ភ្លើងឆេះព្រៃនៅស៊ីលី ស្លា.ប់២៤នាក់ របួសជិត១ពាន់នាក់
ប្រទេសស៊ីលី ៖ ក្រុមអ្នកពន្លត់ភ្លើងនាថ្ងៃទី៥កុម្ភៈ បន្តតតាំងជាមួយភ្លើងឆេះព្រៃច្រើនសិបកន្លែង
ប្រទេសស៊ីលី ៖ ក្រុមអ្នកពន្លត់ភ្លើងនាថ្ងៃទី៥កុម្ភៈ បន្តតតាំងជាមួយភ្លើងឆេះព្រៃច្រើនសិបកន្លែងនៅស៊ីលី។ នោះជាគ្រោះមហន្តរាយធម្មជាតិដ៏អាក្រក់បំផុត ដែលប្រទេសនេះពុំធ្លាប់ជួបប្រទះ ចាប់តាំងពីច្រើនឆ្នាំមកហើយ បណ្ដាលឲ្យមនុស្សស្លា.ប់យ៉ាងតិច២៤នាក់ និងរបួសជិត១.០០០នាក់។
នៅស៊ីលី រដ្ឋាភិបាលរបស់ប្រធានាធិបតីលោកGABRIEL BORIC បានចេញការប្រកាសអាសន្នក្នុងតំបន់ជនបទ៣ នាភាគខាងត្បូងប្រទេសដើម្បីជម្រុញការជួយសង្គ្រោះ។
ប្រទេសមួយចំនួនតូចបានសន្យាជួយស៊ីលីក្នុងការទប់ទល់នឹងភ្លើងឆេះព្រៃដ៏អាក្រក់បំផុតនោះ ដោយបញ្ជូនទៅជាពិសេសយន្តហោះពន្លត់ភ្លើងនិងក្រុមអ្នកជំនាញការ ខណៈភ្លើងកំពុងរាតត្បាតតំបន់ព្រៃនិងកសិកម្ម៣ នៅក្បែរឆ្នេរសមុទ្រប៉ាស៊ីហ្វិក។
តាមការប្រកាសជាផ្លូវការកាលពីថ្ងៃទី៥កុម្ភៈថា ព្រៃឈើចំនួនប្រមាណជា២៧០.០០០ហិកតារងការបំផ្លាញដោយភ្លើងឆេះព្រៃ ពេលដែលរលកក្ដៅខ្លាំងបង្កការលំបាកដល់ក្រុមពន្លត់ភ្លើង៕
ចែករំលែកព័តមាននេះ