ADផ្ទាំងផ្សព្វផ្សាយពាណិជ្ជកម្ម

Picture

ពិនិត្យសារមន្ទីរឧក្រិដ្ឋកម្មប្រល័យពូជសាស​ន៍ ទួលស្លែង ខណៈប្រមុខរដ្ឋអាល្លឺម៉ង់ នឹងទស្សនកិច្ច នៅរសៀលថ្ងៃទី១៥កុម្ភៈ

1 ឆ្នាំ មុន
  • ភ្នំពេញ

ភ្នំពេញ៖ លោក ឃួង ស្រេង អភិបាលរាជធានីភ្នំពេញ នា​ថ្ងៃទី១៤កុម្ភៈនេះបានដឹកនាំ​អាជ្ញាធរខណ្ឌបឹងកេងកង និងមន្រ្តីជំនាញពាក់ព័ន្ធ ចុះពិនិត្យទីតាំងសារមន្ទីរឧក្រិដ្ឋកម្ម​ប្រល័យពូជសាសន៍ទួលស្លែង ដើម្បីត្រៀមទទួលប្រតិភូជាន់ខ្ពស់របស់ប្រទេសអាល្លឺម៉ង់ ដែលនឹងអញ្ជើញទៅពិនិត្យស្វែងយល់ពីការពិតនៃរបបប្រល័យពូជសាសន៍ប៉ុលពត…

ភ្នំពេញ៖ លោក ឃួង ស្រេង អភិបាលរាជធានីភ្នំពេញ នា​ថ្ងៃទី១៤កុម្ភៈនេះបានដឹកនាំ​អាជ្ញាធរខណ្ឌបឹងកេងកង និងមន្រ្តីជំនាញពាក់ព័ន្ធ ចុះពិនិត្យទីតាំងសារមន្ទីរឧក្រិដ្ឋកម្ម​ប្រល័យពូជសាសន៍ទួលស្លែង ដើម្បីត្រៀមទទួលប្រតិភូជាន់ខ្ពស់របស់ប្រទេសអាល្លឺម៉ង់ ដែលនឹងអញ្ជើញទៅពិនិត្យស្វែងយល់ពីការពិតនៃរបបប្រល័យពូជសាសន៍ប៉ុលពត នៅក្នុងសារមន្ទីរឧក្រិដ្ឋកម្មប្រល័យពូជសាសន៍ទួលស្លែងនេះ នៅរសៀលទី១៥កុម្ភៈ​។

ក្នុងឱកាសនៃការចុះពិនិត្យទីតាំងនៅជុំវិញសារមន្ទីរឧក្រិដ្ឋកម្មប្រល័យពូជសាសន៍ទួលស្លែងនោះ លោក ឃួង ស្រេង បានធ្វើការណែនាំឲ្យអាជ្ញាធរ ដូចជា មន្ទីរពាក់ព័ន្ធ ពិសេសមន្ទីរសាធារណការ និងដឹកជញ្ជូន​ រាជធានីភ្នំពេញ រៀបចំសម្អាតអនាម័យ បរិស្ថាន នៅជុំវិញទីតាំងសារមន្ទីរឧក្រិដ្ឋកម្ម​ប្រល័យពូជសាសន៍ទួលស្លែងនេះ ដោយត្រូវបាញ់ទឹកលាងផ្លូវ ជុំវិញបរិវេណនេះផងដែរ ក្នុង​គោល​បំណង​ធ្វើយ៉ាងណាឲ្យទីតាំង នៅជុំវិញសារមន្ទីរឧក្រិដ្ឋកម្មប្រល័យពូជសាសន៍ទួលស្លែង​នេះ មានសោភណ្ឌភាព និងមាន​បរិស្ថានល្អប្រសើរ ជាមួយនឹងការរក្សាបាននូវសន្តិសុខ សណ្តាប់​ធ្នាប់​ដ៏ល្អផងដែរ។

គួរបញ្ជាក់ថា ប្រមុខរដ្ឋ និងជាប្រធានាធិបតីនៃសាធាណរដ្ឋសហព័ន្ធអាល្លឺម៉ង់ លោក ហ្រ្វាំង វ៉ាល់ធ័រ ឆ្តែនម៉ៃយ័រ (Frank-Walter Steinmeier) និងលោកជំទាវ អែលឃើ បឿឌិនបិនឌ័រ ( Elke Büdenbender) បានអញ្ជើញ​មកបំពេញទស្សនកិច្ចផ្លូវការ នៅកម្ពុជា ពីថ្ងៃទី១៤ ដល់ថ្ងៃទី១៦ ខែកុម្ភៈ ឆ្នាំ២០២៣ ហើយនៅរសៀលទី១៥កុម្ភៈ លោក ហ្រ្វាំង វ៉ាល់ធ័រ ឆ្តែនម៉ៃយ័រ នឹងអញ្ជើញ​ទៅពិនិត្យស្វែងយល់ពីការពិត នៃរបបប្រល័យពូជសាសន៍ប៉ុលពត នៅក្នុងសារមន្ទីរឧក្រិដ្ឋកម្ម​ប្រល័យ​ពូជសាសន៍ទួលស្លែងនេះផងដែរ​៕​

អត្ថបទសរសេរ ដោយ

កែសម្រួលដោយ