខ្សែដែលដាច់រលាត់ ក៏បណ្ដាលឱ្យឆក់ស្លាប់ ខណៈពេលដឹកដល់មន្ទីពេទ្យ ។
បច្ចុប្បន្ន សពជនរងគ្រោះ ត្រូវបានសមត្ថកិច្ចជំនាញ ប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីនៅភូមិឃុំខាងលើ ៕
ចែករំលែកព័តមាននេះ