សម្តេចតេជោ បញ្ជាក្រសួងព័ត៌មានលុបចោលអាជ្ញាប័ណ្ណវិទ្យុVODត្រឹមម៉ោង១០ថ្ងៃទី១៣ កុម្ភៈ បើមិនធ្វើការសុំទោស
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសនៅមុននេះបន្តិចថា សម្តេច
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសនៅមុននេះបន្តិចថា សម្តេចសម្រេចទុកពេលវេលាត្រឹមម៉ោង១០ព្រឹកនៃថ្ងៃទី១៣ កុម្ភៈ ស្អែកនេះ ដើម្បីឲ្យស្ថាប័នវិទ្យុផ្សាយសម្លេង VOD សុំទោស បើមិនដូច្នោះទេ សម្តេចតេជោ នឹងបញ្ជាឱ្យក្រសួងព័ត៌មានលុបចោលអាជ្ញាប័ណ្ណបញ្ចប់ការផ្សាយរបស់វិទ្យុVOD ត្រឹមម៉ោង10.00នាទីថ្ងៃទី១៣ កុម្ភៈនេះ ក្នុងករណីពួកគេមិនបានធ្វើការសូមទោស។
ការប្រកាសរបស់សម្តេចតេជោ បានធ្វើឡើងតាមរយៈសំណេរដែលបានបង្ហោះលើបណ្តាញសង្គមផ្លូវការរបស់សម្តេចនាយករដ្ឋមន្ត្រី នៅថ្ងៃទី១២ កុម្ភៈឆ្នាំ២០២៣។ តាមរយៈសំណេររបស់សម្តេចតេជោ បានគូសបញ្ជាក់ថា «មុននេះបន្តិចខ្ញុំបានឆ្លើយតបជាមួយឈ្មោះ (គណនីហ្វេសប៊ុក) Min Pov ទាក់ទងដល់វិទ្យុVOD ដូចមាន ខ្លឹមសារជូនភ្ជាប់មកជាមួយ។ ខ្ញុំកំពុងរង់ចាំចម្លើយពីគាត់វិញ។ ពេលនេះខ្ញុំសម្រេចកាត់បន្ថយពេលវេលាសូមទោសមកនៅត្រឹម២៤ម៉ោង គឺកំណត់ត្រឹមម៉ោង10.00នាទីព្រឹកថ្ងៃ១៣កុម្ភះ ២០២៣វិញ»។
បើតាមការបង្ហាញរបស់សម្តេចតេជោ គឺគណនីហ្វេសប៊ុក ឈ្មោះ «Min Pov» បានបញ្ចេញទស្សនៈថា «វីអូឌី ជាស្ថាប័នសំខាន់មួយក្នុងការផ្តល់ព័ត៌មាន ហើយក៏ជួយរដ្ឋាភិបាលឱ្យដឹងបន្ថែមជ្រុងមួយទៀតនៃសង្គម។ បើសង្ស័យមានការយល់ច្រឡំ គួរអង្គុយជុំគ្នា ជជែកគ្នាសិនទៅ មិនគួរឈានដល់កំណត់ម៉ោងឱ្យសុំទោសចឹងទេពូ»។
ឆ្លើយតបនឹងការលើកឡើងខាងលើ សម្តេចតេជោ បានបញ្ជាក់ថា ដំបូងឡើយគឺសម្តេចទុកពេលដល់ទៅ ៧២ ម៉ោង ដើម្បីឱ្យខាងស្ថាប័ន វីអូឌី ចេញមុខមក «សុំទោស» ជុំវិញការផ្សាយអត្ថបទមួយថា ឧត្តមសេនីយ៍ឯក ហ៊ុន ម៉ាណែត កូនប្រុសច្បងរបស់សម្តេចតេជោ និងជា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក «បានចុះហត្ថលេខាជំនួសសម្តេចតេជោប្រមុខរាជរដ្ឋាភិបាល ក្នុងការផ្តល់ជំនួយថវិកាទៅអោយប្រទេសតួគីដែលកំពុងរងគ្រោះរញ្ជួយដីផង»។
ក្នុងការផ្សាយនេះផងដែរ ឧត្តមសេនីយ៍ឯក ហ៊ុន ម៉ាណែត ក៏បានទាមទារថា «បើ VOD មិនមានឯកសារ ហើយចុះផ្សាយពត៌មានមិនត្រឹមត្រូវ សូមធ្វើការសុំទោស ព្រមទាំងធ្វើការកែសម្រួលពត៌មាននិផ្សព្វផ្សាយជាសាធារណៈជាបន្ទាន់ ដើម្បីកុំអោយសាធារណៈមតិមានការយល់ច្រឡំក្នុងរឿងនេះ។ ខ្ញុំមិនចង់បានអ្វីក្រៅតែពីការពារភាពត្រឹមត្រូវនិងច្បាស់លាស់ទេ»។
ចំណែកសម្តេចតេជោ នៅព្រឹកថ្ងៃទី ១២ កុម្ភះនេះ ក៏បានបញ្ជាក់ច្បាស់ៗថា «ដើម្បីកុំឲ្យយប់យូរសុបិនច្រើននិងអន្ទន់វែងឆ្នាំងវែងខ្ញុំបញ្ជាឲ្យក្រសួងព័ត៌មានលុប ចោលអាជ្ញាបណ័បញ្ចប់ការផ្សាយរបស់ វិទ្យុVODត្រឹមម៉ោង10.00នាទីថ្ងៃទី១៣ កុម្ភះ២០២៣ស្អែកនេះក្នុងករណីដែលពួក គេមិនបានធ្វើការសូមទោស។ ដំបៅមិនឈឺកុំយកឈើចាក់។បើគង់តែពួក គេចោទថាខ្ញុំប្រើអំណាចខ្ញុំត្រូវតែប្រើអំណាចនេះដើម្បីបំពេញបំណងរបស់ពួកគេ»។
ជាមួយគ្នានោះដែរសម្តេចតេជោក៏បានឲ្យដឹងថាស្អែកនេះ(ថ្ងៃទី១៣កុម្ភៈ)ឯកឧត្តមប៊ិន ឈិននឹងត្រូវធ្វើជា នាយករដ្ឋមន្ត្រីស្តីទីត្រូវធ្វើកិច្ចការនេះឲ្យបាន ព្រោះទាំងខ្ញុំ សម្តេច ស ខេង ទៀ បាញ់ លោកជំទាវម៉ែន សំអននឹងទស្សនកិច្ចនៅ ឡាវជាមួយគ្នា៕
ចែករំលែកព័តមាននេះ