ប្រជាពលរដ្ឋបានរាយការណ៍ប្រាប់អ្នកសារព័ត៌មានឱ្យដឹងថា មានល្បែ.ង ភ្នាល់ជល់មាន់ខុសច្បាប់មួយកន្លែង បានកំពុងបើកបញ្ជល់មាន់យ៉ាងគឃ្លើន នៅចំណុចក្រោមដើមស្វាយក្នុងចំការអំពៅ ដែលមាន
ខេត្ដស្វាយរៀង ៖ ប្រជាពលរដ្ឋបានរាយការណ៍ប្រាប់អ្នកសារព័ត៌មានឱ្យដឹងថា មានល្បែ.ង ភ្នាល់ជល់មាន់ខុសច្បាប់មួយកន្លែង បានកំពុងបើកបញ្ជល់មាន់យ៉ាងគឃ្លើន នៅចំណុចក្រោមដើមស្វាយក្នុងចំការអំពៅ ដែលមានទីតាំងស្ថិតនៅក្នុងភូមិបាត់ថង់ ឃុំគគីសោម ស្រុកស្វាយទាប ខេត្តស្វាយរៀង ហើយត្រូវបានមហាជនលើកឡើងថា អាជ្ញាធរ និងសមត្ថកិច្ចពាក់ព័ន្ធមិនបង្ក្រាប។
ប្រជាពលរដ្ឋបានលើកឡើងខាងលើនេះ កើតឡើងនៅវេលាម៉ោង១០និង៣០នាទីព្រឹក ថ្ងៃទី១៣ ខែកុម្ភៈ ឆ្នាំ២០២៣ ស្ថិតនៅក្នុងភូមិបាត់ថង់ ឃុំគគីរសោម ស្រុកស្វាយទាប។
ប្រភពពីប្រជាពលរដ្ឋបានឲ្យដឹងថា ក្នុងមួយសប្តាហ៍ គេបើកជល់មាន់ចំនួន៤ដង ដោយបានប្រមូលផ្ដុំមនុស្សជាច្រើនមកលេងល្បែ.ងភ្នាល់ដាក់លុយចាប់ពី៥ម៉ឺនរៀល រហូត៥សែនរៀល ឬទៅ១លានរៀលក្នុង១គូរៗ ហើយក៏បានស្រែកហ៊ោកញ្ជ្រៀវ ហាក់បីដូចគ្មានញញើតជាមួយនឹងសមត្ថកិច្ចឡើយ។
ប្រជាពលរដ្ឋលើកឡើងថា សកម្មភាពទាំងនេះ មិនត្រូវបានសមត្ថកិច្ច និងអាជ្ញាធរឃុំ-ស្រុក ចុះបង្ក្រាបនោះទេ។ ប្រជាពលរដ្ឋបានឲ្យដឹងទៀតថា មានអ្នកញៀ.នល្បែ.ងខ្លះចាញ់អស់ទ្រព្យសម្បត្ដិ កើតជាជម្លោះក្នុងគ្រួសារ រហូតឈានដល់កើតមានអំពើហិ.ង្សាក្នុងគ្រួសារទៀតផង។ ហើយល្បែ.ងស៊ីសងទាំងនេះហើយ ដែលជាដើមចមនៃអំពើលួច ឆក់ ប្លន់ ដែលបង្កឲ្យមានភាពអសន្តិសុខនៅក្នុងមូលដ្ឋាន។
សូមបញ្ជាក់ថា កាលពីថ្ងៃទី១៧ ខែកញ្ញា ឆ្នាំ២០២២ កន្លងទៅ សម្តេចតេជោ បានដាក់បញ្ជាឱ្យសមត្ថកិច្ចពាក់ព័ន្ធ ក៏ដូចអាជ្ញាធរមូលដ្ឋាន ត្រូវបង្ក្រាបឱ្យអស់នូវល្បែ.ងសងខុសច្បាប់គ្រប់ប្រភេទក្នុងមូលដ្ឋានរបស់ខ្លួន ជាមួយនឹងព្រមានដកដំណែងថែមទៀតផង។ ហើយអាជ្ញាធរខេត្តស្វាយរៀង ក៏បានចុះអនុវត្តនូវបទបញ្ជារបស់ប្រមុខរាជរដ្ឋាភិបាលយ៉ាងយកចិត្តទុកដាក់ ដោយលោកអភិបាលខេត្តចាត់ឲ្យអភិបាលរងខេត្ត ទទួលបន្ទុកតាមស្រុក-ក្រុង ដឹកនាំកម្លាំងសហការជាមួយកម្លាំងសមត្ថកិច្ចរដ្ឋបាលស្រុក-ក្រុងទាំង០៨ ចុះបង្ក្រាប ក៏ប៉ុន្តែក្រុមបើកល្បែ.ងស៊ីសងហាក់ដូចជាដឹងមុនជានិច្ច មិនដែលបង្ក្រាបបាននោះទេ។ ដូច្នេះប្រជាពលរដ្ឋរង់ចាំមើលថា តើអាជ្ញាធរអាចបង្ក្រាបទីតាំងបើកលេងល្បែ.ងស៊ីសងបញ្ជល់មាន់ខុសច្បាប់នេះបានដែរឬយ៉ាងណា?។
ប្រជាពលរដ្ឋបានអំពាវនាវដល់ អាជ្ញាធរខេត្ត មេត្តាមានវិធានការចុះបង្ក្រាប ជាពិសេសលោកវរសេនីយ៍ទោ សោម សារ៉ន អធិការនគរបាលស្រុកស្វាយទាប ស្ដីទី សូមចាត់មន្ត្រីក្រោមឱវាទចុះពិនិត្យភាពមិនប្រក្រតី ចំពោះបុគ្គល និងបក្សពួកដែលហ៊ានបើកល្បែ.ងស៊ីសងជល់មាន់នេះផង ដើម្បីពង្រឹងសន្តិសុខសណ្តាប់ធ្នាប់ក្នុងសង្គម និងស្របតាមគោលនយោបាយឃុំ-សង្កាត់មានសុវត្ថិភាពទាំង៧ចំណុច របស់រាជរដ្ឋាភិបាលដែលដាក់ចេញដោយក្រសួងមហាផ្ទៃ។
ទាក់ទិននឹងករណីខាងលើនេះដែរ មិនអាចរកការបំភ្លឺពីលោកវរសេនីយ៍ទោ សោម សារ៉នអធិការស្តីទី នៃអធិការដ្ឋាននគបាលស្រុកស្វាយទាបបានទេ រហូតមកដល់ម៉ោង៤ល្ងាចម្សិលម៉ិញនេះ៕
ចែករំលែកព័តមាននេះ